We-ɛɛla 12:11 - mzwDBL

¹¹ Belaa Pita ta na waa aa ɛo la, dɛ ŋɔ, “Namee n ta jemɛ kɛ N Naa Korowiirii ɡela o nyundua torome nɔ ba lɛɛ mɛ le Kooro Hɛrɔd nɔn ta, dɛ lee mɛ waa Juu tena bwa fe aa dɛ lii kɛ mɛɛ nao la ta.”

We-ɛɛla 12:11 ပူးပေါင်းရင်းမြစ်များ

Mumpar 15:13

Belaa Korowii ŋɔ o be ŋɔ, “Jemɛ kɛŋɔ he naanar ɛɛ ka ɛ hɔɔhra nɛra bane harɛ taa, dɛ́ ɛ yoma, ásɛ ba ɛɛ ba hɔhɔrɔwa bene lafraanaarɛ.

Mumpar 18:13

Belaa Korowii bɔɔ Abraham ŋɔ, “Ɛrɛɛ Saara mamɛ o nyu bini dɛ ŋɔ, ‘Mɛɛ won berɛ dɔ bie taraken maa hwɛɛhra nɔ naa?’

Mumpar 26:9

Anee kooro la yerɔ dɛ pɛɛro ŋɔ, “Tolo la, he haahnee. Aah ɛrɛɛ a ɛ asɛ he ŋɔ ya be ŋɔ he nimambiee yɔ?” Asɛ Aesek ŋɔ, “N liiro kɛŋɔ a ɡɛ ken ɛɛ ɡeloo n dɔ seo.”

2 Samoɛl 22:1

Kooro Devid ɡo yel kpɛɛ Korowii ɡɛ saŋ waa lɛo le Kooro Sɔɔl ne o dɔma bwa nɔn ta.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Job Tɔn 31:31

dɛ n dem nɛra fe ta bolɛ ŋɔ, ‘Umee wola Job nɔn ta ola dɔe chwe kohona kaɔ?’

Job Tɔn 5:19

Saŋ bɛlbwa Korowii ɛɛ lɛɛ le wenaale ta.

Yela 109:31

dɛkalkɛ o dɛ che nyaara habɔɔ, dɛ lɛɛ ba dɛɛ le nɛra baa kpoo ba nɔn ta.

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Yela 33:19

O lɛɛ ba dɛɛ le seo nyoa, dɛ́ ɡel ba so le, hale lɔr saŋ.

Yela 34:22

Korowii ɛɛ lɛ o nɛraa, wɛɛ lɛ banɔ la baa chwaa kaa marɔ laanee.

Yela 34:7

Korowii nyundua torome dɛ daah nɛra baa dɛ tomɛ Korowii, dɛɛ lɛɛ ba.

Yela 41:2

Korowii dɛ́ tɔ ba ɡbemɡbe, ásɛ ba soɡa bini do wer, o swee andɛɛɡa dɛɛ tɛɛ ba harɛ la ta, ba dɔma lii wechɔɡa tɛɛ ba aa, o kpɔ nɔn dɛɛ tɔ ba nɛ.

Yela 97:10

Nɛra baa hah wechɔɡa la, Korowii dɛ nyin ba wa. O kpɔ nɔn dɛɛ tɔ o nɛra ba wa aa dɔ kasinteŋ tɛo nɛ, dɛ lɛɛ ba dɛɛ le nyubinikpeɡ tena nɔn ta.

Daneɛl 3:25

Asɛ kooro ŋɔ o nomonome la be ŋɔ, “Hé nyiŋi na. N dɛ na nɛra banaarɛ baa valɛ nii la ta, ba ta ban vɔrɔwɛ, ba ta fueh ɡe. Onɔ la waa jaa naarɛ la dɛ le nyundua torome.”

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Amanesoma Luk Aa Chwera Tɔn 15:17

Asɛ o sie aa baa ba harɛ la, o soɡo dɛ lii o mɛɛ waa dɛ ŋɔ, ‘N mɛɛ bonɔɔna kwaraa baa lɔ o sie la di kwaa dɛɛ ka, asɛ n do bonɔ lɔr ɛɛ kpo mɛ la.

We-ɛɛla 12:7

Kerabeŋkpoŋ dɛ Korowii nyundua torome cheɡɛ dea la bini, asɛ bela chaah. O baa lɔ Pita dɛ chumu, dɛ ŋɔ o be ŋɔ, “Ir warane!” Buɡ la taa, Pita nɔɔra jɔɡrɔre la foo le.

We-ɛɛla 24:27

Bene anɛ baa ɡale, asɛ Fɛlekse le kara ta, asɛ Pɔkeɔs Fɛstɔs ba di kara. Dɛ Fɛlekse dɛ nyin kɛ Juu tena sie lɛ o nɛ, anomanta, o ɡelɔ Pɔɔl ta do dea.

We-ɛɛla 25:9

Dɛ Koojen Fɛstɔs dɛ nyin kɛŋɔ o kpɔ Juu tena la darame, anomanta, o bɔɔ Pɔɔl ŋɔ, “Hɛɛ la Jerusalamee, ásɛ ba ka bol he waa baa kpɔa dawɛ he nɛɛ nɔ n siwi ta dɛ́ pa bole n ɡe na naa?”

We-ɛɛla 5:19

Awola jwaana la, Korowii nyundua torome bɛl baa ya dea la ɡbera, dɛ le Yeesu toroma la ne buse, dɛ ŋɔ ba be ŋɔ,

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.