Wepila 8:7 - mzwDBL

⁷ Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.

Wepila 8:7 ပူးပေါင်းရင်းမြစ်များ

Wepila 9:4

dɛ ŋɔ a be ŋɔ a bɛ harɛ nɔ ta kpɔɡa kɛɛ papooni kɛɛ daa bɛlbwa chɔɡ, kɛ á dorome nɛra baa wola Korowii nso la dɔe ba tili ta la.

Ɛsekeɛl 38:22

Weechɔɡa ne nɛŋkpoaa mɛɛ ba kpɔe ba tɛr ba deŋne. Bwaalajen ɛɛ nɛo kohona, ásɛ dombwea ne jebɔrɔwe nii lee nomonjen Gɔɡ ne o laa tena, dɛ harɛre laa tena baa ja o nɛɛ bwa nɛ.

Wepila 9:18

Ba bɔne harɛ bini nɛra bwa bini bɔre atoro naa, banɔ la nii ne chuu ne jebɔrɔwe ninlao aa dɛ le jaɡre la nyoo la aa kpoora la ɛɛ tel bɔr beŋkpoŋii.

Wepila 9:15

Asɛ ba pur Bɔnsam toroma banaarɛ la Korowii fa aa vɔɡ ba dɛɛ kpa awola tɔpere la. O do dɔŋhwere la ne tɔpere la ne korobie la ne bena la baa kpɔ pur ba bá kpoo nɛra. Ba bɔne harɛ ta nɛra bini bɔre atoro naa, banɔ la baa dɛ ba kpoora la ɛɛ tel bɔr beŋkpoŋ nɛraa.

Aesaya 28:2

Hé na, Korowii dɔ nomɛl waa dɔ jirima o bwara ɡe do kpeɡri. O bala bini do kɛŋɔ dombwea aa dɛ lee la, kɛɛ dompeu chɔɡe waa taa dɛɛ chɔɡ kwaa la. Wɛɛ taɡɛ bwɛɛ laanee ɡo harɛ, kɛŋɔ bwaala yon nɛ kohona, dɛ́ chɔɡ kwaa dɛ́ pala kaa la.

Yela 105:32

dɛ ɡel dombwea ber ba bwaala, asɛ bwaala kɔɡre dɛɛ nyɛɡle.

Wepila 16:21

Tombwejena le nyundua dɛ do tɔɡre kɛŋɔ paanoo men bɔɡtɔ del dɛ ba lee nɛra nɛɛ dɛ a ɔma. Asɛ nɛra koh a waa dɛ chɛɡre Korowii.

Aesaya 32:19

Hale dombwea lee kɔr la ta, bwɛjen la chɔɡ kwaraa naa,

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Wepila 16:2

Nyundua torome waa tɔ sie la kaalɔ, dɛ ka fuɡe o kwaa ta harɛ. Asɛ ŋwɛrchɔɡa aa dɛ we kohona lee nɛra baa dɔ olchɔɡe la nso dɛɛ tomɛ kon la baa mao la nɛ.

Wepila 12:4

Asɛ o kpɔ o din ɡbaa weweela ta harɛ. Dɛ he bɔne a bini bɔre atoro naa, a bini beŋkpoŋii o ɡbaa. O baa che haah la waa dɛ ba lola la sie dɛɛ nyin kɛŋɔ dɛ o lolaa, ó kpɔ o bie la lile.

Wepila 6:8

Asɛ n nyiŋi dɛ jaaɡɔkɔl bɛl leɔ, asɛ nɛn so o ta baa yerɔ Seo. Bɛl ɡe le teŋɛ o nɛ, o ɡe sɔne Lalabwɛ. Ba tɛɛ ba kpeɡri bá kpɔ laa ne lɔr ne weechɔɡa ne kpɔɡ bini ola kpoo harɛ nɔ ta nɛra. He bɔne harɛ nɔ ta nɛra bwa bini bɔre anaarɛ naa, banɔ la baa tɛɛ ba kpeɡri bá kpo la ɛɛ tel bɔre anaarɛ la bini beŋkpoŋ nɛraa.

1 Pita 1:24

Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.

Jems 1:11

Gɛ wee yon le dɛ́ lɔ, ásɛ kpɔɡa sewɛ dɛ́ chure a fedɛɛɡa la ta, ásɛ a wer tonɛ la, ɡɛ tentenee dɔɔh ɡee ba sewa o kwaa nyina ta, ásɛ o kondɔɔh la bwa ɛ pɛɛpɛɛ.

Joel 2:30

Mɛɛ ɛ nyokpowaa nyundua ne harɛ taa, ásɛ nɛra na chal ne nii ne ninchuu kohona.

Kaala 9:33

Mosis aa le Ijipt kooro be dɛ le bwɛɛ la ta la, o ɡɔɔ nɔɔra nyundua dɛ soŋe Korowii. Belaa bwaala kɔɡra, ne dombwea leera dɛ bwaala la bwa ɡel.

Wepila 7:1

Anɔ habɔɔ la, n na nyundua toroma banaarɛ baa cheɡɛ harɛ nyoo peu leebɔra anaarɛ dɛ lawɛ peu, ásɛ a bɛ harɛ ne mpo ne daa bɛlbwa ta ta.