We-ɛɛla 1:2 - mzwDBL

² ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua.

We-ɛɛla 1:2 ပူးပေါင်းရင်းမြစ်များ

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 48:16

Hé suuh tel n be, dɛ́ ba no waa nɔ. Le waa nɔ mumpar bwa n ta wobɛlbwa bolɛ a sɔh heya, n wobɛlbwa maa bol la, a dɛ ɛ kpela.” Nemenɛ Korowii cheɡɛ o Doma ta, dɛ tom mɛ.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Matiu 12:28

Korowii Domadɛɛɡe kpeɡri nee mɛɛ doŋi kwaa aa dɛ ir nɛra nɛɛ la. Anomanta, hé jemɛ kɛŋɔ Korowii Kora dii la telo tonɛ.

Matiu 3:16

Waa sɔɔ Korowii nee la tonɛ la, Yeesu le nee la ta dɛ ba che baŋ. Nyundua pilo, asɛ o na Korowii Domadɛɛɡe o do kɛŋɔ borɔnoma ken dɛ ba so o nɛ.

Amanesoma Mak Aa Chwera Tɔn 6:30

Nɛra Yeesu aa tom ba la berɔ ba o be, dɛ ba bol anla baa ɛa ne anla baa baɡla dɛ chaɡlo.

Amanesoma Luk Aa Chwera Tɔn 24:51

O Korowii soŋa dɛ tɛɛ ba ta la, o le ba jwɛh, asɛ Korowii kpɔɔ kaa nyundua.

Amanesoma Luk Aa Chwera Tɔn 9:51

Tɔpere aa dɛ tel kɛ Korowii kpɔ Yeesu kaa o be nyundua la, Yeesu kpɔ o te, dɛ den chiɡ ŋwɛnɛ ta dɛ pa sie dɛɛ kaa Jerusalam.

Amanesoma Jɔn Aa Chwera Tɔn 1:16

Korowii chao kohona asɛ o ɡe na ya sum dɛɛ tɛ yaa andɛɛɡa saŋ bɛlbwa, waa wola ɡel bwa.

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Amanesoma Jɔn Aa Chwera Tɔn 17:13

Taraken n berɔ dɛɛ ba he be bela, kɛ n taa lɔ harɛ ta nɔ, n dɛ bol waa nɔ ásɛ ba won dɔ silɛɛ maa dɔa la kɛrɛdɛ ka tonɛ.

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

Amanesoma Jɔn Aa Chwera Tɔn 20:21

Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.”

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Amanesoma Jɔn Aa Chwera Tɔn 6:62

Dɛ he fe na Men Nɛn Bie la n berɛ dɛɛ kaa nyundua bela maa lea ba la ɡe sɛ?

Amanesoma Jɔn Aa Chwera Tɔn 6:70

Belaa Yeesu chaŋe ŋɔ, “Menee le he nɛra fi dɛ banɛ nɔ, kɛ he bini bɛl ɛ Bɔnsam nɛn.”

We-ɛɛla 1:11

dɛ bɔɔ ba ŋɔ, “Galilia tena, ɛrɛɛ he che bonɔ dɛɛ nyiŋi nyundua haah ɡɛ nɔɔ? Yeesu nɔ Korowii aa baa kpɔɔ le he be kaa nɔ, wɛɛ berɔɔ ba ɡɛ tenten haa nao wɛɛ kaa nyundua nɔ.”

We-ɛɛla 1:13

Dɛ ba dɔ dea abrɔsane bɛl doa Jerusalam. Ba la Jerusalam dɛ ka jo o bini. Ba nɛra baa jo dea la bini laanee, Pita ne Jɔn, ne Jems ne Andriu, ne Felep ne Tɔmas, ne Batolomeo ne Matiu, ne Alfeɔs bie Jems, ne Seemɔn Sɛlɔt, dɛ Jems bie Judas.

We-ɛɛla 1:22

dɛ kpoŋe le ɡɛ saŋ la Jɔn fa aa dɛ sɔ nɛra Korowii nee la dɛ ba le saŋ la Korowii aa baa kpɔ ya Dɔɔ le ya be kaa nyundua la, a ɡɛ nɛra nɔ bɛlee dɛ won ja ya nɛɛ dɛ́ di o seo ta ira la danseɛ.”

We-ɛɛla 1:9

Waa bol a ɡɛ waa nɔ tonɛ ba ta che dɛɛ nyiŋu la, dɛ Korowii baa kpɔɔ dɛɛ kaa nyundua, asɛ baama ba tɔ o nɛɛ nyundua bela, ba ta on nae kpa.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

Galaasia 1:1

Men Pɔɔl maa ɛ Yeesu torome la, men chwerɛ tɔn nɔ. Nɛwɛnyini laa lee mɛ dɛ tɛ mɛ toma nɔ. Yeesu Kristo ne o Mɛɛ Korowii waa iru seo ta laanee lee mɛ.

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

2 Pita 3:2

N dɛ nyin kɛŋɔ he lii waa Korowii keamere la fa aa bola a saŋ la, ne waa Yeesu toroma la fa aa ŋɔa ya Dɔɔ waa ɛ ya Lɛɛ la ŋɔ hé ɛ la.

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

Wepila 2:11

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, seo nɛɛte la aa won ɛo wobɛlbwa.”

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Wepila 2:29

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la.”

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 21:14

Bwea baa ma danjwɛɛ la chɔŋɛ a ta la lɔ fi dɛ anɛ, asɛ Pebie la toroma fi dɛ banɛ la ɡe sɔna dawɛ bwea la ta.

Wepila 3:13

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la.”

Wepila 3:16

Kɛ haa do ywɛlɛywɛlɛ haa wola wɔbɛ, haa wola sɔnɛ ɡe la, mɛɛ poo heyaa ta.

Wepila 3:22

Nomɛlbwa waa dɔ deŋne la, ó no waa Korowii Domadɛɛɡe la aa dɛ bol asɔre tena be la.”