Wepila 4:7 - mzwDBL

⁷ Hweera kwaa nɔ bɛl do kɛŋɔ nyujente, bɛl do kɛŋɔ nabal, bɛl siebɔr do kɛŋɔ nɛn, bɛl ɡe do kɛŋɔ kee aa paɡri o kena dɛɛ ir la ken.

Wepila 4:7 ပူးပေါင်းရင်းမြစ်များ

Ɛsekeɛl 10:14

Kerobim la bɛlbwa dɔ siebɔra anaarɛ. Onla waa tɔ sie do kɛŋɔ nabal siebɔr, nɛɛte do kɛŋɔ nɛn siebɔr, toorote do kɛŋɔ nyujente siebɔr, naarɛte la ɡe do kɛŋɔ kee siebɔr.

Ɛsekeɛl 1:10

Siebɔra hweera kwaa anaarɛ la aa dɔa la kokoɡrɔ. Gɛ aa doa teŋa nɔ. Nɛn siebɔr lɔ o sie, nyujente siebɔr do diɡ, nabal siebɔr do ɡal, asɛ kee siebɔr do habɔɔ.

Ɛsekeɛl 10:21

Bɛlbwa dɔ siebɔra anaarɛ ne kena anaarɛ. A kena la bɛlbwa do kɛŋɔ nɛn nɔn aa lɔ o lɔɡa ken.

Wepila 4:6

Kookara la sie la ɛo kɛ mpo aa chɔa dɛ do ɡereŋ kɛ diɡi ken. Hweera kwaa anaarɛ ane aa dɔ kena cheɡɔ bar kookara la, bɛlbwa cheɡɛ o bampera beŋkpoŋ ta. A dɔ sibie a siini bobɛlbwa ne a habɔɔne bobɛlbwa.

Daneɛl 7:4

“Oljen waa tɔ sie la do kɛŋɔ nyujente, dɛ dɔ kena kɛŋɔ kee ken. Maa nyiŋa na la, ba tu o kena la le o nɛɛ dɛ lawɔ ir, o che o nakpale anɛ ta kɛŋɔ nɛn ken, asɛ o dɔ nɛn liire ɡe.

Ɛsekeɛl 1:8

A siebɔra anaarɛ ne kena anaarɛ la habɔɔ, bɛlbwa dɔ nɛn nɔn beŋkpoŋ keni bɛlbwa lɔɡa, a ɛ nɔɔra anaarɛ.

Aesaya 40:31

Kɛ nɛra baa dɔ hwɛɡa Korowii nɛɛ la te ɛɛ dɔ bokpeɡfalaa. Wɛɛ ɡeloo bá dɔ kena, dɛ́ ir kɛŋɔ kee ken. Baa chwao, kɛ baa koh bwa, dɛ́ valɛ baa ɡwɛɡre bwa ɡe.

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.

Obadia 1:4

A lole kɛ he soŋnibɔr lɔ nyundua, kɛŋɔ kee yon ka sɔh o kɔr nyundujaɡla la, kɛ mɛɛ ɡeloo he le bela ba harɛ. Men Korowiirii bola.

Sɛɡla 28:2

Harɛ wechɔɡ-ɛɛra aa lɔ o ta la, o koranaree dɛɛ warɛ. Kɛ harɛ waa dɔ nomonome baa dɔ wejema la, dɛ do kpeɡri dɛ́ che kiŋkiŋ.

2 Samoɛl 1:23

Kooro Sɔɔl ne Jonatan waa wer ba soɡa bini dɛ dɔ nyokpoa kohona, ba baah ta pere ba seo bini bwa. Ba ɡbaŋre ɡwaa kee bɛlbwa, dɛ do kpeɡri ɡwaa nyujentena.

Mumpar 49:9

Juda do kɛŋɔ nyujente ken. Kpaahna taa he che dɛ kpeɡ. O chɔ harɛ kɛ nyujente aa, umee dɛ wonu wɔ?

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

Nɛra Kura 24:9

Ba do kɛŋɔ nyujente waa chɔa, nyujente nee chɔɔ waa, umee dɛ́ won lɔ bambile chumu wɔ? Nomɛlbwa waa swee andɛɛɡa tɛ Israel tena dɔ andɛɛɡa, nomɛlbwa waa taah ba la, á ɡure o ɡbaɡba nyu ta!”

Nɛra Kura 23:24

Ba do kɛŋɔ nyujente nee ken, waa soɡe dɛɛ biɡri, dɛ o di ol waa kpoo. Waa so biɡri, dɛ o kpɛle kon waa kpoo chal bwa.”

Wepila 6:3

Asɛ Pebie la swe kwaa baa kpɔa marɛ tɔn nɛɛte la. Waa sweo la, n noɔ kɛ hweera kon la waa jaa nɛɛ la aa ŋɔa, “Ba!”

Wepila 6:5

Pebie la swe kwaa baa kpɔa marɛ tɔn la toorote la, asɛ n no kɛ hweera kwaa toorote aa ŋɔa, “Ba!” N nyiŋo, dɛ jaaɡɔbiŋi bɛl ɡe leɔ. Nɛn waa soɡe o ta la kpoŋe kon baa kpɔa dɛɛ kari kwaa tɔɡre la bɛl.

Wepila 6:7

Belaa Pebie la swe kwaa baa kpɔa marɛ tɔn la naarɛte la. Waa sweo la, n noɔ kɛŋɔ hweera kwaa naarɛte aa ŋɔa, “Ba!”