Wepila 9:21 - mzwDBL

²¹ Ba ta ba liire charɛ ba nɛŋkpoa ne sɔm we-ɛɛla ne jwamane ne ŋwɛɛ ta.

Wepila 9:21 ပူးပေါင်းရင်းမြစ်များ

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Wepila 17:5

Ba chwerɛ sɔn bɛl pɛl haah la tile ta. O ɛ sɔn o mun aa sɔah. Sɔn laanee babelɔnjen, jwamane tena ne harɛ nɔ ta wedoŋa bwa nya.

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

Wepila 17:2

O ne harɛ nɔ ta koranar bwa di sɛm. O wedoŋa la ɛo kɛŋɔ sen, asɛ o kpɔ tɛ harɛ nɔ ta nɛra ba nyɔ dɛ dɛɛ.”

Wepila 18:3

dɛkalkɛŋɔ o ɡelɔ harɛ ta nɛra bwa wedoŋa ne ba pɛlchɔɡa dɛɛ ba kɛŋɔ sen, asɛ ba waa fuh Korowii baah. Harɛ nɔ ta koranar ne o bɔ jwamane. O kondɔɔh kwaa nyina kohona nomanta, harɛ nɔ ta bonadiire cheɡɛ o nɛɛ dɛ dɛɡ.”

Aesaya 47:9

Gɛ webele anɛ nɔ ɛɛ piɡri tɔpebeŋkpoŋii. Ane he kaberere bwa, hɛɛ di bisewee, he jaa sewɛ.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”

Wepila 14:8

Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”

Galaasia 5:20

ne voɡa toma, dɛ sɔm wa. A bini anee kɛŋɔ nɛra ne ba dɔŋa aa dɛ di dɔm dɛɛ yo, ne bɔweela kohona, ne bandisale ne sibeɡra, ne nɛra ne ba bala baah peɡra, dɛ nyopɛo bɛ dɔe,

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Aesaya 57:3

Kɛ heya, sɔmmɔra bii, nɛra baa dɛ chɔɡ yal ne jwamane tena bii, hé ba bonɔ!

Aesaya 47:12

Anomanta, ir nyu ne, dɛ́ do sie he kaberere ne he dobodobo we-ɛɛla aa wara he le a ne bechale saŋ, dɛɛ ɛa la. A ken ɛɛ won ɛ waane, he ken ɛɛ won kpɔ aah he dɔma.

Wepila 19:2

dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”

Wepila 13:15

Baa mao tonɛ la, Korowii tɛ olchɔɡe la waa teŋa nɛɛ la ŋwɛnɛ o tɛ kon la baa mao la hweera o won dɛɛ bol wa. Olchɔɡe nɛɛte la ŋɔ bá kpoo nɛra baa wola sɛh dɛ́ tomɛ kon la baa mao la bwa.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Daneɛl 11:33

Nomonome baa jemɛ waa la ɛɛ ɡeloo nɛra ɡalɡa jemɛ wa, kɛ aa biɡri ba kpoo bane keri ne, kɛɛ dɛ́ fuh bane, dɛ́ lawɛ bane laa ta, kɛɛ dɛ́ pa ba laala laa ta kaa.

Wepila 13:13

O wono dɛɛ ɛ wejena ne nyokpowa, dɛ ɡel nii le nyundua lee harɛ, nɛra na.

Wepila 13:7

Korowii tɛo ŋwɛnɛ ó yo o nɛra ba wa aa toɡra dɛ́ pɔ ba nɛ, dɛ ɡel o dɔ kpeɡri wobol te bɛlbwa nɛra baa lɔ harɛ nɔ ta bobɛlbwa nɛ.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.

Wepila 17:4

Haah la di toli dɛ do laaladɛɛɡa, ane swɛɛ a sie do ɡimeɡime, ane ɡe swɛɛ peihpeih dɛ do wer. O do baŋa kwaa ne deŋna kwaa ne nɔnloɡa baa kpɔ suuɡaswɛm ne bwedɛɛɡa bwa soo siwi ɛa, dɛ kpoŋe suuɡaswɛm luwee, wedoŋa ne jwamane we-ɛɛla suu.