We-ɛɛla 1:25 - mzwDBL

²⁵ kɛŋɔ o chiɡ Judas naa ta dɛɛ ɛ he toma Judas aa vɛah dɛ kaa bela aa chɛ kɛ o do la.”

We-ɛɛla 1:25 ပူးပေါင်းရင်းမြစ်များ

Yela 109:7

Gel ba bol o waa ó di bolchɔɡe, ɡel o wesoŋa kwaraa berɛ wechɔɡa tɛo.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Matiu 26:24

Men Nɛn Bie nɔ ɛɛ sewɔɔ ɡɛ Korowii Tɔn aa dɛ baɡle la, kɛ naate waa lee mɛ tɛ bá kpo la, bwɛɛlɛ. Dɛ ba fe ta naate lolɛ ɡba fe bɔ!”

Amanesoma Jɔn Aa Chwera Tɔn 13:27

Waa tɛr nɔn dɛ lɛ paanoo la, Bɔnsam den ba so o nɛ. Asɛ Yeesu ŋɔ o be ŋɔ, “Ir ka ɛ waa haa dɛ ba ɛɛ la warane.”

Amanesoma Jɔn Aa Chwera Tɔn 17:12

N fa aa lɔ ba be la, n kpɔ sɔn haa tɛ mɛ la kpeɡri tɔ ba nɛ, ba bɛlbwa ta n nɔn ta nyoɡrɛ, nemenɛ onɔ la baa chwerɛ o waa he Tɔn bini ŋɔ wɛɛ nyoɡroo la, o ɡbosoroo nyoɡra, ásɛ he Tɔn bini waa la ɛ kpela.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

1 Kɔrent 9:2

Dɛ bane ta sɛɛh kɛŋɔ Yeesu toromee men aa, he te jemɔ kɛrɛdɛ kɛŋɔ n ɛ o torome, dɛkalkɛŋɔ pɛɛ he ne waa pɛa la dɛ baɡle kɛŋɔ n ɛ o torome kpela.

Galaasia 2:8

Dɛkalkɛŋɔ ɡɛ Korowii aa baɡle o kpeɡri Yeesu torome Pita nɛɛ wɛɛ tomɛ Juu tena bini la, ɡɛɛ o baɡle o kpeɡri men maa ɛ Yeesu torome nɔ nɛɛ mɛɛ tomɛ nɛra baa wola Juu tena ɛɛ bini.