We-ɛɛla 10:20 - mzwDBL

²⁰ anomanta, bɛ ɔmɛ. La ba be, dɛkalkɛŋɔ menee tom ba.”

We-ɛɛla 10:20 ပူးပေါင်းရင်းမြစ်များ

Aesaya 48:16

Hé suuh tel n be, dɛ́ ba no waa nɔ. Le waa nɔ mumpar bwa n ta wobɛlbwa bolɛ a sɔh heya, n wobɛlbwa maa bol la, a dɛ ɛ kpela.” Nemenɛ Korowii cheɡɛ o Doma ta, dɛ tom mɛ.

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

We-ɛɛla 10:21

Anee Pita ir la nɛra la be dɛ ka ŋɔ ba be ŋɔ, “Men nɔ, a som aa?”

We-ɛɛla 11:12

Belaa Korowii Domadɛɛɡe la ŋɔ n be ŋɔ n bɛ ɔmɛ, kɛ ń teŋɛ ba nɛɛ kaa. Yabala banumɛl nɔ baa le Jopa nɔ ɡe teŋɛ n nɛɛ la Sisaaria, asɛ ya bwa ka jo Kɔnɛɛleɔs dem.

We-ɛɛla 13:4

Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ.

We-ɛɛla 8:26

Belaa Korowii nyundua torome bɛl ŋɔ Felep be ŋɔ, “Ir kaa weekaŋle harɛbɔr le, bela ŋwɛnɛ bɛl aa le Jerusalam kaa Gasa la.” Pua hɛŋle ɡbo harɛɛ a ɡɛ bɔr nɔ.

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

We-ɛɛla 9:17

Anomanta, Ananias kaa jo dem Sɔɔl aa lɔ o ta la ta, dɛ kpɔ o nɔɔra dawɛ o nɛɛ dɛ ŋɔ, “N dɔŋ Sɔɔl, ya Dɔɔ Yeesu ɡbaɡbaa tom mɛ he be. Onee kpɔ o te baɡle ɡɛ saŋ haa dɛ ba bonɔ la. O tom mɛ ŋɔ ń ba ásɛ he berɛ won dɛɛ na ja, ásɛ Korowii Domadɛɛɡe la ɡe so he nɛ.”

Jems 1:6

Kɛ hé kpɔ yarada dɛ́ɛ soŋo, dɛ bɛ dɛɛ tɔŋle. Nomɛlbwa waa dɛ soŋe Korowii dɛɛ tɔŋle kɛ o ken aa o konnyinii dɔ la, o ta yarada dɔe. O liire won bera warawara kɛŋɔ peu yon ta dɛɛ beɡre mpo nee dɛɛ kaa bobɛlbwa la.