We-ɛɛla 1:16 - mzwDBL

¹⁶ “Yabala, Korowii Domadɛɛɡe cheɡɛ Devid nɛɛ dɛ pu sie baɡle Judas waa tɔ nɛra sie dɛ baɡ ba Yeesu ba lawɔ la wa. Gɛ waa baɡla laanee chɛ kɛ a ɛ. A waa a ɛ ɡɛ la.

We-ɛɛla 1:16 ပူးပေါင်းရင်းမြစ်များ

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

We-ɛɛla 1:20

Pita ŋɔ, “Ba chwerɛ Korowii Kpɛɛra Tɔn la bini ŋɔ, ‘Gel o sobɔr chɔ pɛɛ, nomɛlbwa bɛ o ta do.’ Dɛ berɛ chwerɛ ŋɔ, ‘Berɛ o toma tɛ nomɛl.’

Matiu 26:56

Anɔ bwa ɛo ásɛ waa Korowii keamere la aa chwera Korowii Tɔn bini la ɛ kpela.” Belaa Yeesu habɔteŋra la bwa chwa peɡre a kao.

Matiu 26:54

Kɛ n ɡelɔ a ba ɡɛ naa, dɛ waa baa chwera bil ŋɔ ɡɛɛ chɛ kɛŋɔ á ba la ta berɛ ɛ ɡɛ kpa.”

Matiu 26:47

Yeesu nyoa ta aa lɔ waa ta wɛɛ bol la, dɛ Judas waa ɛ o habɔteŋra fi dɛ banɛ la bini bɛl la denɔ ba. Dɛ nɛnlaa tenten Sɔfonomonome ne bela nomonome aa tom ba kpoŋe keri ne ɡule ja Judas nɛɛ ba ba.

1 Pita 1:11

Dɛ Kristo Doma soɡe ba nɛɛ dɛɛ baɡle wahala Kristo aa dɛ ba nae, dɛ baɡle jirima aa dɛ ba bala wahala la habɔɔ. Ba takapɔ kɛŋɔ bá fee won jemɛ tɔpere aa dɛ ba chiɡa, ne ɡɛ aa dɛ ba ɛɛ.

Amanesoma Mak Aa Chwera Tɔn 14:43

Yeesu ta aa dɛ bol waa, dɛ o habɔteŋra la bini bɛl baa dɛ yerɔ Judas balɔ. Nɛnlaa bane teŋɛ o nɛɛ dɛ kpoŋe tokobie ne keri ne ɡule. Sɔfonomonome ne Tɔnjerema la ne bela nomonomee tomɛ a ɡɛ nɛra nɔ.

2 Pita 2:21

Dɛ ba fe ta Korowii ŋwɛnɛtoɡre la waa noɛ ka aa, a fe bɔ ba nɛɛ dɛ ɡwaa kɛŋɔ baa jemɛ Korowii ŋwɛnɛ la dɛ vɛh waa o ɡbaɡba aa ŋɔa báa ɛ la ɛɛ.

We-ɛɛla 23:6

Pɔɔl nyiŋi nɛra baa cheme bela la dɛ na kɛŋɔ bane ɛ Saduki tena, asɛ bane ɡe ɛ Farisii tena. Belaa o kpɔ takpeɡ ŋɔ, “Yabala, Farisii tee men noo! Farisii tena biee men. N dɛ hwɛɡɛ kɛ nɛra ɛɛ ir seo taa. Gɛ hwɛɡa nɔ maa dɔa nɔ waa ba ba n ne ŋɔ hé bol n waa dɛ́ pa bole la!”

We-ɛɛla 23:1

Waa baa che nomonome la bwa sie la, o nyiŋ ba, dɛ ŋɔ, “Yabala, n bambile bwa nee n tomɛ Korowii le saŋ la bwa ba le fini. N liire ta men ɛɛ kɛ n ɛ wechɔɡa bwa.”

We-ɛɛla 22:1

“N mɛɛwa ne n dɔɔranarwa, hé do deŋna n be ásɛ n bol n kon hé no.”

We-ɛɛla 15:7

Ba bol waa dɛ tɔŋle dɔŋa la sie, asɛ Pita ir che dɛ ŋɔ, “Yabala, he jemɔ kɛ Korowiirii fa lee mɛ he bini ŋɔ ń bol o Amanesoma la baɡle banɔ la baa wola Juu tena ɛɛ la, ásɛ ba ɡe no o waa dɛ yarada.

We-ɛɛla 13:38

Yabala, ya dɛ nyin kɛ he jemɛ kɛŋɔ Yeesu waa waa ɛa la waa ya won dɛɛ bol he be ŋɔ Korowii ɛɛ kpɔ he wechɔɡaa kɛ heyaa la.

