We-ɛɛla 11:19 - mzwDBL

¹⁹ Steeven seo la habɔɔ fiiɡa baa fiiɡi asɔre tena asɛ ba peɡre la ɡelɔ bane kaa bojaŋa tenten. Hale bane la Finiisia ne Saepros dɛ Anteɔkwa bwa. Baa dɛ valɛ a ɡɛ harɛre nɔ ta la, ba ta Yeesu waa la bolɛ nomɛlbwa be ka ja Juu tena nɛ.

We-ɛɛla 11:19 ပူးပေါင်းရင်းမြစ်များ

Matiu 10:6

Hé kaa Israel tena baa do kɛŋɔ peera aa nyoɡra la be,

Amanesoma Jɔn Aa Chwera Tɔn 7:35

Anee Juu tena nomonome la bɔɔ dɔŋa ŋɔ, “Amɔ leperaa baa nɔ ɛɛ nyin kaala ásɛ yaa wola on ba na kpa nɔɔ? O ken ɛɛ kaa Juu tena baa jo pua ka so Grik tena harɛ ta la bee, dɛ́ kaa chaɡle Grik tena o waa la kɛɛ?

We-ɛɛla 11:20

Kɛ Saepros ne Sairini baala bane ba ɡe aa ɛ asɔre tena la te iro, dɛ la Anteɔk dɛ ka bol ya Dɔɔ Yeesu Amanesoma la waa Grik tena be.

We-ɛɛla 11:22

Asɔre tena baa lɔ Jerusalam la baa no a ɡɛ waa nɔ, dɛ tomɛ Banabas ŋɔ ó la Anteɔk asɔre tena la be, dɛ́ ka na ɡɛ ba Korowii toma aa doa.

We-ɛɛla 13:1

Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl.

We-ɛɛla 13:4

Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ.

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

We-ɛɛla 14:26

Belaa ba che kpɔ ɡbera dɛ laa berɛ ba Anteɔk. Anteɔkee ba fa kpɔ Pɔɔl ne Banabas do Korowii nɔn ta kɛŋɔ ó cha ba, asɛ ba ɛ toma baa tona taraken nɔ la.

We-ɛɛla 15:22

Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane.

We-ɛɛla 15:3

Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh.

We-ɛɛla 15:30

Ba kpɔ tɔn la do Pɔɔl ne Banabaswa nɔn ta, dɛ ta ba ŋwɛnɛ, asɛ ba kaa Anteɔk. Ba kaa yerɛ bela asɔre tena bwa cheme, dɛ kpɔ tɔn la tɛɛ ba.

We-ɛɛla 15:35

Pɔɔl ne Banabas te soɡe Anteɔk tama, asɛ ba ne ba bala bane ɛɛ bol Amanesoma la dɛɛ baɡle ya Dɔɔ Yeesu waa nɛra be.

We-ɛɛla 15:39

Pɔɔl ne Banabas beɡre wa, dɛ a nyoa kpeɡri, asɛ ba peɡri. Banabas kpɔ Jɔn Mak ja o nɛɛ ba jo ɡbera ta kaa Saepros,

We-ɛɛla 18:22

Waa tel Sisaaria la, o la Jerusalam dɛ ka chɔɔ bela asɔre tena, dɛ le bela kaa Anteɔk.

We-ɛɛla 21:16

Yeesu habɔteŋra baa le Sisaaria la bane ɡe teŋɛ ya nɛɛ la, dɛ tɔ ya sie la ya ne baa la ya fe aa dɛ ba o dea choɡa la dem. O le Saepros, dɛ ɛ nɛnloɡla baa lɛ Yeesu waa la bɛl, asɛ baa yerɔ Meesan.

We-ɛɛla 21:2

Belaa ya na kɛŋɔ stiimae bɛl aa ba dɛ kaa Finiisia harɛ ta, asɛ ya jo o bini dɛ kaa,

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

We-ɛɛla 4:36

Dɛ ba bini bɛl le Lewi dea, ba lolɔ Saepros, asɛ baa yerɔ Josef. Dɛ Yeesu toroma la dɛ yerɔ Banabas. O sɔn la munii “Nɛn waa dɛ do nɛra ɡbemba.”

We-ɛɛla 6:5

Nɛra la bwa sie lɛ waa la Yeesu toroma la aa bola la ta, dɛ le baa bɛl Korowii Domadɛɛɡe aa soɡe o nɛɛ kpeɡri nɛɛ wɛɛ yarada Korowii, dɛɛ tomɔ kasinteŋ ne baa yerɔ Steeven la. Nɛra baa jaa la ɡe sɔnaa Felep, ne Prokɔrɔs, ne Nikenɔ, ne Taemɔn, ne Paamenas, dɛ Nikolas. Dɛ Anteɔk tee Nikolas nɔ, asɛ wɛɛ tomɛ Korowii Juu tena ŋwɛnɛ baa dɛ tomɛ Korowii la ta.

Galaasia 2:11

Pita aa ba Anteɔk la, n diu kasinteŋ, dɛkalkɛŋɔ dɛ o dɛ ɛ waa aa wola aŋwɛnɛ ta ɛɛ.