We-ɛɛla 11:26 - mzwDBL

²⁶ Waa nao la, o kpɔɔ kaa Anteɔk. Baa lɔ bela la, ba benanyobir bwa, dɛ ba ne bela asɔre tena dɛ cheme. Ba baɡle nɛra pirim Yeesu waa bela. Anteɔk belaa ba tɔ sie yerɛ nɛra baa yarada Yeesu la Kristo tena.

We-ɛɛla 11:26 ပူးပေါင်းရင်းမြစ်များ

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Amanesoma Jɔn Aa Chwera Tɔn 2:2

Ba yerɛ Yeesu ne o habɔteŋra la bane ɡe hanfale waa la bɔr bela.

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

We-ɛɛla 11:20

Kɛ Saepros ne Sairini baala bane ba ɡe aa ɛ asɔre tena la te iro, dɛ la Anteɔk dɛ ka bol ya Dɔɔ Yeesu Amanesoma la waa Grik tena be.

We-ɛɛla 11:22

Asɔre tena baa lɔ Jerusalam la baa no a ɡɛ waa nɔ, dɛ tomɛ Banabas ŋɔ ó la Anteɔk asɔre tena la be, dɛ́ ka na ɡɛ ba Korowii toma aa doa.

We-ɛɛla 11:27

A ɡɛ saŋ la, Korowii keamere bane le Jerusalam la Anteɔk.

We-ɛɛla 11:29

Belaa Yeesu habɔteŋra la ŋɔ baa pu siee ta suuɡa ɡɛ ba bɛlbwa aa wona laanee, dɛ́ ka tɛ ba bala asɔre tena baa lɔ Juda harɛ la mɔɔ lɔr la ba.

We-ɛɛla 14:20

Nɛra baa yarada Yeesu waa la ba Pɔɔl be dɛ ba baro cheme, asɛ o ir dɛ berɛ jo bwɛjen la bini. Tɔ aa pera la, o ne Banabas la Dɛɛbe.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

We-ɛɛla 14:28

Ba ne asɔre tena la soɡo biɡri.

We-ɛɛla 18:27

Belaa Apolos ŋɔ wɛɛ la Akaya harɛ taa. Anomanta, Ɛfesos asɔre tena la doo ɡbemba dɛ chwerɛ Akaya harɛ asɔre tena tɔn ŋɔ ó ba ba be naa, bá nyiŋu kɛrɛdɛ. Waa la bela la, o kaa cha nɛra Korowii aa sune ba nɛɛ dɛ ɡel ba yarada o waa la taeh.

We-ɛɛla 19:9

Ba bini bane deŋne kpeɡri baa waa la yarada kwara, dɛɛ bol Yeesu nɛɛ teŋa la waa aa wola were kwara nɛnlaa la bwa baah ta. Anomanta, Pɔɔl ɡel ba, dɛ lawɛ nɛra baa yarada Yeesu waa la, asɛ tɔpere bɛlbwa o ne ba kaa cheme bobɛl baa dɛ yerɛ bela Teraanɔs Sukuu la ta.

We-ɛɛla 20:1

Gbɔɡa la nyoa aa sɔɔhna la, Pɔɔl yerɛ bela asɔre tena la cheme, dɛ do ba ɡbemba, dɛ kal ba, dɛ kaa Makidoonia harɛ.

We-ɛɛla 20:30

N jemɔ kɛŋɔ he ɡbaɡba bini bane ɛɛ dɛɛ bol waa aa wola weree, dɛ́ neɡre nɛra ásɛ ba ɡel Yeesu nɛɛ teŋa dɛɛ teŋɛ ba nɛ.

We-ɛɛla 21:4

Ya nyin asɔre tena baa lɔ bela la bɔr, dɛ so ba be yawanyoa. Bela la Korowii Domadɛɛɡe la ɡelɔ ba ŋɔ Pɔɔl be ŋɔ o bɛ Jerusalam la.

We-ɛɛla 26:28

Belaa Kooro Aɡrepa ŋɔ, “He dɛ lii kɛ hɛɛ wonoo ɡel n berɛ asɔre te buɡ nɔ ta kɛɛ?”

We-ɛɛla 6:1

A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

We-ɛɛla 6:5

Nɛra la bwa sie lɛ waa la Yeesu toroma la aa bola la ta, dɛ le baa bɛl Korowii Domadɛɛɡe aa soɡe o nɛɛ kpeɡri nɛɛ wɛɛ yarada Korowii, dɛɛ tomɔ kasinteŋ ne baa yerɔ Steeven la. Nɛra baa jaa la ɡe sɔnaa Felep, ne Prokɔrɔs, ne Nikenɔ, ne Taemɔn, ne Paamenas, dɛ Nikolas. Dɛ Anteɔk tee Nikolas nɔ, asɛ wɛɛ tomɛ Korowii Juu tena ŋwɛnɛ baa dɛ tomɛ Korowii la ta.

We-ɛɛla 9:19

asɛ o di kwa, o bwara do kpeɡri. O soɡe asɔre tena baa lɔ Damaskɔs la be tɔpera anɛ,

We-ɛɛla 9:38

Dɛ Jopa ne Leda aa jaŋɛ, anomanta, asɔre tena baa lɔ Jopa la aa noa kɛŋɔ Pita lɔ Leda la, ba tomɛ baala banɛ o be dɛ ŋɔ bá ka ŋɔ o be ŋɔ ba dɛ soŋo kɛ ó ɡel wobɛlbwa dɛ́ ba ba be warane.

1 Kɔrent 11:18

Waa aa tɔ sie laanee kɛŋɔ, n noɔ kɛŋɔ dɛ he chemo dɛɛ soŋe Korowii aa, haa nyopɛo dɔ. N dɛ lii kɛŋɔ kpelaa ba ŋɔ.

1 Kɔrent 12:12

Hé ta sie nyiŋi he bwadabii na, o ɛ kombir, kɛ o dɔ peɡra, asɛ a bwa pɛ dɛ ɛ bwadabii beŋkpoŋ. Gɛɛ Yeesu Kristo do.

1 Kɔrent 14:23

Dɛ asɔre tena chemo, asɛ bɛlbwa ɛɛ bol wobofale, asɛ nɛra baa wola yarada dɛ ɛ nɛmpɛɛne ba ja he nɛ aa, baa ŋɔ he dɛ we choɡla aa?

1 Kɔrent 4:17

A waa ɡela n tomɛ Timoti he be la. O ɛ n bie maa dɛ nyinu, wɛɛ no n deŋna waa Yeesu Kristo toma nɔ ta. Wɛɛ lii heyaa ɡɛ maa dɛ teŋɛ Yeesu Kristo waa la ta. Gɛ maa dɛ baɡle asɔrere ta bobɛlbwa laanee wɛɛ ba heyaa liira.

Ɛfesos 3:15

Onee komɛlbwa waa lɔ nyundua ne harɛ bwa Mɛɛ. O bee ba mɛɛnanar lɛ ba sɔn ne ba kpeɡri dɛɛ di.

Jems 2:7

Gɛ nɛra nɔ laa dɛɛ bol wechɔɡa dɛɛ yaɡɛ Yeesu sɔndɛɛɡe nɔ baa kpɔa dawɛ heyaa la aa? Kɛ banee hɛɛ duu la!

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.

1 Pita 4:16

Dɛ a cheɡɛ he Kristo te ɛɛ ta, asɛ hɛɛ na wahala aa, bɛ ɡel a ɛɛ sihiih. Jam Korowii kɛŋɔ Yeesu Kristo sɔn aa dawɛ he nɛ.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.