Wepila 3:21 - mzwDBL

²¹ Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 3:21 ပူးပေါင်းရင်းမြစ်များ

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

Amanesoma Jɔn Aa Chwera Tɔn 13:32

Dɛ a cheɡɛ n nɛɛ Korowii dɔ jirima aa, aa che o nɛɛ ń ɡe dɔ jirima, dɛ́ dɔa taraken.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

2 Timoti 2:12

Dɛ ya lawɛ bambile wobɛlbwa ta naa, ya ne wɛɛ di koraa. Dɛ ya ŋɔ ya ne o laa aa, o ɡe ɛɛ ŋɔɔ o ne ya laa.

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

Wepila 20:6

Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”

Wepila 6:2

N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”