Wepila 8:5 - mzwDBL

⁵ Asɛ nyundua torome la kpɔ kon la baa kpɔa dɛɛ fuh daawiile la, dɛ buh konsɔɔhsoma fuih bɔr nii la ane dɛ kpɔ ta harɛ. Asɛ bwaala jiɡri dɛɛ kɔɡre, dɛɛ nyɛɡle bobɛlbwa pelɔpelɔ ken, asɛ harɛ ɡe ɛɛ jiɡri.

Wepila 8:5 ပူးပေါင်းရင်းမြစ်များ

1 Koranar 19:11

Asɛ Korowii ŋɔ, “Le ka che bwe la doa n sie. Asɛ men Korowii teŋe ba kaa.” Asɛ peu o nyoa aa kpeɡa tɔ o sie, dɛ paɡre deŋɡarere, dɛ peɡri bweɡuŋe. Kɛ dɛ Korowii toole peu la bini. Peu la aa taa tonɛ la, harɛ jiɡro, kɛ dɛ Korowii toole harɛ waa jiɡra la ta.

Yela 18:13

Nemenɛ Korowii bol waa nyundua, a do kɛŋɔ bwaala aa kɔra ken, asɛ ba no o taa bobɛlbwa.

Kaala 19:16

Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 66:6

Hɛɛ no moola kohona aa dɛ le bwɛjen la bini, dɛ́ no ɡbɔɡa aa le Korowii Dea bela. Korowii deŋnetɛra waa kpɔa dɛɛ tɛ o dɔma moolaa.

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.

Lewi Dea Tena 16:12

Ó kpɔ kon buh nii le saraha kon la ta n sie, dɛ́ ɛ daawiile a sɔɔh aa soma ba nama a kper kɛrɛdɛ nɔndela anɛ, dɛ́ kpɔ jo ba Boɡoroŋ Tenten pateesan la habɔɔ.

Sekaria 14:5

Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.

Matiu 24:7

Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa.

Amanesoma Luk Aa Chwera Tɔn 12:49

N balɔ dɛ́ ba kpɔ nii ta harɛ nɔ ta ó fuh. Dɛ nii la fe dɔɔ dɛɛ hɔ aa, a fe ɛɛ do n somee taeh.

We-ɛɛla 16:26

Kerabeŋkpoŋ dɛ harɛ jiɡro kohona, asɛ deene la jiɡri le mun ta ka le nyundua. Kerabeŋkpoŋ dɛ deene la ɡbeni bwa pilo, asɛ jɔɡrɔre baa do nɛra la bwa cha le ba nɔɔra ta.

We-ɛɛla 4:31

Baa soŋe Korowii tonɛ la, dea baa lɔ o bini la jiɡro. Korowii Domadɛɛɡe baa so ba nɛ, asɛ baa bol Korowii Waa la bansua bwa ne.

Wepila 11:13

Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 4:5

Dɛ kookara la waa lɔ baah ta la bɔr dɛ ɡbɔɡre kɛŋɔ, bwaala aa dɛ nyɛɡle dɛɛ jiɡri dɛɛ kɔɡre la. Kandere anuanɛ ɡe cheɡɛ kookara la sie dɛɛ hɔ. Korowii Domare anuanɛ laanee.

Wepila 6:12

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal.

Wepila 8:3

Nyundua torome bɛl balɔ dɛ kpoŋe suuɡaswɛm kon baa kpɔa dɛɛ fuh daawiile a sɔɔh aa soma, dɛ ka che bela baa fuh kwaa ɛ saraha dɛɛ tɛ Korowii la. Ba kpɔ konsɔɔhsoma la kohona tɛo o kpɔ ja Korowii nɛra ba wa aa toɡra wesoŋa la ta, dɛ fuah konsɔɔhsoma la fuih bɔr baa kpɔ suuɡaswɛm ɛo o che kookara la sie la.