We-ɛɛla 13:15

Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”

We-ɛɛla 7:2

Anee Steeven chaŋe ŋɔ, “N mɛɛwa ne n dɔɔranar, hɛ́ɛ no waa nɔ maa dɛ ba bola nɔ! A ɡɛ saŋ la ya naa Abraham aa wola Haran kaalɛ mɔɔ la, Korowii waa ɛ jirima bwa dɔɔ la ba o be Mɛsopoteemea harɛ ta,

We-ɛɛla 2:37

Nɛra la aa no a ɡɛ waa nɔ la, ba nao kɛŋɔ ba ɛ wechɔɡa, asɛ ba tea bini chɔɡ, ba bɔɔ Pita wa ŋɔ, “Aah ɛrɛɛ yaa ba ɛɛ yɔ, yabala?”

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

Amanesoma Jɔn Aa Chwera Tɔn 19:36

Anɔ ɡelɔ waa baa chwera Korowii Tɔn bini ŋɔ, “Baa o hoɡ beŋkpoŋ kwaraa ku” la ɛ kpela.

Amanesoma Jɔn Aa Chwera Tɔn 10:35

Dɛ o yerɛ nɛra waa kpɔ o waa la baɡle la Korowii aa, dɛ a ɛ kasinteŋ waa yaa wola won vɛh,

Amanesoma Luk Aa Chwera Tɔn 22:47

Yeesu nyoa ta aa lɔ waa ta wɛɛ bol la, dɛ Judas waa ɛ o habɔteŋra la bini bɛl kaa tɔ nɛnlaa bane sie, dɛ ba ba ne Yeesu be dɛ́ fe ɡbaaro pɛl o bambile dɛ́ mo o lwɛɛma.

Amanesoma Mak Aa Chwera Tɔn 12:36

Dɛkalkɛŋɔ Korowii Domadɛɛɡe fa ir Devid nɛɛ dɛ ɡel o baɡle Kristo waa dɛ ŋɔ, ‘N Naa Korowii ŋɔ n Dɔɔ be ŋɔ ó ba so nomombɔr o diɡ ta ka tel kɛŋɔ waa ba o dɔma ne harɛ ásɛ o tiɡri ba nɛ.’

2 Samoɛl 23:2

“Korowii Doma baa so n nɛ, dɛ kpɔ o waa do n nyoa.

We-ɛɛla 28:25

Pɔɔl bol waa tonɛ asɛ baa ba peɡra. Dɛ ba bwa liire ta beŋkpoŋ ɛɛ, baa tɔŋle dɔŋa. O berɔ bol webeŋkpoŋ ja, mɔɔ ba bwa peɡre. O waa waa bola laanee kɛŋɔ, “Korowii Domadɛɛɡe cheɡɛ o keame Aesaya nɛɛ bol waa ya naawa be, dɛ kpelaa o ŋɔ. O bolɔ ŋɔ,

We-ɛɛla 28:17

Pɔɔl aa di tɔpera atoro Rom la, o yerɛ bela Juu tena nomonome bwa cheme dɛ ŋɔ ba be ŋɔ, “Yabala, n ta ya bwɛɛ tena wobɛlbwa ɛɛ, n ta ya naawa waa baa dɛ ɛ la bɛlbwa nɛɛ joɛ, asɛ ba laɡ mɛ Jerusalam, dɛ kpɔ mɛ tɛ Rom tena ba tɔ mɛ dea la.

We-ɛɛla 15:13

Baa bol waa tonɛ la, Jems ɡe bol waa ŋɔ, “Yabala, hé no n be!

Matiu 26:14

Ate, Yeesu habɔteŋra fi dɛ banɛ la bini beŋkpoŋ baa dɛ yerɔ Judas Eskareɔt la Sɔfonomonome la be

Amanesoma Jɔn Aa Chwera Tɔn 17:12

N fa aa lɔ ba be la, n kpɔ sɔn haa tɛ mɛ la kpeɡri tɔ ba nɛ, ba bɛlbwa ta n nɔn ta nyoɡrɛ, nemenɛ onɔ la baa chwerɛ o waa he Tɔn bini ŋɔ wɛɛ nyoɡroo la, o ɡbosoroo nyoɡra, ásɛ he Tɔn bini waa la ɛ kpela.

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.

2 Koranar 15:12

Anee Korowii baɡɛ Kooro Jehu nyoa dɛ teŋɛ a ta la. Korowii ŋɔ, “He naanar ɛɛ ɛ koranaree ka tel naanar bele banaarɛ baa ka ba nɛ, dɛɛ di kora Israel harɛ ta.”