Wepila 3:2 - mzwDBL

² Anomanta, hé ir nyu ne dɛ́ kwaa a ɡɛ waa a nyoa aa dɛ sɔɔh la, á won che kɛrɛdɛ, dɛkalkɛŋɔ n ta he we-ɛɛla bɛlbwa nae a do wer dɛ toɡre n Mɛɛ Korowii be.

Wepila 3:2 ပူးပေါင်းရင်းမြစ်များ

1 Koranar 11:4

Waa baa hwɛɛh la, haahna la berɛ o liire kaa voɡare toma ta. Dɛ o bambile toole Korowii waa dɛ tomɔ nɛɛ kpa kɛŋɔ o mɛɛ Kooro Devid fa aa ɛa la.

1 Koranar 15:3

O ɡe ɛ o mɛɛ wechɔɡa la dɔŋa. O ta o bambile bwa kpɔe tɛ Korowii waa dɛ tomɔ kɛŋɔ o nabaa Kooro Devid aa ɛa la.

2 Webena 25:2

Kooro Amasea ɛ waa aa too Korowii tea, kɛ dɛ o bambile bwa ne laa.

Job Tɔn 16:5

Kɛ n nyoa wobol ɛɛ won tɛ heyaa bokpeɡa, dɛ́ tɛ heyaa bosɔɔhna.

Aesaya 35:3

Hé do banɔ la ba bwara aa yɔra la ɡbemba, bá won che kiŋkiŋ.

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

Aesaya 57:12

He dɛ lii kɛŋɔ anɔ la haa dɛ ɛ la toɡrɔ, kɛ mɛɛ le he mun nee waa haa dɛ ɛ ta. He voɡa aa tɔnɔ bɛlbwaa dɔ tɛ heya.

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Daneɛl 5:27

Tekel munii kɛŋɔ, ba kpɔe chɔŋɛ kon baa kpɔa dɛɛ maɡɛ kwaa ta, dɛ na kɛ haa tɔɡɛ.

Sekaria 11:16

N dɛ ba peteɡre bɛl ne harɛ la ta. Waa peera aa nyoɡra la bɔree ɡaaɡe, waa a bii nɛɛ nyiŋi, waa anɔ la baa doa bola laanee chah, waa anɔ la aa dɔ bokpeɡa la ɡe kondikwaa tɛ. Anɔ la aa do bwara la, wɛɛ kpoora dɛɛ chwe, hale dɛ́ teŋni a nafikokore dɛɛ ta.

Matiu 23:5

Ba we-ɛɛla bwa la, nɛraa baa nyin kɛ bá na ba dɛɛ tɛɛ ba duure. Gɛ nɛra yon chwerɛ Korowii wobol dɛ kpɔ vɔwɛ ba tili ne ba vaama ta la, hé na ɡɛ ba te kwaa yon do paɡri. Hé na ɡɛ ba batakaani nyoo jɔɔra aa dɛ do jaŋne.

Matiu 25:13

Yeesu aa bol ɡɛ tonɛ la, o berɛ ŋɔ, “Anomanta, hé ɡel he sie do le hɛɛ kpa, dɛkalkɛ haa tɔpere la ne ɡɛ saŋ maa dɛ ba bala la jemɛ.”

Matiu 25:7

Bitoli fi la bwa ir doromi ta, dɛ kwaa ba kandere.

We-ɛɛla 18:23

Waa soɡe bela tama la, o le bela dɛ valɛ Galaasia harɛ ne Frejea harɛ bwɛɛre ta, dɛɛ ja nɛra baa dɛ teŋɛ Yeesu nɛɛ dɛ do bela la, dɛɛ do ba ɡbemba.

Mmarare 3:28

Kpɔ waa la do Josua nɔn ta dɛ́ doo ɡbemba ó dɔ bokpeɡa, dɛkalkɛ onee dɛ́ tɔ nɛra nɔ sie dɛ́ kpɔ ba le nee la baŋ, bá ka lɛ harɛ la haa dɛ ba o nae la dɛ́ so o ta.’

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Wepila 2:4

Kɛ he webeŋkpoŋ maa dɔa laanee kɛŋɔ, nyina he fa aa dɛ nyin mɛ loɡla la ta ɡɛ doe kpa.

Wepila 3:1

Tɔn nɔ dɛ kaa nyundua torome waa cheɡa tɛ asɔre tena baa lɔ Saades la be. “Men maa dɔ Korowii Domare anuanɛ ne weweela anuanɛ la ŋɔ, N jemɛ he we-ɛɛla. Nɛra jemɔ kɛŋɔ he soɡe le bokpeɡa ta, kɛ he sewɔ. He kpeɡri haa dɔa dɛɛ teŋɛ n nɛɛ la nyoa dɛ sɔɔh.

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.