Wepila 3:19 - mzwDBL

¹⁹ Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

Wepila 3:19 ပူးပေါင်းရင်းမြစ်များ

2 Samoɛl 7:14

Mɛɛ ɛ o mɛɛ, ásɛ o ɛ n bie. O ɛ wechɔɡa aa, mɛɛ tɛr o deŋnee kɛŋɔ mɛɛ yon dɛɛ tɛr o bie deŋne o wechɔɡa waa la.

Job Tɔn 5:17

Nomɛlbwa Korowii aa dɛ kaoh la na som, anomanta, dɛ Korowii Waa Ɛ Kpeɡri Bwa Dɔɔ la dɛ toɡre naa, bɛ an wesale lii.

Yela 39:11

He bol wa bandia ne, dɛ kpɔ dɛɛ tɛr ya deŋne, ya wechɔɡa wa, ɡɛ dudul yon di kon dɛ chɔɡo la, ɡɛɛ he chɔɡ ya kondɔɔh, nɛwɛnyini bɛlbwa do kɛŋɔ peu ken.

Yela 6:1

N Naa Korowii, bɛ ɡel he baah di hé pwaah mɛ, bɛ ɡel he baah di kohona hé tɛr n deŋne.

Yela 69:9

He Dea la waa swɛɛ n siwi taeh, chɛɡa baa dɛ chɛɡre bwa ɡe dawɛ n nɛ.

Yela 94:10

Korowii waa dɛ kah nɛra la aa won tɛr ba deŋne aa? Nɛn waa dɛ baɡle nɛra waa la, o nya liire kɛɛ?

Sɛɡla 15:10

He laa sie kpɔ wedɛɛɡa ta naa, he dɛ dɔ deŋnetɛra kohona, he kii kɛ ba bol waa baɡle naa, sewee hɛɛ dɔ.

Sɛɡla 15:32

Nomɛlbwa waa wola jae no la ta o nyu, kɛ nɛn waa dɛ no jae la, o dɛ no waa mun.

Sɛɡla 22:15

Gɛnewa lɔ bechala bɛlbwa bambile ta, kɛ dɛ he kpɔ chweema toɡro waa, o dɛ jemɛ wa.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

Jeremia 30:11

Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”

Jeremia 31:18

N no n nɛra Israel tena suna wii baa dɛ wi, ‘N Naa Korowii, ya do kɛŋɔ kondɛɛre waa kpaŋa ken, kɛ he baɡle yaa ŋɔ yaa teŋɛ he waa ta. Berɛ lawɛ yaa ba he be, ya dɛ kpa kɛ he berɛ lawɛ yaa ba he be, dɛkalkɛ henee Korowii yaa dɛ tomɛ.

Jeremia 7:28

Anomanta, ŋɔ ba be ŋɔ, ba harɛ nɛra aa men Korowii baa dɛ tom mɛ waa ta teŋɛ kɛɛ dɛ hweli waa ane le ba deŋnetɛra ta. Kasinteŋ toole kpa. Baa a waa bol kpa kwara.

Sefania 3:2

O nɛra ta Korowii be noɛ, ba ta sɛɛh dɛ teŋɛ toɡra waa toɡ ba la ta. Ba ta ba te kpɔe dawɛ Korowii nɛ, kɛɛ dɛ soŋe chae le o be.

Matiu 25:7

Bitoli fi la bwa ir doromi ta, dɛ kwaa ba kandere.

Amanesoma Jɔn Aa Chwera Tɔn 2:17

Bela la, o habɔteŋra la liiro kɛŋɔ ba chwerɛ Korowii Tɔn bini bobɛl kɛŋɔ, “Korowii Dea waa swɛɛ n siwi taeh” la.

Tɔn Pɔɔl Aa Chwerɛ Rom Tena 12:11

Hé laa bɔhwaah kpɔ he waa bini, dɛ́ do ɡbemba dɛɛ tomɛ ya Dɔɔ Yeesu Kristo.

1 Kɔrent 11:32

Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.

2 Kɔrent 6:9

Baa yaa komɛlbwa yerɛ, kɛ nɛra bwa ɡe jemɛ yaa. A fe chɛ kɛ ya sewɛ, kɛ yan soɡe le la. Ba ɛ yaa hɔhɔrɔwa, kɛ ba ta yaa kpoe.

2 Kɔrent 7:11

Tebinichɔɡ Korowii aa dɛ nyin he dɔ laanee he dɔ la. Hé na waa aa lea tɛ heya. Hé na ɡɛ haa dɛ takapɔ, asɛ he siwi swɛɛ hɛɛ nyin he baɡle kɛ he ta wechɔɡa ɛɛ. Hé na ɡɛ he bwaawee aa ir wechɔɡa ta, hé na ɡɛ haa dɛ ɔmɛ. A ɡelɔ he pɛla lawɛ yaa, asɛ he siwi swɛɛ waa aa toɡra ta. A ɡelɔ he siwi swɛɛ nɛra baa wola wedɛɛɡa ɛɛ nɛɛ he tɛr ba deŋne. He wono baɡle kɛ he ta wechɔɡa bɛlbwa ɛɛ waa la ta.

Galaasia 4:18

Nɛn waa nyina wer te, kɛ waa aa che a ta ásɛ nɛn ɛɛ nyin o dɔŋ waa la, a taa kasinteŋ do. A ɡɛ waa nɔ ɛ kasinteŋ saŋ bɛlbwa. N lɔ he be noo, a ɛ kasinteŋ, n toole he be noo, a ɛ kasinteŋ.

Mmarare 8:5

Hé jemɛ kɛŋɔ, ɡɛ nɛwɛnyini aa dɛ tɛr o bie deŋne la, ɡɛɛ Korowii haa dɛ tomɔ ɡe ɛɛ ɛ heya.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Wepila 2:5

Anomanta, hɛ́ɛ lii ɡɛ he fa aa doa wubwa la, dɛ́ charɛ he liire, dɛ́ berɛ ka kpɔ he loɡla we-ɛɛla la ja. Gɛ laa aa, mɛɛ ba he bee dɛ́ ba laa he kandea daa la kpɔ le o buɡ ta.