We-ɛɛla 11:27 - mzwDBL

²⁷ A ɡɛ saŋ la, Korowii keamere bane le Jerusalam la Anteɔk.

We-ɛɛla 11:27 ပူးပေါင်းရင်းမြစ်များ

Matiu 23:34

N ɡelɔ hɛɛ no kɛŋɔ mɛɛ tomɛ Korowii keamere, wejerema ne Tɔnjerema he bee. Hɛɛ kpoo banee, dɛ́ kpaa bane pɛl daɡaɡra ta, dɛ́ kpɔ chweremi lɔɔ bane cheremi deene ta, dɛ́ doŋ ba jo bwɛɛre ta dɛɛ nyin ba dɛ́ lawɛ.

Amanesoma Luk Aa Chwera Tɔn 11:49

Anɔ waa Korowii bol o Tɔn la baa dɛ yerɔ Wejema la bini ŋɔ, ‘Mɛɛ tomɛ n keamere ne toroma ba bee, baa kpoo banee dɛ́ fiiɡi bane’ la.

We-ɛɛla 11:20

Kɛ Saepros ne Sairini baala bane ba ɡe aa ɛ asɔre tena la te iro, dɛ la Anteɔk dɛ ka bol ya Dɔɔ Yeesu Amanesoma la waa Grik tena be.

We-ɛɛla 11:22

Asɔre tena baa lɔ Jerusalam la baa no a ɡɛ waa nɔ, dɛ tomɛ Banabas ŋɔ ó la Anteɔk asɔre tena la be, dɛ́ ka na ɡɛ ba Korowii toma aa doa.

We-ɛɛla 13:1

Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl.

We-ɛɛla 14:26

Belaa ba che kpɔ ɡbera dɛ laa berɛ ba Anteɔk. Anteɔkee ba fa kpɔ Pɔɔl ne Banabas do Korowii nɔn ta kɛŋɔ ó cha ba, asɛ ba ɛ toma baa tona taraken nɔ la.

We-ɛɛla 15:22

Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane.

We-ɛɛla 15:30

Ba kpɔ tɔn la do Pɔɔl ne Banabaswa nɔn ta, dɛ ta ba ŋwɛnɛ, asɛ ba kaa Anteɔk. Ba kaa yerɛ bela asɔre tena bwa cheme, dɛ kpɔ tɔn la tɛɛ ba.

We-ɛɛla 15:32

Dɛ Korowii keameree Judas ne Silas. Ba bol waa taeh dɛ kpɔ do ba ɡbemba, dɛ ja ba.

We-ɛɛla 18:22

Waa tel Sisaaria la, o la Jerusalam dɛ ka chɔɔ bela asɔre tena, dɛ le bela kaa Anteɔk.

We-ɛɛla 2:17

‘Korowii ŋɔ, Harɛ chɔɡa tɔpera aa ka mun ta la, mɛɛ tɛ nɛra bwa soo siwi n Domadɛɛɡe la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

We-ɛɛla 21:4

Ya nyin asɔre tena baa lɔ bela la bɔr, dɛ so ba be yawanyoa. Bela la Korowii Domadɛɛɡe la ɡelɔ ba ŋɔ Pɔɔl be ŋɔ o bɛ Jerusalam la.

We-ɛɛla 21:9

Dɛ o dɔ bihaahna banaarɛ baa wola yalɛ bwa, asɛ Korowii Domadɛɛɡe la cha ba ba yon dɛɛ bol Korowii Wa.

We-ɛɛla 6:5

Nɛra la bwa sie lɛ waa la Yeesu toroma la aa bola la ta, dɛ le baa bɛl Korowii Domadɛɛɡe aa soɡe o nɛɛ kpeɡri nɛɛ wɛɛ yarada Korowii, dɛɛ tomɔ kasinteŋ ne baa yerɔ Steeven la. Nɛra baa jaa la ɡe sɔnaa Felep, ne Prokɔrɔs, ne Nikenɔ, ne Taemɔn, ne Paamenas, dɛ Nikolas. Dɛ Anteɔk tee Nikolas nɔ, asɛ wɛɛ tomɛ Korowii Juu tena ŋwɛnɛ baa dɛ tomɛ Korowii la ta.

1 Kɔrent 12:10

O tɛ bane kpeɡri ba won nyokpowaa ɛɛ, asɛ bane ɡe won che o kpeɡri la ta, dɛ́ won bol Korowii Wa aa dɛ ba bala kerekere. O ɡelɔ bane won jemɛ kon la soo waa dɛ ir nɛra nɛɛ ba che o ta dɛɛ ɛ wa, dɛ ɡel bane ɡe won bol wobofala, asɛ dɛ ɡel bane ɡe won wobofala mun baɡla dɛɛ baɡle nɛra.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

1 Kɔrent 14:32

Nɛra Korowii Domadɛɛɡe aa tɛɛ ba kpeɡri bá bol o waa la, bá won ba te lawa,

Galaasia 2:11

Pita aa ba Anteɔk la, n diu kasinteŋ, dɛkalkɛŋɔ dɛ o dɛ ɛ waa aa wola aŋwɛnɛ ta ɛɛ.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.