Wepila 4:8 - mzwDBL

⁸ Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”

Wepila 4:8 ပူးပေါင်းရင်းမြစ်များ

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Kaala 3:14

Anee Korowii ŋɔ o be ŋɔ, “Menee Men. Kenii chɛ kɛ he ŋɔ ba be kɛŋɔ naate baa dɛ yerɔ, ‘Menee Men laanee tom mɛ he be.’ ”

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 62:1

Mɛɛ bol waa dɛ do Saayɔn tena ɡbemba. Jerusalam nomanta, maa nyoa tɔ, ka tel kɛŋɔ maa pɔ he nɛra dɔma nɛ. Toɡra baa toɡra la ɛɛ ɡeloo ba dɔ silɛɛ kɛŋɔ, kapɛla aa dɛ hɔ jwaana ken.

Ɛsekeɛl 1:18

Kwaa aa do kɛŋɔ saaker nakpale la kan, dɛ do ɔma kohona sibie su a bwa bar.

Ɛsekeɛl 1:5

Maa nyiŋi nii la bini la, n na hweera kwaa anaarɛ a mar aa do kɛŋɔ nɛn bela,

Ɛsekeɛl 1:6

bɛlbwa dɔ siebɔra anaarɛ ne kena anaarɛ.

Ɛsekeɛl 10:12

Kerobim la bwara bwa, a habɔɔ ne nɔɔra dɛ a kena ta bwa dɔ sibie, ɡɛɛ a saaker nakpale anaarɛ la ɡe dɔ sibie.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

We-ɛɛla 20:31

A waa n ŋɔ hɛ́ɛ nyiŋi kɛrɛdɛ ŋɔ he bɛ ba soh kɛ n fa aa lɔ he be bene atoro bwa dɛ yon dɛɛ ja heyaa Korowii waa ta tɔpebii te bɛlbwa, dɛ koh he waa dɛɛ wi la.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

1 Tesalonika 2:9

Yabala, haa ya toma ne ya koeh la waa lii kɛɛ? Ya ɛ toma chɔɔ ne jwaana bwa, ásɛ ya bɛ he bɛlbwa koeh do ɡɛ saŋ yaa lɔ he be dɛ bol Korowii Amanesoma la dɛɛ baɡle heyaa la.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

Hibru 13:8

Yeesu Kristo aa beɡre. Gɛ waa doa a saŋ la, ɡɛɛ o ta do fini, ɡɛɛ wɛɛ ba doe saŋ bɛlbwa.

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Wepila 11:17

dɛɛ ŋɔ, “Korowii Haa Ɛ Koranar Bwa Kooro dɛ do le dɛ le saŋ la bwa ba le fini, ya dɛ jaame kɛŋɔ haa kpɔ he kpeɡri dɛɛ di kora komɛlbwa nɛɛ nɔ.

Wepila 14:11

ásɛ chuu le bela baa dɛ na hɔhɔrɔwa la dɛɛ kaa nyundua saŋ bɛlbwa. Nɛra baa dɛ tomɛ olchɔɡe la ne kon la baa mao la, ne nɛra baa kpɔ o sɔn do ba nso la, baa hɔhɔrɔwa la taa le bwa, dɛ́ɛ na waa chɔɔ ne jwaana.”

Wepila 14:3

Nɛra la cheɡɛ Korowii kookara ne hweera kwaa anaarɛ la ne nomonome la be dɛɛ ɡo yelfale bɛl, nomɛlbwa aa wola won hweli yel la, nemenɛ nɛra kaɡboŋa lafa fifraanaarɛ dɛ banaarɛ Korowii aa lɛɛ ba harɛ nɔ ta nɛra bwa bini la ɡbo.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Wepila 15:7

Asɛ hweera kwaa anaarɛ la bɛl kpɔ suuɡaswɛm loɡa anuanɛ tɛɛ ba. Korowii waa lole saŋ te bɛlbwa la bandia su a bwa.

