Wepila 4:1 - mzwDBL

¹ Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”

Wepila 4:1 ပူးပေါင်းရင်းမြစ်များ

Kaala 1:1

Jekɔb bibaala ne ba haahna ne bii baa ja o nɛɛ dɛ kaa Ijipt harɛ laanee nɔ.

Kaala 19:24

Belaa Korowii ŋɔ Mosis be ŋɔ, “Berɛ tu ka kpɔ Arɔn ja he nɛɛ he bwa ba. Kɛ sɔfore la ne nɛra la te bɛ lii kɛŋɔ baa ɡale jwɛh laanee dɛ́ ba n be bwe nɔ ta. Gɛ laa aa, mɛɛ tɛr ba deŋnee.”

Kaala 24:12

Asɛ Korowii ŋɔ Mosis be ŋɔ, “Teeh ba bwe nɔ doa, dɛ́ ba soŋni n be bonɔ. Mɛɛ tɛɛ bwepɛle maa chwerɛ me Mmarare haa dɛɛ teŋɛ a ta, ásɛ nɛra la ka hweli dɛ́ jemɛ waa maa do ba a ta.”

Sɛɡla 25:7

A wer kɛŋɔ kooro la ŋɔ, “Ba so n jwɛh,” ɡwaa kɛŋɔ waa iri, dɛ kpɔ he sobɔr tɛ nɛn waa ɡwaale. Waa he ɡbaɡba aa naa la,

Ɛsekeɛl 1:1

Waa aa lɔ tɔn nɔ bini nɔ, Korowiirii pila baɡle men Busi bie sɔfo Ɛsekeɛl. Baa lawɛ n ne Juu tena laa ta kaa Babelɔn harɛ ta ka so Keba Moo nyoa, bene fifraatoro korobie anaarɛ tɔpenue taa a ɡɛ waa nɔ chiɡ.

Matiu 3:16

Waa sɔɔ Korowii nee la tonɛ la, Yeesu le nee la ta dɛ ba che baŋ. Nyundua pilo, asɛ o na Korowii Domadɛɛɡe o do kɛŋɔ borɔnoma ken dɛ ba so o nɛ.

Amanesoma Mak Aa Chwera Tɔn 1:10

Buɡ la ta, Yeesu aa le nee la ta la, o nao kɛŋɔ nyundua pilo, asɛ Korowii Domadɛɛɡe do kɛŋɔ borɔnoma ken dɛ ba so o nɛ.

Amanesoma Luk Aa Chwera Tɔn 3:21

Gɛ saŋ Jɔn fa aa dɛ sɔ nɛra la bwa Korowii nee la, o sɔ Yeesu ɡe. Yeesu nee sɔe ta, waa dɛ soŋe Korowii la, nyundua pilo,

Amanesoma Jɔn Aa Chwera Tɔn 16:13

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

We-ɛɛla 10:11

O nao kɛŋɔ nyundua aa pera, asɛ ba lawɛ komɛl kɛŋɔ yajen o nyoo bɔre anaarɛ bwa, kwaane do o ta a saɡɛ jɛɛhjɛɛh dɛ le nyundua dɛɛ ba harɛ.

We-ɛɛla 7:56

asɛ o ŋɔ, “Hé na! N na nyundua aa pila asɛ Nɛn Bie la che nomombɔr Korowii diɡ ta bela!”

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

Wepila 1:12

Belaa n ke nyiŋi kɛ mɛɛ na naate waa bol waa n be laanee, asɛ dɛ na suuɡaswɛm kandea daa anuanɛ,

Wepila 1:19

Chwerɛ waa haa naa nɔ, ne anɔ la aa lole taraken, ne anɔ la aa dɛ ba bala anɔ nɔ habɔɔ.

Wepila 11:12

Bela la, ɡɛ baala banɛ la no takpeɡ bɛl nyundua o ŋɔ ba be ŋɔ, “Hé ir ba bonɔ!” Asɛ ba ir, bam bɛl kpɔ ba kaa nyundua asɛ ba dɔma che dɛɛ nyiŋ ba baa kaa.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 16:17

Asɛ nyundua torome waa teŋa nuanɛ la ɡe fuɡe o kwaa do peu ta. N no takpeɡ bɛl le kookara la te be Korowii Dea bela, o ŋɔ, “A tonɔ.”

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Wepila 22:6

Belaa nyundua torome la ŋɔ n be ŋɔ, “Waa nɔ ɛ kpela, nyosone bɛlbwa toole a ta. N Naa Korowii o fa aa ir keamere nɛɛ la, onee tom mɛ ásɛ n ba baɡle waa aa dɛ ba ɛɛ taraken la, ásɛ o bonɔɔna ne toli jemɛ.”