We-ɛɛla 10:2 - mzwDBL

² O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa.

We-ɛɛla 10:2 ပူးပေါင်းရင်းမြစ်များ

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

1 Koranar 8:43

noa nyundua bela haa soɡa la, ásɛ dɛ ɛ wobɛlbwa baa bɔɔra dɛɛ le he be la, ásɛ harɛ nɔ ta nɛra jemɛ dɛ́ kpɔ duure dɛɛ tɛɛ, ɡɛ Israel tena yaa ɛ he nɛra aa dɛ ɛ la. Ásɛ ba jemɛ kɛŋɔ Dea maa doa tɛɛ nɔ ɛ bela nɛra aa dɛɛ tomɛ.”

2 Webena 6:33

noa nyundua bela haa soɡa la, ásɛ dɛ ɛ wobɛlbwa baa bɔɔra dɛɛ le he be la, ásɛ harɛ nɔ ta nɛra jemɛ, dɛ́ kpɔ duure dɛɛ tɛɛ, ɡɛ Israel tena yaa ɛ he nɛra aa dɛ ɛ la. Ásɛ ba jemɛ kɛŋɔ Dea maa doa tɛɛ nɔ ɛ bela nɛra aa dɛɛ tomɛ.”

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 1:5

Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

Yela 102:15

Harɛre nɛra bwa ɛɛ ɔmɛ Korowiirii, ásɛ koranar baa lɔ harɛ nɔ ta bwa ɡe kpɛɛ o jirima waa dɔa.

Yela 119:2

Nɛra baa dɛ nyin o waa dɛɛ teŋɛ a ta bambile bwa ne la, ba na som.

Yela 25:5

Baɡ mɛ he kasinteŋ waa la mɛɛ teŋɛ a ta, dɛkalkɛ henee Korowii maa dɛ tomɛ, he ɛ n Lɛɛ, he nɛɛ mɛɛ hwɛɡɛ tɔpere bɛlbwa.

Yela 41:1

Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Yela 55:17

Jwaana, chɔɔ ne webaŋa, n suna wii ne n pɛma dɛ tel he be, asɛ hɛɛ no n taa.

Yela 86:3

N Naa Korowii, na n sum dɛkalkɛ saŋ bɛlbwaa n wi dɛɛ noe.

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.

Wejereme 7:18

Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Daneɛl 6:16

Ate, Kooro Dareɔs ɡel ba lawɛ Daneɛl ba, dɛ kpɔɔ ka ta nyujentena be a bɔɔ bini. Kooro la ŋɔ Daneɛl be ŋɔ, “Kórowii haa dɛ tomɔ tɔpere bɛlbwa la lɛɛ.”

Daneɛl 6:20

Waa dɛ bɛne bɔɔ la la, o bambile chɔɡɔ o kpɔ takpeɡ dɛ yerɛ Daneɛl ŋɔ, “Daneɛl, Korowii waa lole saŋ bɛlbwa la bonɔɔ, Korowii haa dɛ tomɔ kasinteŋ ne tɔpere bɛlbwa la wono ba lɛɛ le nyujentena la be naa?”

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Matiu 25:17

Gɛ tentenee onɔ la waa dɔ bɔre anɛ la ɡe berɛ dɔ a dɔŋa ja o kwaa ta.

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

We-ɛɛla 10:31

dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa.

We-ɛɛla 10:35

Kɛ harɛ bɛlbwa ta la, nomɛlbwa waa dɛ ɔmɛ Korowii dɛ jemɔ la, Korowii sie dɛ lɛ o nɛ.

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

We-ɛɛla 10:7

Nyundua torome la aa bol waa tonɛ la, o kaalɔ, asɛ Kɔnɛɛleɔs yerɛ o bonɔɔna banɛ ne sooja bɛl waa dɛ tomɛ Korowii kohona dɛɛ teŋɛ o Kɔnɛɛleɔs nɛɛ saŋ bɛlbwa la,

We-ɛɛla 11:14

Wɛɛ bol waa he bee ásɛ he ne he dem tena bwa che a ta dɛ́ dɔ he nyu.’

We-ɛɛla 13:16

Belaa Pɔɔl ir che dɛ kpɔ nɔn ɛɡ ba ŋɔ bá tɔ nyoa, dɛ ŋɔ, “N bala Israel tena ne he nɛra haa baa ja ya nɛɛ dɛɛ tomɛ Korowii, hé no n be.

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

We-ɛɛla 13:50

Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.

We-ɛɛla 18:8

Dɛ nomoa waa dɛ nyiŋi cheremi dea la ta la sɔne Krispus. Dɛ o ne o dem tena bwa yarada Yeesu waa la. Kɔrent tena kɛrɛdɛ no Yeesu waa la dɛ yaradaa, asɛ ba sɔ ba Korowii ne.

We-ɛɛla 2:5

Dɛ nɛra baa dɛ ɔmɛ Korowii dɛɛ tomɔ ɡɛ Juu tena aa dɛ tomɔ la le harɛ ta bobɛlbwa dɛ ba su Jerusalam bwa.

We-ɛɛla 22:12

Damaskɔs bela la, dɛ baa bɛl lole baa yerɔ Ananias. Dɛ o ɛ nɛn waa dɛ tomɛ Korowii kɛrɛdɛ dɛɛ teŋɛ Mosis Mmara la ɡe ta kɛrɛdɛ, asɛ Juu tena baa lɔ bela la bwa ɛɛ tɛo duure kohona.

We-ɛɛla 8:2

Nɛra baa dɛ ɔmɛ Korowiirii kaa huɡe Steeven dɛ wiu kɛrɛdɛ.

We-ɛɛla 9:11

Asɛ Yeesu ŋɔ, “Ir la fɔɡbaah la baa dɛ yerɛ bela ‘Fɔɡtoɡre’ la ta, dɛ́ ka jo Judas dem dɛ́ bɔɔ Taasos baa bɛl baa dɛ yerɔ Sɔɔl la wa. O dɛ soŋe Korowii,

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

We-ɛɛla 9:36

Dɛ haah bɛl lɔ Jopa dɛ ɛ asɔre te baa yerɔ Tabita. Grik tena ɡe dɛ yerɔ Dɔkas. Dɛ haah la dɛ ɛ wedɛɛɡa taeh dɛɛ cha nyaara.

Kolosi 4:2

Hé swɛɛ siwi dɛ́ɛ soŋe Korowii saŋ bɛlbwa, dɛ́ ɡel he sie ɡe do a ta. Hé ɡel he siwi su waa waa ɛa tɛ heyaa hɛ́ɛ jaamo.

1 Tesalonika 5:17

dɛɛ soŋe Korowii saŋ bɛlbwa.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”