We-ɛɛla 12:17 - mzwDBL

¹⁷ Anee Pita kpɔ nɔn ɛɡ ba ŋɔ bá bwa tɔ nyoa, asɛ dɛ baɡle ɡɛ Korowii aa leo o dea doe la ta bwa. O ŋɔ ba be ŋɔ bá ŋɔ Jems ne ba bala la kar la be, dɛ le kaa bobɛl.

We-ɛɛla 12:17 ပူးပေါင်းရင်းမြစ်များ

Yela 146:7

O bol nɛra baa dɛ fiɡ ba waa dɛɛ tɛɛ ba, nɛra lɔr aa dɛ kpo ba ɡe, o dɛ tɛɛ ba kondikwa. O ɡelɔ nɛra baa laɡ ba do dea ɛɛ di ba nyu,

Yela 66:16

Hé ba, dɛ́ ba no, he nɛra haa dɛ tomɛ Korowii, ásɛ n baɡle waa waa ɛa tɛ mɛ.

Matiu 10:23

Dɛ he la bwɛɛ bɛl ta baa ɛ heyaa hɔhɔrɔwa aa, hé chwa kaa bwɛfale ta. Kasinteŋ, haa won la Israel bwɛɛre nɔ bwa ta ka chiɡ mɔɔ Men Nɛn Bie ba.

Amanesoma Mak Aa Chwera Tɔn 6:3

Kapenta te la laa aa? Mɛɛre bie la laa aa? Jems ne Josef ne Judas dɛ Seemɔn wa dɔɔ la laa aa? O nimambii laa lɔ ya be bonɔ naa?” Anomanta, ba siwi ta on sui.

Amanesoma Luk Aa Chwera Tɔn 1:22

Waa le Korowii Dea bela dɛ ba buse la, o ta wone bol waa nɛra la be. Anomanta, ba nao kɛŋɔ o na komɛl deera ta bela. Anee ɡela waa wola won waa bol dɛ kpɔ nɔɔra ne nyu dɛɛ baɡle waa la.

Amanesoma Jɔn Aa Chwera Tɔn 10:40

Yeesu le Jɔɔdan Moo la ja dɛ kaa o baŋ bela Jɔn faa dɛ sɔ nɛra Korowii nee la, dɛ ka so bela.

Amanesoma Jɔn Aa Chwera Tɔn 11:54

Anomanta, dɛ waa o te kpɔe dɛɛ jo Juu tena la bini kpa. O joɔ kaa pua hɛŋle ɡbo harɛ bwɛɛ bɛl baa dɛ yerɔ Efrem ta, asɛ o ne o habɔteŋra la ka so bela.

Amanesoma Jɔn Aa Chwera Tɔn 13:24

Belaa Seemɔn Pita lɔ sie o be ŋɔ ó bɔɔro ó baɡle ba bini bɛl la waa ŋɔa.

Amanesoma Jɔn Aa Chwera Tɔn 7:1

Anɔ habɔɔ la, dɛ Galilia harɛ ta ɡboo Yeesu do dɛɛ ɡaaɡe. Dɛ waa nyin kɛ o la Juda harɛ te ta, dɛkalkɛ dɛ bela nomonome la dɛ nyin o bɔr dɛ́ kpoo.

Amanesoma Jɔn Aa Chwera Tɔn 8:59

Belaa ba pa bwea ŋɔ ba dɛ foɡro, asɛ o sɔh dɛ le Korowii Dea bela kaa.

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

We-ɛɛla 12:16

Ate, dɛ Pita ta dɛ lɔ ɡbera la. Baa yaa dɛ nao la, ba nyoa kpoo.

We-ɛɛla 12:18

Tɔ aa pera la, sibeɡra chole soojare baa dɛ daah bela la nɛɛ taeh, asɛ baa nyin Pita bɔr yalayala ken, dɛkalkɛŋɔ ba ta wone jemɛ bela waa kpɔa.

We-ɛɛla 13:16

Belaa Pɔɔl ir che dɛ kpɔ nɔn ɛɡ ba ŋɔ bá tɔ nyoa, dɛ ŋɔ, “N bala Israel tena ne he nɛra haa baa ja ya nɛɛ dɛɛ tomɛ Korowii, hé no n be.

We-ɛɛla 15:13

Baa bol waa tonɛ la, Jems ɡe bol waa ŋɔ, “Yabala, hé no n be!

We-ɛɛla 16:40

Pɔɔl ne Silas aa le bela la, ba la Liidia dem. Ba kaa na bwɛɛ la asɔre tena la bela, dɛ bol waa baɡ ba, dɛ do ba ɡbemba dɛ kaa.

We-ɛɛla 19:33

Bela Juu tena fe ɡelɔ ba bini bɛl baa dɛ yerɔ Alɛksanda la ir che, dɛ fe tɔh ba nyoa ŋɔ ba laa ba waa la ne. Anee o kpɔ nɔn ɛɡ ba ŋɔ bá tɔ nyoa, ásɛ o fe tɔh o bwɛɛ tena nyoa.

We-ɛɛla 21:18

Tɔ aa pera la, Pɔɔl kpɔ yaa la Jems be, dɛ asɔre tena nomonome la bwa lɔ bela.

We-ɛɛla 21:40

Waa ŋɔ ɡɛ la, nomoa la tɛo ŋwɛnɛ, asɛ o che dea la sanjol ta dɛ kpɔ nɔn ɛɡɛ nɛra la ŋɔ bá tɔ nyoa. Ba tɔ nyoa surumm ken, asɛ Pɔɔl kpɔ Aram tena wobol dɛɛ bol waa ba be, dɛ ŋɔ.

We-ɛɛla 28:15

Rom asɔre tena aa no ya waa la, ba baa cheme yaa Apius Yawa ta ne bela baa dɛ yerɛ Deene Atoro la bɔr. Pɔɔl aa na ba la, o bambile ba harɛ, asɛ o jam Korowii.

1 Kɔrent 15:7

A habɔɔ la, Jems nao, asɛ Yeesu toroma bwa nao.

Galaasia 1:19

N ta Yeesu toroma la bɛlbwa nae bela ka ja Pita nɛ. Jems waa ɛ ya Dɔɔ la nime la ɡee n berɛ na ja Pita nɛ.

Galaasia 2:12

Jems fa tomɛ nɛra bane Anteɔk. Gɛ nɛra nɔ aa wola Anteɔk balɛ mɔɔ la, dɛ Pita ne asɔre tena la bini bane baa wola Juu tena ɛɛ la pɛo dɛɛ di kwa. Kɛ Jems toroma la aa baa jo Anteɔk la, Pita chwa a ɡɛ nɛra la be kwaa dii, dɛkalkɛŋɔ dɛ o dɛ ɔmɛ kɛŋɔ, hɔɔhra la bɛ ba ŋɔ waa Juu tena nawee wa aa dɛ baɡle kɛŋɔ ba ne nɛra baa wola pena teŋni aa kwaa di la ta teŋɛ.

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.