Wepila 8:10 - mzwDBL

¹⁰ Nyundua torome waa teŋa tooro la ɡe hoɔh. Waa hoah la, asɛ weweejen le nyundua dɛ ba le harɛ, o bwa ɛɛ hɔ kɛŋɔ kapɛla ken. Waa baa le la, o le moo ne nenabɔɔne ta. Dɛ he bɔne moo ne nenabɔɔne bwa bini bɔre atoro naa, anɔ la waa le a ta la ɛɛ tel bɔr beŋkpoŋii.

Wepila 8:10 ပူးပေါင်းရင်းမြစ်များ

2 Webena 32:3

o ne o nomonome ne o laa nomonome chemo, dɛ vɔrɔwe kɛŋɔ bá tɔɔɡe neerare nyuune aa lɔ Jerusalam dahare, asɛ ba sɛh dɛ chao.

Aesaya 12:3

Gɛ nyɔɡre dɛ kpo nɛn o dɔ kɔlɔŋ nee nyɔ, o sie lɛ la, ɡɛɛ dɛ Korowii lɛ nɛra aa, ba sie ɛɛ lɛ.

Aesaya 14:12

Babelɔn kooro, na ɡɛ haa le nyundua ba le harɛ. Chɔmbibi wewee, chɔmbibi bonɔɔ! Ba taɡɛ ta harɛ, nɛn he fa aa pɔ harɛre nɛ!

Sekaria 13:8

Korowii ŋɔ, “Harɛ la ta bwa ba bɔne ba bini bɔre atoro naa, baa kpɔ kerii kpoo bɔre anɛ nɛra á ba ka bɔrbeŋkpoŋ nɛra.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Matiu 25:1

Yeesu berɔ ŋɔ, “Men Nɛn Bie bala la telaa, kenii Korowii Kora ɛɛ ba doe. O dɛ ba doe kɛŋɔ toli fi bane baa ira dɛ kpɔ ba kandere dɛɛ la ká cheme hanfale jaa.

Amanesoma Luk Aa Chwera Tɔn 10:18

Belaa Yeesu chaŋ ba ŋɔ, “He pɔ Bɔnsam nɛ. N nao kɛŋɔ waa le nyundua ba le harɛ kerabeŋkpoŋ kɛŋɔ bwaala aa nyɛɡla ken.

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.

Wepila 1:20

Weweela anuanɛ haa naa a do n nɔndiɡ ta la, ne suuɡaswɛm kandea daa anuanɛ la, n dɛ baɡle a mun dɛ tɛɛ. Weweela anuanɛ la ɛ nyundua toroma baa cheɡa tɛ asɔrere bele anuanɛ aa lɔ bwɛɛre anuanɛ la ta la. Kandea daa anuanɛ la ɡe cheɡɔ tɛ asɔrere anuanɛ la.”

Wepila 12:4

Asɛ o kpɔ o din ɡbaa weweela ta harɛ. Dɛ he bɔne a bini bɔre atoro naa, a bini beŋkpoŋii o ɡbaa. O baa che haah la waa dɛ ba lola la sie dɛɛ nyin kɛŋɔ dɛ o lolaa, ó kpɔ o bie la lile.

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Wepila 16:4

Asɛ toorote ɡe le dɛ ka fuɡe o kwaa do moo bɛlbwa ne neerare bwa ta, a beɡre chal.

Wepila 6:13

Weweela chuɡro lee harɛ kɛŋɔ peujen yon ta, daa nɔŋhuuhne yon lee harɛ la.

Wepila 8:7

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.

Wepila 9:1

Nyundua torome waa teŋa nue la hoh o bɛla, asɛ n na wewee bɛl le harɛ. Korowii tɛo Bɔnsam bɔluŋ la safoa.

Wepila 9:15

Asɛ ba pur Bɔnsam toroma banaarɛ la Korowii fa aa vɔɡ ba dɛɛ kpa awola tɔpere la. O do dɔŋhwere la ne tɔpere la ne korobie la ne bena la baa kpɔ pur ba bá kpoo nɛra. Ba bɔne harɛ ta nɛra bini bɔre atoro naa, banɔ la baa dɛ ba kpoora la ɛɛ tel bɔr beŋkpoŋ nɛraa.

Wepila 9:18

Ba bɔne harɛ bini nɛra bwa bini bɔre atoro naa, banɔ la nii ne chuu ne jebɔrɔwe ninlao aa dɛ le jaɡre la nyoo la aa kpoora la ɛɛ tel bɔr beŋkpoŋii.

Sitɔɔla 15:11

Ate, Juda harɛ baala kaɡboŋa batoro la Samsen be Etam bwebɔɔ la bɔr dɛ ka ŋɔ o be ŋɔ, “Haa jemɛ kɛŋɔ Filisti tenaa dɛɛ di kpeɡri ya nɛɛ kɛɛ? Ɛrɛɛ he ɛ yaa ken nɔɔ?” Anee o chaŋ ba ŋɔ, “Gɛ baa ɛɛ mɛ la, ɡɛ ɡboo n ɡe ka ɛɛ ba.”