We-ɛɛla 1:3 - mzwDBL

³ Waa sewa dɛ ir la, o kpɔ o te baɡle o toroma la kera aŋwɛnɛ bwa tɔpera fifraanaarɛ baah ta, dɛɛ bol Korowii Kora waa ba be. Gɛ baa nao la ɡelɔ ba jemɛ kpelakpela kɛŋɔ o ir seo ta.

We-ɛɛla 1:3 ပူးပေါင်းရင်းမြစ်များ

1 Koranar 19:8

Asɛ o ir di kwaa la, dɛ nyɔ ne. Kondikwaa la chao dɛ tɛo bokpeɡa o won valɛ tɔpera fifraanaarɛ chɔɔ ne jwaana, dɛ kaa Korowii Sinai Bwejen waa do ɡoroŋ la bɔr.

Matiu 21:43

Anomanta, n dɛ ŋɔ he be ŋɔ, Korowii ɛɛ lɛ o kora laanee le he be, dɛ́ kpɔ ka tɛ banɔ la baa dɛ ba wona nyiŋi o ta kɛrɛdɛ la.

Matiu 28:9

Buɡ la ta, Yeesu chem ba ŋwɛnɛ ta dɛ chɔɔ ba, asɛ ba tel o be dɛ ɡuŋi lawɛ o napaala dɛɛ duuru.

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 4:2

Dɛ Yeesu vɔwɛ nyoa tɔpebire fifraanaarɛ. Dɛ lɔr dɛ kpoo.

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Amanesoma Jɔn Aa Chwera Tɔn 20:26

A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!”

Amanesoma Jɔn Aa Chwera Tɔn 21:1

A habɔɔ la, Yeesu kpɔ o te ba baɡle o habɔteŋra la Tibeerias Moo la ta ja. Kenii a ɛ ba nao.

Amanesoma Jɔn Aa Chwera Tɔn 21:14

Korowii aa iru seo ta la, anɔɔ jaa tooro waa kpɔ o te baɡle o habɔteŋra la.

We-ɛɛla 13:31

O kpɔ o te baɡle nɛra o ne baa le Galilia harɛ kaa Jerusalam la kera aŋwɛnɛ bwa. A ɡɛ nɛra nɔɔ dɛɛ diu danseɛ Juu tena bwa be.

We-ɛɛla 19:8

Pɔɔl di korobie atoro bwa bela, dɛɛ bol Korowii Waa bela tena be bansua ne ba cheremi dea bini. O laɡ ba dɛɛ so, o ne baa bol Korowii Kora la wa. O takapɔ kɛ wɛɛ berɛ ba liiree, ásɛ ba fe teŋɛ o kon ta.

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

We-ɛɛla 28:31

Dɛ o dɛ baɡle nɛra Korowii Kora wa, dɛ kpɔ bansua dɛɛ baɡle ya Dɔɔ Yeesu wa. Nomɛlbwa ta on ŋwɛnɛ tɔe.

We-ɛɛla 8:12

Baa bera ba no Amanesoma waa Felep aa dɛ bol dɛɛ baɡle Korowii Kora ne Yeesu Kristo waa la, ba yaradao. Dɛ ba ne ba haahna bwa dɛ ba baa sɔ ba Korowii ne.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Mmarare 9:18

Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Mmarare 9:9

Gɛ saŋ maa la bwejen la ta dɛ ka lɛ bwepɛle Korowii aa chwerɛ fɔo he ne waa fɔwa dawɛ a ta la, n soɡe bela webaŋa ne jwaana ɡɛ tɔpera fifraanaarɛ. N ta kwaa dii, n ta nee ɡe nyɔe.

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

1 Tesalonika 2:12

Ya do heyaa ɡbemba dɛ larawe he bwara dɛ do heyaa ŋɔ hé so sodɛɛɡa, ásɛ he waa lɛ Korowii sie. Onee le heyaa he ba ɛ o bii, dɛ kpɔ o Kora la ne o nyanyini la pera tɛ heya.

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.