We-ɛɛla 11:12 - mzwDBL

¹² Belaa Korowii Domadɛɛɡe la ŋɔ n be ŋɔ n bɛ ɔmɛ, kɛ ń teŋɛ ba nɛɛ kaa. Yabala banumɛl nɔ baa le Jopa nɔ ɡe teŋɛ n nɛɛ la Sisaaria, asɛ ya bwa ka jo Kɔnɛɛleɔs dem.

We-ɛɛla 11:12 ပူးပေါင်းရင်းမြစ်များ

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Amanesoma Jɔn Aa Chwera Tɔn 16:13

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

We-ɛɛla 10:23

Belaa Pita ŋɔ ba be ŋɔ bá chɔ o be, ásɛ tɔɔ per ba kaa. Tɔ aa pera la, Pita bala asɔre tena baa lɔ Jopa la bane ja o nɛɛ asɛ ba ne toroma la kaa.

We-ɛɛla 10:45

Juu tena baa ɛ asɔre tena ba ne Pita le Jopa ba aa na ɡɛ la, ba nyoa kpoo kɛŋɔ Korowii aa ɡela o Domadɛɛɡe la ba so nɛra baa wola Juu tena ɛɛ ɡba nɛ,

We-ɛɛla 11:13

Belaa o ɡe baɡle ɡɛ o ɡe aa na nyundua torome o dem, asɛ o ŋɔ o be ŋɔ, ‘Tomɛ nɛn Jopa, ásɛ o la Seemɔn Pita be.

We-ɛɛla 13:2

Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

We-ɛɛla 13:4

Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ.

We-ɛɛla 15:7

Ba bol waa dɛ tɔŋle dɔŋa la sie, asɛ Pita ir che dɛ ŋɔ, “Yabala, he jemɔ kɛ Korowiirii fa lee mɛ he bini ŋɔ ń bol o Amanesoma la baɡle banɔ la baa wola Juu tena ɛɛ la, ásɛ ba ɡe no o waa dɛ yarada.

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

We-ɛɛla 28:15

Rom asɔre tena aa no ya waa la, ba baa cheme yaa Apius Yawa ta ne bela baa dɛ yerɛ Deene Atoro la bɔr. Pɔɔl aa na ba la, o bambile ba harɛ, asɛ o jam Korowii.

We-ɛɛla 8:29

Belaa Korowii Domadɛɛɡe ŋɔ Felep be ŋɔ, “La ka so kon waa do kɛ torɔɡo la jwɛh.”

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

2 Tesalonika 2:2

hɛ́ɛ lii a waa kɛrɛdɛ. Maa nyin nomɛlbwa bol wetamaa ane, ásɛ he den ɔmɛ dɛɛ lii kɛŋɔ ya Dɔɔ balɔ kaa. Dɛ ba ŋɔ Korowii Domadɛɛɡe baɡ ba ɡɛ baa bol, kɛɛ dɛ he na tɔn bɛl o neɡre heyaa kɛŋɔ yanee chwerɔ waa, he bɛ no dɛ́ ɡel a ɛ heyaa waane.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.