Wepila 7:9 - mzwDBL

⁹ Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,

Wepila 7:9 ပူးပေါင်းရင်းမြစ်များ

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Yela 2:8

Soŋ mɛ, mɛɛ kpɔ harɛre bwaa tɛɛ.

Yela 22:27

Harɛre nɛra bwa ɛɛ lii Korowii waa dɛ́ kpɛɛro, baa le harɛ jaɡa bwaa, dɛ́ ba o be, harɛre nɛra bwa ba ɡuŋi o sie.

Yela 76:4

N Naa Korowii, he jirima kan, he kpɔ le bwejena haa yo he dɔma, dɛ pɔ ba nɛɛ a ta la dor.

Yela 77:2

Gɛ saŋ wa aa puu mɛ la, n wio no Korowii, n ɡɔɔ nɔɔra jwaana bwa dɛ soŋo, kɛ n ta bolarawa bɛlbwa dɔe.

Yela 98:3

O teŋɛ nyoa waa baɡɛ Israel tena kasinteŋ ne nyina aa wola jaɡa dɔe bwa ne. Nɛra baa lɔ harɛ jaɡa bwa na ɡɛ Korowii yaa dɛ tomɔ aa lɛ o nɛra.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Ɛsekeɛl 47:5

O berɔ maɡɛ naɡale kaɡboŋ lafraanue, anɔ te la, o kpɔ mɛ jo nee waa do kɛŋɔ moo maa wola won leo, dɛkalkɛ dɛ o suu kohona dɛ do luŋri nomɛlbwa aa wola won wao le o baŋ.

Daneɛl 4:1

Kooro Nebukadnesa chwerɛ tɔn kaa harɛ bɛlbwa ta ka tɛ wobol bɛlbwa nɛra. O ŋɔ, “N dɛ na heya!

Daneɛl 6:25

Asɛ Kooro Dareɔs chwerɛ tɔne ka tɛ wobol te bɛlbwa nɛra baa lɔ harɛre ne o harɛ ta bwa. O ŋɔ, “N dɛ na he bwa!

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Lewi Dea Tena 23:40

Tɔpere waa tɔ sie la, hé kpɔ daa nɔna aa wera kohona, dɛ́ kpɔ bambie papooni ne daa a papooni aa wara ne daa ane aa cheɡɛ nee nyoa a fee warɛ a ta, dɛ lɛ he sie tɔpera anuanɛ men Korowii haa dɛ tom mɛ nɔ sɔn ta.

Sekaria 10:8

Mɛɛ yer baa, dɛ́ boa ba nyoa. Kasinteŋ, mɛɛ lɛɛ baa dɛ́ ɡel ba warɛ ɡɛ ba fa aa doa wubwa la.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Amanesoma Luk Aa Chwera Tɔn 12:1

Aa ɛ tama la, nɛra kaɡboŋa baa cheme Yeesu sie. Baa wara nomanta, dɛ ba dɛ tiɡri dɔŋa nakpale ta. Belaa Yeesu tɔ sie bol waa o habɔteŋra la be dɛ sɛɡ ba ŋɔ, “Hé nyiŋi he te kɛrɛdɛ Farisii tena iisi wa. Nɛra sie baa nyiŋi dɛɛ ɛ wa.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Amanesoma Jɔn Aa Chwera Tɔn 12:13

Belaa ba nyin bambie papooni dɛ kpɔ le bwɛɛ bini ka chemo ŋwɛnɛ ta silɛɛ ne dɛɛ ŋɔ, “Woowo! Korowii swee Israel tena Kooro waa valɛ o sɔn ta dɛɛ ba nɔ andɛɛɡa.”

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

Ɛfesos 6:13

Anomanta, a chɛ kɛŋɔ hé kpɔ Korowii laa laala bwa do kɛrɛdɛ, dɛ konchɔɡa la baa ŋɔ a yo heya aa, he won che kiŋkiŋ dɛ́ yo ka tonɛ dɛ́ ta won che.

Hibru 11:12

Abraham aa hwɛɛhra waa wola kpeɡe kpa la, o wono lolɛ, asɛ o naanar ɡe ya, dɛ warɛ kɛŋɔ weweela kɛɛ mpo nyoa hɛŋle ken.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 22:3

Komɛlbwa Korowii aa taahno la aa bwɛɛ la taa do. Korowii ne Pebie la kookara la chebɔree bela, ásɛ o bonɔɔna ne toli ɛɛ tomɔ,

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

Wepila 4:4

N na kookane fifraanɛ dɛ anaarɛ a bar o kookara la cheme. Nomonome fifraanɛ dɛ banaarɛ do laalapoŋa dɛ pi suuɡaswɛm kooɡbɛrɛre dɛ so a ta.

Wepila 5:11

N nyiŋo dɛ no kɛ bobɛlbwa dɛ ɡbɔɡre, dɛkalkɛŋɔ dɛ nyundua toroma warɔ taeh, dɛ ba bar kookara la ne hweera kwaa ne nomonome la bwa dɛ cheme. Ba lɔ kaɡboŋa kaɡboŋa maa wola ba nyoa jemɛ,

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

Wepila 6:11

Dɛ ba tɛ bɛlbwa yapoŋ ó tɔ, dɛ ŋɔ báa onɛ tama ka tel kɛŋɔ ba bala Korowii bonɔɔna ne toli baa dɛ ba ba ɡe kpoora kɛŋɔ ban la nyoa aa chiɡa.

Wepila 7:8

O do Sebulon dea nɛra kaɡboŋa fi dɛ banɛ, dɛ do Josef dea nɛra kaɡboŋa fi dɛ banɛ, asɛ Bɛnjamen dea ɡe, o do nɛra kaɡboŋa fi dɛ banɛ nso.