Wepila 16:14

Bɔnsam kwaa, asɛ a won dɛɛ ɛ nyokpowa. A leɔ dɛɛ kaa harɛ nɔ ta koranar bwa be, dɛ́ ka lawɛ ba bwa cheme bá yo Korowii Waa Ɛ Kpeɡri Bwa Dɔɔ laa o tɔpejen la ta.

Wepila 16:7

Asɛ n no taa bɛl konsɔɔhsoma fuih bɔr, o ŋɔ, “Korowii Haa Ɛ Koranar Bwa Kooro la, he waa haa ɛa dɛ tɛr ba deŋne toɡrɔ dɛ ɛ kasinteŋ.”

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

Wepila 19:4

Nomonome fifraanɛ dɛ banaarɛ la ne hweera kwaa anaarɛ la ɡuŋo dɛɛ duu Korowii waa soɡe o kookara ta la, dɛɛ si, “Aamen. Hé kpɛɛ N Naa Korowii!”

Wepila 21:22

Korowii Dea baa cheme o bini dɛɛ tomɔ toole bela. Korowii Waa Ɛ Kpeɡri Bwa Dɔɔ la ne Pebie laanee cheɡa tɛ dea la.

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,

Wepila 4:4

N na kookane fifraanɛ dɛ anaarɛ a bar o kookara la cheme. Nomonome fifraanɛ dɛ banaarɛ do laalapoŋa dɛ pi suuɡaswɛm kooɡbɛrɛre dɛ so a ta.

Wepila 4:6

Kookara la sie la ɛo kɛ mpo aa chɔa dɛ do ɡereŋ kɛ diɡi ken. Hweera kwaa anaarɛ ane aa dɔ kena cheɡɔ bar kookara la, bɛlbwa cheɡɛ o bampera beŋkpoŋ ta. A dɔ sibie a siini bobɛlbwa ne a habɔɔne bobɛlbwa.

Wepila 4:9

Saŋ bɛlbwa hweera kwaa anaarɛ la aa kpɔ jam dɛɛ tɛ naate waa soɡe kookara la ta dɛ do le saŋ bɛlbwa la, dɛɛ duuru, dɛɛ tɛo jirima la,

Wepila 5:6

Belaa n nyiŋi dɛ na pebie bɛl waa cheɡɛ baah ta, kookara la bɔr, hweera kwaa la ne nomonome la baro. O le pee baa kpoo. O le nyeɡlare anuanɛ dɛ dɔ sibie ɡe anuanɛ. Sibie la cheɡɔ tɛ Korowii Domare anuanɛ la waa toma a la harɛ nɔ bwa ta la.

Wepila 6:1

Maa dɛ nyiŋi la, n na Pebie la aa swe kwaa baa kpɔa marɛ tɔn la kera anuanɛ la bini sitɔ kon la. Asɛ n no hweera kwaa anaarɛ la bɛl taa kɛŋɔ bwaala aa dɛ kɔɡre la. O ŋɔ, “Ba!”

Wepila 6:6

N no taa bɛl hweera kwaa anaarɛ la baah ta kɛŋɔ, “Tɔpebir kembɔree bá kpɔ yawɛ mea lakaja dela anɛ la, ásɛ anɔ la a yoɡ aa wola kpeɡe ɡe, tɔpebir kembɔree dɛɛ yawɛ lakaja dela anumɛl. Kɛ noo ne sen te, ɡel a chɔɡa.”

Wepila 7:11

Asɛ nyundua toroma la che dɛ bar nomonome la ne hweera kwaa anaarɛ la ne kookara la, dɛ ɡuŋi dɛ kpɔ sie pi harɛ dɛ duu Korowii,

Wepila 7:15

Anomanta, ba lɔ Korowii kookara la sie dɛɛ tomɔ chɔɔ ne jwaana kɛŋɔ o Dea sɔfore, asɛ o ɡbaɡba waa soɡe kookara la ta la ɛɛ tɔ ba nɛ.