We-ɛɛla 12:19 - mzwDBL

¹⁹ Kooro Hɛrɔd aa baa no kɛŋɔ Pita nyoɡrɔ la, o ɡelɔ ba nyin o bɔr, kɛ ba ta on nae. Anomanta, o ɡelɔ ba bɔɔ soojare la waa kɛrɛdɛ, dɛ ŋɔ bá kpoo ba. A habɔɔ la, Kooro Hɛrɔd le Juda harɛ dɛ ka so Sisaaria tama.

We-ɛɛla 12:19 ပူးပေါင်းရင်းမြစ်များ

1 Koranar 20:43

Ate, Kooro Ahab kpɔ sum ne bandia kaa o koodem Samaria.

Ɛsta 6:12

Baa tona la, Mɔdekae berɔ ka so koodem doonyoa la ta. Heeman ɡe kpɔ sihiih ne baŋaɡola dɛ le bela kaa o dem warane.

Jeremia 36:26

Ate, Kooro la do o bibaa Jeramiil, ne Asriel bibaa Seraya dɛ Abdeel bibaa Sɛlɛmia ŋɔ bá ba lawɛ Baruk ne men Korowii keame Jeremia ba tɛo. Kɛ Korowii lawɛ yaa sɔh.

Matiu 2:1

Gɛ saŋ baa lolɛ Yeesu Bɛtlɛham waa lɔ Juda harɛ ta la, dɛ kooro bɛl baa dɛ yerɔ Hɛrɔd di kora. Belaa wejerema bane baa jemɛ weweela waa le wee leebɔr harɛ bɛl ta dɛ ba Jerusalam,

Matiu 2:13

Baa le bela dɛ kaa la, Korowii nyundua torome bɛl ba Josef be deera ta dɛ ba ŋɔ o be ŋɔ, “Kooro Hɛrɔd dɛ ba ɡela nɛra ɡaaɡe bie la bɔr dɛ́ kpoo. Anomanta, ir dɛ́ kpɔ bie la ne o nya bwa chwa kaa Ijipt harɛ ka so bela, ka tel ɡɛ saŋ maa berɛ ba ŋɔ hé le bela mɔɔ he le.”

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

We-ɛɛla 12:18

Tɔ aa pera la, sibeɡra chole soojare baa dɛ daah bela la nɛɛ taeh, asɛ baa nyin Pita bɔr yalayala ken, dɛkalkɛŋɔ ba ta wone jemɛ bela waa kpɔa.

We-ɛɛla 12:4

Kooro Hɛrɔd aa lawɛ Pita la, o doo dea dɛ ɡel soojare bananaarɛ bele banaarɛ ɛɛ daahno. Dɛ o fe dɛ lii kɛ dɛ ba di Galekaa Tɔpejen la tonaa, o fee bol Pita waa nɛnfuuh baah ta dɛ́ pa bole ásɛ nomɛlbwa na.

We-ɛɛla 12:6

Kooro Hɛrɔd fe lawɛ tɔpere bɛl, dɛ́ fe bol Pita waa la dɛ́ pa bole. Jwaana la tɔɔ aa per ásɛ tɔpere la tel la, dɛ Pita chɔ soojare baa dɛ daahno la banɛ baah ta dɛɛ chɔ dom, asɛ jɔɡrɔre anɛ do o nɔɔra. Dɛ soojare banɛ lɔ dea la doonyoa dɛɛ daah bela.

We-ɛɛla 16:27

Nomoa waa dɛ nyiŋi nɛra baa do ba dea la iro, dɛ na kɛ ɡbeni la aa pila. Waa na ɡɛ la, o te ŋɔ nɛra la bwa chwao, dɛ laa o kere kpɔ ŋɔ ó kpo o te.

We-ɛɛla 21:8

Tɔ aa pera la, ya le bela dɛ ba Sisaaria, dɛ ba choɡ Felep. Dɛ o ɛ nɛra banuanɛ ba fa aa lee ba Jerusalam ŋɔ báa nyiŋi suuɡa waa ta la bɛl. Dɛ o dɛ ɡaaɡe dɛɛ bol Korowii Wa.

We-ɛɛla 25:13

Aa baa ɛ tɔpera anɛ la, kooro bɛl baa dɛ yerɔ Aɡrepa ne haah bɛl baa dɛ yerɔ Bɛnes ba Sisaaria, dɛ ba chɔɔ Fɛstɔs.

We-ɛɛla 27:42

Soojare la fe vɔrɔwɔ ŋɔ baa kpoo nɛra baa do ba dea dɛɛ kaa ba ne laanee, dɛ ŋɔ a waa laa aa, baa wa nee le dɛ chwa kaa.

We-ɛɛla 8:40

Felep ne nyiŋa dɛ o lɔ Asotas. O le bela bol Amanesoma la baah bela bwɛɛre la bwa ta ka tel Sisaaria.

1 Samoɛl 23:14

Devid kaa sɔh Sif pua hɛŋle ɡbo harɛ ne o deŋɡarere ta. Tɔpere bɛlbwaa Kooro Sɔɔl ɛɛ ɡaaɡe o bɔr, kɛ Korowii ta ɡelɛ o dɔ Devid lawɛ.