Wepila 21:8 - mzwDBL

⁸ Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 21:8 ပူးပေါင်းရင်းမြစ်များ

Sɛɡla 19:5

He di dansewea aa, he dɛ dɔ deŋnetɛra, ɡɛɛ nyosonteŋni ɡe aa wola o bwara kpɔe kaa di.

Sɛɡla 19:9

Dansewea te dɛ́ dɔ deŋnetɛra, ɡɛɛ nyosonteŋni ɡe ɛɛ sewɛ.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Matiu 25:25

Anomanta, n ɔmɔ dɛ kpɔ suuɡa haa tɛ mɛ la ka huɡe harɛ. Anee la.’

Matiu 8:26

Anee Yeesu ŋɔ, “Oo! Ɛrɛɛ hɛɛ ɔmɛ kohona ɡɛ nɔɔ? Haa men yarada kwaraa!” Asɛ o den ir, dɛ kɔr peujen la ne nehɛma la ŋɔ á ɡel ɡɛ. Waa bol ɡɛ la, dɛ bɔr denɔ hel kerkerker ken.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Mmarare 20:8

Sitɔɔla la teŋɛ dɛ bol ja ŋɔ, ‘Hé bini bɛlbwa o bwara aa yɔra wɛɛ ɔmɛ la, kaa dem dɛ bɛ ba kpɔ maah o bala.’

2 Tesalonika 2:9

Gɛ saŋ waa ba mɔɔ Yeesu ba kpoo la, Bɔnsam ɛɛ do o nɛɛ dɛɛ chao kɛrɛdɛ o won dɔ kpeɡri kohona, dɛ́ won dɛɛ ɛ nyokpowaa ne wejena, dɛɛ neɡre nɛra kɛŋɔ Korowiirii tɛo kpeɡri ken,

1 Timoti 4:2

Nɛra baa kpɔ nyosone dɛɛ neɡre nɛra laanee kpɔ ɡɛ neɡra webaɡla la ɛɛ baɡle nɛra. Ba liire chɔɡɔ. Nɛra neɡra ne wechɔɡa man ba kɛŋɔ nɛn baa kpɔ buniwɔb chɔɡro a mano waa wola konwɔb ɔmɛ kpa la.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

1 Jɔn 2:22

Amɔ umee ɛ nyosonteŋni ɔ? Nyosonteŋnii naate waa ŋɔa Yeesu laa Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la. A ɡɛ nɛn la, onee Yeesu Kristo dɔm tenten. Onee vɛh ya Mɛɛ waa lɔ nyundua ne o Bie bwa.

1 Jɔn 3:15

Nomɛlbwa waa hah o dɔŋ la do kɛŋɔ nɛn waa dɛ kpoo nɛra ken. He jemɔ kɛŋɔ nomɛlbwa ɡe waa dɛ kpoo nɛra la ta Korowii mkpa aa wola jaɡa dɔe la dɔe.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.

Wepila 14:10

onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie,

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

Wepila 2:11

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, seo nɛɛte la aa won ɛo wobɛlbwa.”

Wepila 2:2

N jemɛ he toma haa ɛa, ne he koeh, ne he bambile haa lawa, dɛ jemɛ kɛŋɔ haa nɛnchɔɡa waa nyin. He fa kari nɛra ba fa aa dɛ yerɛ ba te n toroma la, dɛ na kɛŋɔ ba ta n toroma ɛɛ, dɛ na kɛŋɔ ba ɛ nyosonteŋna.

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Wepila 9:17

N na jaɡre la kɛ chaahna ken, a dɔɔranar so a ta, dɛ do laa batakaare bune aa dɛ bɔle bambile la, asɛ a swɛɛ kɛŋɔ chal, ane do kɛŋɔ burum, asɛ ane ɡe kɔl kɛŋɔ solmen. Asɛ jaɡre la nyuune do kɛŋɔ nyujentena nyuune. Asɛ nii ne chuu ne jebɔrɔwe ninlao ɛɛ le a nyoo.

Wepila 9:21

Ba ta ba liire charɛ ba nɛŋkpoa ne sɔm we-ɛɛla ne jwamane ne ŋwɛɛ ta.

Sitɔɔla 7:3

bol ba be kɛŋɔ nómɛlbwa waa dɛ ɔmɛ la le Gelead bwe nɔ ta dɛ berɛ kaa dem.” Anomanta, laa tena kaɡboŋa fifraanɛ dɛ banɛ laa berɛ kaa, asɛ a ka kaɡboŋa fi.