Wepila 8:11 - mzwDBL

¹¹ Wewee la sɔne Koŋkpel. Nee waa le o ta la berɔ do kpeli, asɛ nɛra nyɔa dɛ serewe pirim, dɛkalkɛ nee la kpeli.

Wepila 8:11 ပူးပေါင်းရင်းမြစ်များ

Kaala 15:23

Ba baa tel bobɛl baa yerɔ Mara dɛ na nee bɛl. Ba ta wone nyɔɔ, dɛkalkɛ dɛ o kpeli. Gɛɛ a do baa yerɛ bela Mara. O munii kpeli.

Sɛɡla 5:4

kɛ a habɔɔ la, waa waa doe a ta la kpeli kɛŋɔ ol kpela. O nyoa wobol dɛ do nɛn bol kɛŋɔ naŋɡɔse ken.

Jeremia 23:15

Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”

Jeremia 9:15

Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Wiile 3:19

N lii n wenaale ne ɡaaɡa maa dɛ ɡaaɡe aa, a do kɛŋɔ maa di tɛɡkpela ken.

Wiile 3:5

O ɡelɔ suna dii ne wahala nae bar mɛ cheme, kɛŋɔ baa laɡ mɛ do dea ken.

Emɔs 5:7

He berɛ waa aa ɛ kasinteŋ sie, dɛ tɔ waa aa toɡra ŋwɛnɛ.

Emɔs 6:12

Jaɡre won bwea dor chwae yaa? Nɛn ɛɛ kpɔ nae ka parɛ bela aa? Kɛ he ɡelɔ kasinteŋ do kɛ tɛɡchɔɡa, asɛ waa aa toɡra berɛ do kɛŋɔ wechɔɡa ken.

Sekaria 13:8

Korowii ŋɔ, “Harɛ la ta bwa ba bɔne ba bini bɔre atoro naa, baa kpɔ kerii kpoo bɔre anɛ nɛra á ba ka bɔrbeŋkpoŋ nɛra.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Mmarare 29:18

Hé nyiŋi kɛrɛdɛ kɛŋɔ he nɛra haa cheɡɛ bonɔ fini nɔ, baa kɛɛ haah kɛɛ lolanar, kɛɛ dea bɛl tena aa Korowii yaa dɛ tomɔ nɔ tomaa ɡel dɛ́ ka tomɛ harɛ bɛl voɡa. Ásɛ a ba ɛ kɛŋɔ daa lur aa pama le dɛ nɔnɛ nɔnchɔɡa dɛ he diu waa he sewɛ la.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Wepila 12:4

Asɛ o kpɔ o din ɡbaa weweela ta harɛ. Dɛ he bɔne a bini bɔre atoro naa, a bini beŋkpoŋii o ɡbaa. O baa che haah la waa dɛ ba lola la sie dɛɛ nyin kɛŋɔ dɛ o lolaa, ó kpɔ o bie la lile.

Wepila 8:7

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.

Wepila 9:15

Asɛ ba pur Bɔnsam toroma banaarɛ la Korowii fa aa vɔɡ ba dɛɛ kpa awola tɔpere la. O do dɔŋhwere la ne tɔpere la ne korobie la ne bena la baa kpɔ pur ba bá kpoo nɛra. Ba bɔne harɛ ta nɛra bini bɔre atoro naa, banɔ la baa dɛ ba kpoora la ɛɛ tel bɔr beŋkpoŋ nɛraa.

Wepila 9:18

Ba bɔne harɛ bini nɛra bwa bini bɔre atoro naa, banɔ la nii ne chuu ne jebɔrɔwe ninlao aa dɛ le jaɡre la nyoo la aa kpoora la ɛɛ tel bɔr beŋkpoŋii.

Rut Tɔn 1:20

Asɛ o chaŋe ŋɔ, “He bɛ men Naomi yerɛ. Hɛɛ yer mɛ Mara dɛkalkɛ Korowii Waa Ɛ Kpeɡri Bwa Dɔɔ ta ɡelɛ n sie lɛ n soɡa bini.