Wepila 6:14 - mzwDBL

¹⁴ Asɛ Korowii doa nyoɡre n siwi ta kɛŋɔ baa ɡuɡri kalaŋ la. Bwejaŋa ne ekwie ɡe chuɡri le a buɡe ta kaa.

Wepila 6:14 ပူးပေါင်းရင်းမြစ်များ

Aesaya 34:4

Wee ne korobie dɛ weweela bwa ɛɛ nyoɡroo, ásɛ Korowii doa ɡuɡri kɛŋɔ baa ɡuɡri kalaŋ la. Kwaa aa lɔ nyundua bwa ɛɛ lee harɛɛ kɛŋɔ papohola aa le daa ta dɛɛ lee la.

Wepila 16:20

Ekwie aa lɔ neerare baahna, ne bwejena nyoɡrɔ, ba nyin a bɔr kahonɛ.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Yela 102:26

A bwa ɛɛ chɔɡoo, aa wola lee do kpa, kɛ he te ɛɛ do lee dɛɛ la. A bwa ɛɛ ba ɛ kombenaa ba kpɔ ta kɛŋɔ yal yon hɛh la.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Ɛsekeɛl 38:20

Pɛŋa aa lɔ mpo ta, ne jumbii aa dɛ ɡah, ne kpɔɡ bini ola, ne kwaa aa dɛ tuuɡi tea ta, ne anɔ la aa dɛ huuh, dɛ nɛra baa lɔ harɛ ta bwa bwara ɛɛ sa n siee. Bwejena bwa ɛɛ huɡruu, diŋɡoŋni kuuɡi, ásɛ bwɛjena danjwɛɛre bwa ɡe choɡli.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Wepila 21:1

Belaa n na nyundufale ne harɛfale bɛl. Dɛ nyundua ne harɛ la a fa aa lole la te nyoɡrɔ, asɛ mpo ɡe nyoɡre.

Habakuk 3:6

He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.

Jeremia 51:25

Babelɔn, he do kɛŋɔ bwejen haa dɛ chɔɡ harɛ nɔ ta nɛra. Kɛ men Korowii ɛɛ dɔm, mɛɛ ɡeloo hé fuh dɛ́ berɛ tɔɔ ásɛ n taɡɛ ta harɛ.

Habakuk 3:10

Bwejena nae dɛɛ chel, asɛ bwaala nɛ, nee su dɛ palɛ baa kaa dɛɛ do ɡbɔɡa, dɛɛ ta nehɛma kohona.

Jeremia 3:23

Voɡare yaa toma bwejena dor la ta yaa chae. Korowii ya Israel tena aa dɛ tomɔ ɡboo ɛ ya lɛɛ.