Wepila 21:27 - mzwDBL

²⁷ Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.

Wepila 21:27 ပူးပေါင်းရင်းမြစ်များ

Yela 101:8

Mɛɛ dɛɛ kpoo nɛra ba nyu bini aa kpeɡa harɛ nɔ ta tɔpere bɛlbwaa. Mɛɛ doŋi wechɔɡ-ɛɛra bwaa le Korowii bwɛjen nɔ taa.

Kaala 32:32

Kɛ taraken, n dɛ soŋe kɛ he kpɔ ba wechɔɡa kɛ ba, dɛ a laa ɡe aa, he fee n sɔn le tɔn haa chwerɛ he nɛra sɔna do o bini la ta.”

Aesaya 35:8

Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Ɛsekeɛl 44:9

Anomanta, men Nemenɛ Korowii ŋɔ nɛŋhɔɔhra baa wola ba pena teŋe, baa wola men duu, ta chɛ kɛŋɔ bá jo n Dea la bini, hale nɛŋhɔɔhra baa soɡe he Israel tena bini.’ ”

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Lewi Dea Tena 13:46

Weela la taa lɔ o nɛɛ nɔ, ɡɛɛ doŋa ɡe ɛɛ ba o nɛɛ doe. A chɛ kɛ ó le nɛra bini, dɛ́ ɡbo ka so bela baa soɡa la dahara.

Sekaria 14:21

Vii bɛlbwa waa lɔ Jerusalam ne Juda ɛɛ do ɡoroŋee tɛ Koranar Bwa Kooro, ásɛ nɛra baa ba ɛ saraha la kpɔ viine la daa ba saraha kwa. Keenan tena bonadiire bɛlbwa aa Koranar Bwa Kooro Dea belaa do awola tɔpere.

Nɛra Kura 12:15

Anomanta, ba le Miriam ne, dɛ ɡel o so dahara tɔpera anuanɛ mɔɔ dɛ berɛ ba o ne. Israel tena la ta ire le bela ka tel kɛŋɔ baa ba o ne mɔɔ.

Nɛra Kura 5:3

Haahna ne baala bwa baa do ɡɛ la, bá le ba ne dahara, ásɛ ba bɛ doŋa ba kpɔ kah bela haa soɡa n do he baah ta la.”

Matiu 13:41

Men Nɛn Bie la ɛɛ tomɛ n nyundua toromaa ba n kora nɔ ta, bá ba kpɔ nomɛlbwa waa dɛ do nɛra wechɔɡa ta ne wechɔɡ-ɛɛra bwa,

Amanesoma Mak Aa Chwera Tɔn 7:2

Farisii tena la ne ba dɔŋa Juu tena la bwa ta ba nɔɔra samɛ ŋwɛnɛ saŋ la tena la aa baɡla la ta naa, baa kwaa di, dɛkalkɛŋɔ ba kii.

Amanesoma Luk Aa Chwera Tɔn 10:20

He bɛ ɡel a do he som kɛŋɔ kwaa aa dɛ ir nɛra nɛɛ aa no he wobol nɔ. Waa aa chɛ kɛ hé koh a waa dɛ́ ɡel he sie lɛ laanee kɛŋɔ bá chwerɛ he sɔna nyundua ja Korowii bii nɛ.”

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

2 Pita 3:13

Ya dɛ nyiŋi nyoa Korowii aa baɡa la ŋwɛnɛ. Anee kɛŋɔ wɛɛ ta nyundua onfale ne harɛfalee. Belaa wedɛɛɡa ɛɛ ba doe.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.