We-ɛɛla 10:47 - mzwDBL

⁴⁷ “Gɛ tenten Korowii aa tɛ yaa o Domadɛɛɡe laanee o tɛ nɛra nɔ ɡe la. Aah aa do ɡɛ nɔ, umee dɛ́ won vɔm ba Korowii nee sɔe yɔ?”

We-ɛɛla 10:47 ပူးပေါင်းရင်းမြစ်များ

We-ɛɛla 10:44

Pita ta aa dɛ bol waa la, dɛ Korowii Domadɛɛɡe baa so nɛra baa dɛ no o wobol la bwa nɛ.

We-ɛɛla 2:4

Ate, dɛ Korowii Domadɛɛɡe baa so ba bwa nɛɛ kpeɡri ne dɛ ir ba nɛ, asɛ baa bol wobofala. Korowii Domadɛɛɡe laanee ɡela ba won dɛɛ bol a ɡɛ wobofala la.

We-ɛɛla 8:12

Baa bera ba no Amanesoma waa Felep aa dɛ bol dɛɛ baɡle Korowii Kora ne Yeesu Kristo waa la, ba yaradao. Dɛ ba ne ba haahna bwa dɛ ba baa sɔ ba Korowii ne.

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Tɔn Pɔɔl Aa Chwerɛ Rom Tena 4:11

O pen teŋa la ɛ we-ɛɛle bɛl waa dɛ baɡle kɛŋɔ o yarada waa o won ɛ nɛndɛɛɡe o waa su Korowii siwi, dɛ baɡle kɛŋɔ waa wola teŋe mɔɔ la, dɛ o waa su Korowii siwi. Nɛra baa wola Juu tena ɛɛ, baa wola pen teŋe dɛɛ yarada Korowii asɛ o lɛɛ ba kɛ nɛndɛɛɡa ba waa su o siwi la, ba mɛɛɛ Abraham.