We-ɛɛla 11:24 - mzwDBL

²⁴ Dɛ Banabas ɛ nɛndɛɛɡe asɛ Korowii Domadɛɛɡe ɡe so o nɛɛ kpeɡri nɛ. Dɛ o dɛ yarada Yeesu taeh dɛ kpɔ o te tɛo. Anomanta, nɛra charɛ ba liire pirim dɛ ba tomɛ Yeesu.

We-ɛɛla 11:24 ပူးပေါင်းရင်းမြစ်များ

2 Samoɛl 18:27

Belaa nɛn waa dɛ daah bela la ŋɔ, “N dɛ na kɛŋɔ baa waa tɔ sie la dɛ le sɔfo Sadɔk bibaa Ahimas.” Asɛ kooro ŋɔ, “O ɛ nɛndɛɛɡe. Amanesoma nee wɛɛ ba.”

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

Yela 37:23

Korowii sie lɛ nɛra we-ɛɛla ta naa, o dɛ baɡ ba ŋwɛnɛ baa kpɔ o ta, dɛ kpɔ nɔn dɛɛ tɔ ba nɛ.

Sɛɡla 12:2

Korowii tea dɛ to nɛndɛɛɡa nɛ, dɛɛ pa nɛra baa dɛ lii wechɔɡa bolchɔɡe.

Sɛɡla 13:22

Nɛra ba wa aa toɡra naanaree dɛɛ di ba kapɛrɛre, kɛ nɛnchɔɡa te kapɛrɛre dɛ kaa nɛra ba wa aa toɡra be.

Sɛɡla 14:14

Nɛn waa ɡel wedɛɛɡa ɛɛ dɛ́ dɔ deŋnetɛra, nɛndɛɛɡa ɡe ɛɛ dɔ ba we-ɛɛla kembɔr.

Matiu 12:35

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.

Matiu 19:17

Anee Yeesu ɡe berɛ pɛɛro ŋɔ, “Ɛrɛ waa hɛɛ pɛɛ mɛ wedɛɛɡa ɛɛ waa nɔɔ? Korowii ɡbosoo ɛ nɛndɛɛɡe. Kɛ dɛ he dɛ nyin kɛŋɔ he dɔ mkpa aa wola jaɡa dɔe bwa te naa, dɛɛ ɛ waa Korowii Mmarare la aa dɛ chaɡle la.”

Amanesoma Luk Aa Chwera Tɔn 23:50

Dɛ baa bɛl sɔne Josef, o ɛ Juu te dɛ le Arimatea. Dɛ o ja nomonome baa bol Yeesu waa la nɛ, dɛ o dɛ ɔmɛ Korowii dɛ ɛ nɛndɛɛɡe,

Amanesoma Jɔn Aa Chwera Tɔn 7:12

Dɛ nɛnlaa la kɛrɛdɛ dɛ ŋwalɛ o wa. Bane ŋɔ, “O ɛ nɛndɛɛɡe.” Bane ɡe ŋɔ, “Akai, nɛra ɡboo wɛɛ neɡre.”

We-ɛɛla 11:21

Dɛ Korowii dɛ cha ba o kpeɡri ne, asɛ nɛra no Yeesu waa la dɛ yaradaa, dɛ charɛ ba liire, dɛ kpɔ ba te tɛ Yeesu. A ɡɛ nɛra nɔ warɔ kɛrɛdɛ.

We-ɛɛla 2:4

Ate, dɛ Korowii Domadɛɛɡe baa so ba bwa nɛɛ kpeɡri ne dɛ ir ba nɛ, asɛ baa bol wobofala. Korowii Domadɛɛɡe laanee ɡela ba won dɛɛ bol a ɡɛ wobofala la.

We-ɛɛla 2:47

Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

We-ɛɛla 5:14

Dɛ balaa nɛra ɡe den na dɛɛ ba, dɛ baa ja ba nɛ. Dɛ ba bini baala ne haahna bwaa dɛɛ ba, dɛ kpɔ ba te tɛ Yeesu.

We-ɛɛla 6:3

Anomanta, yabala, hé nyiŋi dɛ le he bini nɛra banuanɛ nɛra bwa aa jema kɛŋɔ ba ɛ nɛndɛɛɡa, asɛ ba we-ɛɛla ɛɛ baɡle kɛŋɔ Korowii Domadɛɛɡe la soɡe ba nɛɛ kpeɡri nɛɛ dɛ ɡel ba ɛ wejerema la, ásɛ ya kpɔ suuɡa waa nɔ do ba nɔn ta,

We-ɛɛla 6:5

Nɛra la bwa sie lɛ waa la Yeesu toroma la aa bola la ta, dɛ le baa bɛl Korowii Domadɛɛɡe aa soɡe o nɛɛ kpeɡri nɛɛ wɛɛ yarada Korowii, dɛɛ tomɔ kasinteŋ ne baa yerɔ Steeven la. Nɛra baa jaa la ɡe sɔnaa Felep, ne Prokɔrɔs, ne Nikenɔ, ne Taemɔn, ne Paamenas, dɛ Nikolas. Dɛ Anteɔk tee Nikolas nɔ, asɛ wɛɛ tomɛ Korowii Juu tena ŋwɛnɛ baa dɛ tomɛ Korowii la ta.

We-ɛɛla 6:8

Dɛ Korowii cha Steeven kohona, dɛ tɛo kpeɡri o won dɛɛ ɛ nyokpowa, ne waa aa kpeɡa nɛra baah ta.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Tɔn Pɔɔl Aa Chwerɛ Rom Tena 15:15

He nyiŋo na naa, n tɔn nɔ maa chwerɔ nɔ, n di heyaa kasinteŋ waane ta dɛɛ lii heya. Korowii aa sune n nɛɛ

Tɔn Pɔɔl Aa Chwerɛ Rom Tena 5:7

A kpeɡri kɛŋɔ nɛn lɛ nɛndɛɛɡe kwaraa seo dɛ́ sewɛ. Nɛn waa dɛ nyin nɛn la te, bɛl lole nomɛl ken ɛɛ wonoo lɔ bambile lɛ o seo dɛ́ sewɛ.