Wepila 3:17 - mzwDBL

¹⁷ He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.

Wepila 3:17 ပူးပေါင်းရင်းမြစ်များ

Mumpar 3:7

Baa dia tonɛ la, buɡ la ta, ba bwa sie pilo, ba na kɛŋɔ ba cheɡɛ mumɡbal. Anomanta, ba nyin ɔɡ papooni dɛ nyara dɛ kpɔ li.

Kaala 32:35

Gɛɛ a do Korowii kpɔ weechɔɡa ba ta Israel tena la nɛ, suuɡaswɛm nabale Arɔn aa kwaara baa tomɔ la wa.

Sɛɡla 13:7

Nɛra bane dɛ ɛ ba te kɛ dɔɔhna, kɛ dɛ komɛlbwa toole ba be, bane ɡe ɛ ba te nyaara, kɛ dɛ dɔɔhnaa ban.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Aesaya 42:19

Umee nyoŋa kohona kɛŋɔ n bonɔɔ nɔ, kɛɛ dɛ taŋ deŋne kɛŋɔ n torome maa tomɔ wɔ? Umee nyoŋa kɛŋɔ onɔ la men Korowii aa leo tɛ n te laɔ?

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Hosia 12:8

Israel tena dɛ ɛ mbarafo dɛ ŋɔ, ‘Ya dɔ suuɡa, dɛ ɛ dɔɔhna. Ya kondɔɔh bwa habɔɔ baa wechɔɡa bɛlbwa ya nɛɛ na.’

Sekaria 11:5

Nɛra baa dɛ yawa dɛɛ kpoora la aa deŋnetɛraa dɔ. Nɛra baa dɛ yoɡa dɛ bol ŋɔ, ‘Ya dɔ suuɡa, Kórowii jam!’ Hale nɛra baa dɛ teɡa la aa a nɛɛ sune.”

Matiu 5:3

“Nɛra baa kpɔ ba te dawɛ Korowii nɛɛ kɛ nyaara la, ba na som, dɛkalkɛ banee dɛɛ ba Korowii Kora la koobii ɛɛ.

Matiu 9:12

Yeesu no waa baa pɛɛra la, dɛ chaŋ ba ŋɔ, “Weela tenaa hiah tɛɛɡa te, bokpeɡa tena laa.

Amanesoma Luk Aa Chwera Tɔn 1:53

O tɛ nyaara kondɛɛɡa ba di, dɛ doŋi dɔɔhna ba kpɔ nɔŋɡbala kaa.

Amanesoma Luk Aa Chwera Tɔn 6:24

He banɔ nɔ haa ɛ kondɔɔhna taraken la, hé bwɛɛlɛ! He silɛɛ bwaa hɛɛ na la.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

Tɔn Pɔɔl Aa Chwerɛ Rom Tena 12:3

N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

Tɔn Pɔɔl Aa Chwerɛ Rom Tena 7:24

Akwe! Bɔkwa waa na mɛ ken ɔ? Umee dɛ́ lɛɛ mɛ bwadabii nɔ waa dɛ kaa n ne seo ta nɔ nɔn ta nɔ?

2 Pita 1:9

Kɛ nomɛlbwa waa wola a ɡɛ da nɔ dɔe la, o liire do toŋɡboŋ ken. Waa waa nyiŋe dɛɛ la sie. A ɡɛ te la soɔh kɛŋɔ Korowii laa o wechɔɡa o fa aa dɛ ɛ la fee o nɛ.

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.

Wepila 3:16

Kɛ haa do ywɛlɛywɛlɛ haa wola wɔbɛ, haa wola sɔnɛ ɡe la, mɛɛ poo heyaa ta.