We-ɛɛla 11:17 - mzwDBL

¹⁷ Yaa baa yarada Yeesu la, kon Korowii aa kpɔa tɛ yaa laanee o tɛ nɛra nɔ la. Aah dɛ n ɡee umeo dɛ́ tɔŋle Korowii ɔ?”

We-ɛɛla 11:17 ပူးပေါင်းရင်းမြစ်များ

Job Tɔn 33:13

Ɛrɛɛ he bol he waa dɛɛ baɡle Korowii waa wola hen chaŋe nɔɔ?

Job Tɔn 40:2

“Umee hen hɛɛ tɔŋle Men Kpeɡri Bwa Dɔɔ rɔ? Dɛ ɡɛɛ yaa, amɔ te chaŋ mɛ.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

We-ɛɛla 10:45

Juu tena baa ɛ asɔre tena ba ne Pita le Jopa ba aa na ɡɛ la, ba nyoa kpoo kɛŋɔ Korowii aa ɡela o Domadɛɛɡe la ba so nɛra baa wola Juu tena ɛɛ ɡba nɛ,

We-ɛɛla 10:47

“Gɛ tenten Korowii aa tɛ yaa o Domadɛɛɡe laanee o tɛ nɛra nɔ ɡe la. Aah aa do ɡɛ nɔ, umee dɛ́ won vɔm ba Korowii nee sɔe yɔ?”

We-ɛɛla 11:15

Maa la o be la, maa pa mun dɛɛ bol waa la, dɛ Korowii Domadɛɛɡe la baa so o ne o dem tena nɛɛ kɛŋɔ waa baa so ya nɛɛ loɡla la.

We-ɛɛla 5:39

Kɛ dɛ Korowii be ɡee a le aa, ate haa won sɔɔh ba waa nɔ nyoa. He ta kɛrɛdɛ nyiŋaa, Korowiirii hɛɛ yo laa la oo!” Nomonome la teŋɛ Gamaleɛl waa la ta.