Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.
Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.
Belaa n nyiŋi dɛ na Pebie la cheɡa Saayɔn Bwejen doa. Asɛ nɛra kaɡboŋa lafa fifraanaarɛ dɛ banaarɛ baa chwerɛ o ne o Mɛɛ la sɔna ba tili ta la che o be.
N no taa bɛl hweera kwaa anaarɛ la baah ta kɛŋɔ, “Tɔpebir kembɔree bá kpɔ yawɛ mea lakaja dela anɛ la, ásɛ anɔ la a yoɡ aa wola kpeɡe ɡe, tɔpebir kembɔree dɛɛ yawɛ lakaja dela anumɛl. Kɛ noo ne sen te, ɡel a chɔɡa.”
Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.