Wepila 22:11 - mzwDBL

¹¹ Nomɛlbwa waa dɛ ɛ wechɔɡa la, ó te ɛ dɛɛ la. Nomɛlbwa waa dɛ ɛ wedoŋa la, ó te ɛ dɛɛ la. Nomɛlbwa waa dɛ ɛ wedɛɛɡa la, wɛ́ɛ ɛ o wedɛɛɡa, ásɛ nomɛlbwa ɡe wa aa toɡra la teŋɛ dɛ́ do ɡɛ dɛɛ la.”

Wepila 22:11 ပူးပေါင်းရင်းမြစ်များ

Job Tɔn 17:9

Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.

Yela 81:12

Anomanta, n ɡel ba deŋnekpeɡ waa tɛɛ ba, ba kaa ɛ anɔ la aa too ba tea.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Wejereme 11:3

Baama biro kohona naa, anee ɡela bwaala ɛɛ nɛ harɛ ta. Daa cholo chɔ weekaŋle nyundua, kɛɛ weekaŋle harɛbɔr aa, buɡ ta bela waa chola laanee wɛɛ chɔ.

Ɛsekeɛl 3:27

Dɛ n berɔ dɛɛ ba ba bol waa he be ja aa, mɛɛ ɡeloo he won bol wa, dɛ́ bol ba be ŋɔ kenii men Nemenɛ Korowii ɛɛ bol, ‘Bɛlbwa waa no la ɛɛ noo, bɛlbwa waa wola no la ɡe aa no, dɛkalkɛ deŋnekpeɡ tenaa wubwa.’ ”

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Matiu 21:19

O na fiɡ daa bɛl cheɡa ŋwɛnɛ la nyoa dɛ fee la kɛ ó ka nyin o nɔna di. Waa laŋa la, dɛ papooni ɡboo o bwa. Anee o taah daa la ŋɔ, “He te aa wola ba he ba nɔnɛ kpa bwa!” Buɡ la ta, dɛ daa la denɔ sewɛ dɛ chure.

Matiu 25:10

Gɛ saŋ bitoli ɡɛna la aa chiɡ ŋwɛnɛ ta kaa noo la yawa la taa hanfale jaa la ba. Wejerema la aa kpɔ ba te la, ba dɔ bɔr teŋɛ hanfale jaa la nɛɛ dɛ ka di hanfale kondikwaa la. Baa joa tonɛ la, dem te den laa ɡbera la tɔ.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Matiu 5:6

Nɛra ba sie aa beɡre waa aa toɡra dɛɛ su Korowii siwi la, ba na som, dɛkalkɛ Korowii ɛɛ cha baa a ta kɛrɛdɛɛ bá dɔa ba tetoora.

Amanesoma Jɔn Aa Chwera Tɔn 8:21

Asɛ Yeesu berɛ bol waa baɡle nɛra la ja ŋɔ, “Mɛɛ ba kaaloo he ɡaaɡe dɛɛ nyin n bɔr, kɛ haa men na. He wechɔɡa taa hɛɛ ba sewa. Bela maa kaa la, haa won ba bela.”

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

Kolosi 1:22

Kɛ name Yeesu Kristo aa baa ɛ nɛn dɛ sewɛ la, Korowii cheɡɛ o seo la ta dɛ kwaa he ne o baah, dɛ ɡel he won do kaih doŋa bɛlbwa aa wola toole he nɛ, nomɛlbwa aa wola he waa dɔe ba dɛ bol awola haa ba che Korowii sie la.

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Wepila 16:21

Tombwejena le nyundua dɛ do tɔɡre kɛŋɔ paanoo men bɔɡtɔ del dɛ ba lee nɛra nɛɛ dɛ a ɔma. Asɛ nɛra koh a waa dɛ chɛɡre Korowii.

Wepila 22:3

Komɛlbwa Korowii aa taahno la aa bwɛɛ la taa do. Korowii ne Pebie la kookara la chebɔree bela, ásɛ o bonɔɔna ne toli ɛɛ tomɔ,