Wepila 21:12 - mzwDBL

¹² Danjwɛjen bɛl waa kpeɡa kohona baro cheme. O doonyoone lɔ fi dɛ anɛ, asɛ nyundua toroma fi dɛ banɛ ɡe cheche a ta. Ba chwerɛ Israel deene fi dɛ anɛ la sɔna dawɛ doonyoone la ta.

Wepila 21:12 ပူးပေါင်းရင်းမြစ်များ

2 Webena 9:19

Ba ɛ nyujentena fi dɛ anɛ chɔŋre kwaa waa cheɡɛ a ta teeh kaa so kookara la ta. Ba ta ɡɛ kookara nɔ dɔŋ bɛlbwa ɛɛ ken tɛ koojen bɛlbwa harɛ nɔ ta bwa.

Ɛsra 9:9

Dɛ ya ɛ yoma, kɛ hen Korowii yaa dɛ tomɛ ta yaa ɡelɛ ya wenaale ta. He baɡle he nyina ya nɛɛ Pɛɛsea harɛ koojena sie. He tɛ yaa mkpafale ya berɛ won kwaa ma hen Korowii yaa dɛ tomɛ Dea waa kuuɡa la, asɛ dɛ tɔ yaa ɡbemɡbe, dɛ ɡel ya dɔ deŋnesɔɔhna Juda harɛ ne Jerusalam bwɛdaa ta.

Nehemia 12:27

Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

Yela 122:7

Kórowii ɡel deŋnesɔɔhna do Jerusalam baa ma danjwɛjen baro, ne o kooderemi bwa ta.”

Yela 51:18

N Naa Korowii, sune Saayɔn tena nɛ, dɛ́ cha ba, kwaa ma Jerusalam danjwɛɛ waa kuuɡa la.

Kaala 28:21

A bwa ɛ bwea fi dɛ anɛ, beŋkpoŋ che tɛ Jekɔb bibaala la bɛlbwa. Ɛ bɛlbwa sɔn dawɛ ó che tɛ o dea.

Aesaya 54:12

Mɛɛ kpɔ bwedɛɛɡa a yoɡ aa kpeɡa bwa soo siwi baa yera rubii ma he dejaŋa. He doonyoo ɡberjena ne danjwɛɛre ɡe, anɔ la aa dɛ nyɛɡle ne anɔ la aa jaa bwa nee mɛɛ ba a ɛɛ.

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

Amanesoma Luk Aa Chwera Tɔn 15:10

Kasinteŋ, ɡɛɛ aa ba Korowii doa ɡe doe. Wechɔɡ-ɛɛ beŋkpoŋ charɛ o liire dɛ le o wechɔɡa ta naa, Korowii ne o nyundua toroma sie ɛɛ lɛ o nɛɛ taeh.”

Amanesoma Luk Aa Chwera Tɔn 16:22

Nyaa la baa sewɛ, asɛ nyundua toroma ba kpɔɔ kaa nyundua o ka so Abraham be. Suuɡate la ɡe baa sewɛ, asɛ ba huɡo,

We-ɛɛla 26:7

Ya Juu tena deene fi dɛ anɛ tena la bwaa dɛɛ yarada Korowii kɛŋɔ wɛɛ ɛ ɡɛ waa baɡɛ yaa nyoa laanee, dɛ koh a waa dɛɛ tomɔ sibeɡra ne chɔɔ ne jwaana bwa. N Naa kooro, webeŋkpoŋ nɔ ya bwa aa dɛ hwɛɡɛ o ta nɔ, onee ba kpɔ dawɛ n nɛɛ ŋɔ n ɛ wechɔɡa la. Na nɔ!

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Wepila 21:13

O doonyoone la, atoro lɔ wee leebɔr, atoro do weekaŋle nyunduabɔr, atoro do wee cholibɔr, asɛ atoro ɡe do weekaŋle harɛbɔr.

Wepila 21:15

Nyundua torome waa bol waa n be la kpoŋe suuɡaswɛm daa baa dɛ maɡɛ o ne kwa, dɛɛ ba bwɛɛ la ne o doonyoone dɛ danjwɛɛ la maɡa.

Wepila 21:25

O doonyoone yao che, aa wola tɔ saŋ bɛlbwa, dɛkalkɛ bɔr aa bela jo.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.