We-ɛɛla 1:6 - mzwDBL

⁶ Ba ne waa baa cheme la, ba bɔɔro ŋɔ, “Ya Dɔɔ, taraken te hɛɛ ɡeloo ya Israel tena berɛ di ya kora la ɡba ɔ?”

We-ɛɛla 1:6 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Aesaya 1:26

Mɛɛ berɔ ɡel he dɔ nɛra baa bol he waa dɛɛ pa bole, ne nɛra baa dɛɛ ja heyaa kɛŋɔ he fa aa dɔɔ ba wubwa la. Ásɛ mɔɔ bá berɛ yerɛ heyaa Kasinteŋ Diile bwɛ, Nɛndɛɛɡa bwɛ.”

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Matiu 17:11

Asɛ Yeesu chaŋ ba ŋɔ, “Elaejaa dɛ́ tɔ sie ba kpela, dɛ́ ba kwaa ŋwɛnɛ mɔɔ.

Matiu 20:21

Anee Yeesu pɛɛ haah la ŋɔ, “Bɔkwaa hɛɛ nyin kɛ ń ɛ tɛɛ nɔ?” Belaa haah la chaŋo ŋɔ, “Baɡ mɛ nyoa kɛ dɛ he baa di kora aa, hɛɛ ɡeloo n bii banɛ nɔ bɛl so he diɡ ta, bɛl ɡe so he ɡal ta.”

Matiu 24:3

Yeesu teehnɔ ka so Ɔlevere Bwejen la doa. Belaa o habɔteŋra la ɡbo ka puu bela, dɛ ba bɔɔro ŋɔ, “Chaɡle yaa ɡɛ saŋ ɡɛ waa nɔ bwa aa dɛ́ ba chiɡa, ne waa aa dɛ ba bala dɛ chaɡle kɛŋɔ he bala saŋ la ne waa bwa jaɡa saŋ la telo.”

Amanesoma Mak Aa Chwera Tɔn 9:12

Asɛ o chaŋe ŋɔ, “Elaejaa dɛ tɔ sie ba kpela, dɛ́ ba kwaa ŋwɛnɛ mɔɔ. Kɛ ɛrɛ waa Korowii Tɔn la ŋɔ Nɛn Bie la dɛ ba wahala nae kohona, kɛ nɛwɛnyini sie aa o tɔɡa ba laɔ?

Amanesoma Luk Aa Chwera Tɔn 17:20

Awola bɛl, Farisii tena bane bɔɔ Yeesu ŋɔ, “Bɛweeree Korowii Kora la ɛɛ ba bala ɔ?” Anee o ŋɔ, “Korowii Kora la ta komɛl haa dɛ ba o nae ɛɛ.

Amanesoma Luk Aa Chwera Tɔn 19:11

Dɛ ba dɛ tel Jerusalam, asɛ nɛra la ɛɛ lii kɛŋɔ Korowii Kora dii tɔpere la denɔ dɛɛ ba bala. Baa dɛ no o be la, Yeesu berɔ bol waa sɛɡla ne ba be.

Amanesoma Luk Aa Chwera Tɔn 22:29

Anomanta, n dɛ tɛ heyaa kora hé di, ɡɛ n Mɛɛ aa tɛ mɛ la.

Amanesoma Jɔn Aa Chwera Tɔn 21:21

Pita aa nao la, o bɔɔ Yeesu ŋɔ, “N Dɔɔ, aah baa nɔ ɡe sɛ?”