Wepila 3:3 - mzwDBL

³ Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.

Wepila 3:3 ပူးပေါင်းရင်းမြစ်များ

Wepila 2:5

Anomanta, hɛ́ɛ lii ɡɛ he fa aa doa wubwa la, dɛ́ charɛ he liire, dɛ́ berɛ ka kpɔ he loɡla we-ɛɛla la ja. Gɛ laa aa, mɛɛ ba he bee dɛ́ ba laa he kandea daa la kpɔ le o buɡ ta.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Matiu 25:13

Yeesu aa bol ɡɛ tonɛ la, o berɛ ŋɔ, “Anomanta, hé ɡel he sie do le hɛɛ kpa, dɛkalkɛ haa tɔpere la ne ɡɛ saŋ maa dɛ ba bala la jemɛ.”

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

1 Timoti 6:20

Hei, Timoti! Lawɛ waa la bwa Korowii aa kpɔa do he nɔn ta la bini kɛrɛdɛ. Laa he te kpɔ wesale nɛra aa dɛ bol a ne Korowii Waa aa wola kaa, ne ɡɛnewaa bane aa wola jemɛ dɛɛ yera wejema dɛ kpɔ dɛɛ tɔŋle kasinteŋ waa la ta,

Amanesoma Mak Aa Chwera Tɔn 13:36

He bɛ ɡel o ba piɡri heya, dɛ he dɛ chɔ doromi.

Amanesoma Mak Aa Chwera Tɔn 13:33

Hɛ́ɛ nyiŋi kɛrɛdɛ, hɛ́ɛ do dɛɛɡɔ, dɛkalkɛŋɔ haa tɔpere la jemɛ.

Ɛsekeɛl 36:31

Belaa hɛ́ɛ ba he wechɔɡa ŋwɛnɛre ne he nyubinikpeɡ we-ɛɛla bwa liira, ásɛ he baah di he ɡbaɡba nɛɛ wechɔɡa ne kii waa haa ɛa la.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

2 Pita 3:1

N dandɛɛɡa, tɔn nɔɔ n tɔn nɛɛte maa chwerɛ heya. N tɔne anɛ nɔ bwa bini la, n dɛ lii heyaa ásɛ he do wɔrɔbe waa nɔ ta, dɛ́ dɔ tepoŋ.

Wepila 3:11

N dɛ ba taraken. Hé lawɛ waa haa jema la bini kiŋkiŋ, ásɛ dɛ bɛ ɡel nomɛlbwa won neɡre heyaa he paŋɛ kompoŋ baa dɛ ba heyaa vɔwa he yoi dɛ le ta la.

Wepila 2:25

Kɛ waa la haa lawɛ a bini kɛrɛdɛ la, hé den lawɛ a bini ɡɛ ń ba.

2 Pita 1:13

N dɛ lii kɛŋɔ maa wola sewɛ mɔɔ nɔ, a chɛ kɛ mɛɛ lii heyaa hé do wɔrɔbe waa nɔ ta.

2 Timoti 1:13

Lawɛ kasinteŋ waa maa chaɡle la bini kiŋkiŋ, dɛ́ teŋɛ a ta, dɛ́ so Korowii yarada ne nɛnnyin yaa dɔa le pɛɛ ya ne Yeesu Kristo aa pɛa ta la ta.

Ɛsekeɛl 20:43

Belaa hɛɛ ba we-ɛɛla ne liire aa ɡela he kpɔ he te kah doŋa la nae, ásɛ he hah he ɡbaɡba kɛŋɔ haa ɛ a ɡɛ wedoŋa nɔ la.

Wepila 3:2

Anomanta, hé ir nyu ne dɛ́ kwaa a ɡɛ waa a nyoa aa dɛ sɔɔh la, á won che kɛrɛdɛ, dɛkalkɛŋɔ n ta he we-ɛɛla bɛlbwa nae a do wer dɛ toɡre n Mɛɛ Korowii be.

Wepila 22:7

Yeesu ŋɔ, “Hɛ́ɛ no! N dɛ ba taraken. Nomɛlbwa waa lawɛ waa nɔ aa lɔ tɔn nɔ bini, dɛɛ baɡle waa aa dɛ ba bala kerekere la bini kpoŋe la na som.”