Wepila 21:6 - mzwDBL

⁶ Asɛ dɛ ŋɔ, “A tonɔ! Menee komɛlbwa Sitɔɔ ne a Muŋkaa, menee wobɛlbwa Mumpar ne a Jaɡa. Dɛ nomɛlbwa dɛ wi nyɔɡre aa, mɛɛ ɡeloo o la bela mkpa nee aa bula dɛɛ le, dɛ́ ka nyɔ ane pɛɛpɛɛ.

Wepila 21:6 ပူးပေါင်းရင်းမြစ်များ

Yela 36:9

He nɛɛ ya che dɛɛ dɔ mkpa, he nii laanee ɡela bɔr chaah yaa na.

Aesaya 12:3

Gɛ nyɔɡre dɛ kpo nɛn o dɔ kɔlɔŋ nee nyɔ, o sie lɛ la, ɡɛɛ dɛ Korowii lɛ nɛra aa, ba sie ɛɛ lɛ.

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Hosia 14:4

Korowii ŋɔ, “Mɛɛ berɔ lawɛ n nɛra ba n be, dɛ́ nyin ba waa n bambile bwa ne, dɛkalkɛ n bandia toole ba nɛɛ kpa.

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

Amanesoma Jɔn Aa Chwera Tɔn 4:11

Belaa haah la ŋɔ, “Nomoa, bule nɔ aa luŋa, asɛ haa wola kon baa kpɔa dɛɛ ta kɔlɔŋ dɔe nɔ, lee hɛɛ ba a ɡɛ nee aa dɛ tɛ mkpa nɔ dɔe yɔ?

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Tɔn Pɔɔl Aa Chwerɛ Rom Tena 3:24

Yeesu Kristo yawɛ yaa o chal ne. A waa ya wa ɛɛ su Korowii siwi. O nɛn sum nae kohona waa o ɛ ɡɛ tɛ yaa pɛɛpɛɛ la.

Tɔn Pɔɔl Aa Chwerɛ Rom Tena 8:32

Nɛn waa wola yaa o Bie kwaraa vɔmɛ, dɛ koh ya bwa waa kpɔɔ do nɛwɛnyina nɔn ta ba kpoo la, bɔkwaa bala waa wola tea ta dɛ́ tɛ yaa komɛlbwa dɛ ja o Bie la nɛɔ?

1 Kɔrent 2:12

Ya te, liire yaa dɔa ta harɛ nɔ ta liire ɛɛ. Korowiirii kpɔa tɛ yaa. O kpɔ o Domadɛɛɡe tɛ yaa o do ya nɛ. Anee ɡela ya jemɛ kwaa waa tɛ yaa la.

1 Kɔrent 3:12

A do kɛŋɔ bane aa kpɔ suuɡaswɛm, bane kpɔ suuɡapoŋa, bane kpɔ bwedɛɛɡa, dɛ ma chɔŋɛ dea la mumpar la ta, asɛ bane ɡe kpɔ daa ne kpɔɡa ne jaaɡe sɛɛh dɛ ma chɔŋɛ.

1 Kɔrent 3:21

Anomanta, he bɛ bane kpɔ dɛɛ ta nyoa. Komɛlbwa chɔ le dɛ tɛ heya.

1 Kɔrent 3:5

Bamewaa Apolos ne Pɔɔl hɛɛ maŋkura ba ɡɛ nɔɔ? Tom-ɛɛra ɡboo yaa. Korowiirii tomɛ yaa he be, ásɛ he no Yeesu waa dɛ́ yaradaa dɛ́ kpɔ he te tɛo. Toma Korowii aa kpɔa tɛ ya bini bɛlbwa laanee yaa ɛ.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Wepila 10:6

dɛ ŋwɛɛ Korowii waa lole saŋ bɛlbwa dɛ ta nyundua ne harɛ ne kwa aa lɔ a ta bwa, dɛ ta mpo ne kwa aa lɔ o ɡe ta la, dɛ ŋɔ, “Aa biɡri kpa.

Wepila 16:17

Asɛ nyundua torome waa teŋa nuanɛ la ɡe fuɡe o kwaa do peu ta. N no takpeɡ bɛl le kookara la te be Korowii Dea bela, o ŋɔ, “A tonɔ.”

Wepila 22:13

Menee komɛlbwa Sitɔɔ, menee a Muŋkaa. Menee wobɛlbwa Mumpar ne a Jaɡa.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Wepila 3:14

Tɔn nɔ dɛ kaa nyundua torome waa cheɡa tɛ asɔre tena baa lɔ Laodisia la be. “Kenii men maa ɛ Aamen, dɛ che tɛ Korowii, n waa dɔ kasinteŋ, Korowii che n nɛɛ ta komɛlbwa la ŋɔ,

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”