Wepila 5:2 - mzwDBL

² N na nyundua torome bokpeɡa te bɛl wɛɛ bol waa takpeɡ ne ŋɔ, “Umee ń dɔ ó laa kwaa baa kpɔa marɛ tɔn la kera anuanɛ la swe, dɛ́ pilu wɔ?”

Wepila 5:2 ပူးပေါင်းရင်းမြစ်များ

Job Tɔn 41:15

O nyaŋ pɛɡa kpeɡri dɛ tɔ o nɛ, dɛ marɛ dɔŋa kiŋkiŋ ken.

Yela 103:20

Nyundua toroma haa kana dɛ do kpeɡri, heyaa dɛɛ teŋɛ o Mmarare ta, hé kpɛɛ Korowii.

Wepila 10:1

Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.

Wepila 5:1

Asɛ n nyiŋi dɛ na kɛŋɔ naate waa soɡe kookara la ta la kpoŋe tɔn bɛl o nɔndiɡ ta. Tɔn la sie ne habɔɔ bwa taa ba chwerɛ, dɛ ɡuɡru, dɛ marɔ kera anuanɛ.

Wepila 5:5

Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le. Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”