Wepila 21:11 - mzwDBL

¹¹ Dɛ Korowii jirima ɡelɔ o bwa ɛɛ nyɛɡle kɛŋɔ bwedɛɛɡe baa dɛ yerɔ jasepa o do wer kohona dɛ do ɡereŋ la.

Wepila 21:11 ပူးပေါင်းရင်းမြစ်များ

Job Tɔn 28:17

Haa won kpɔ suuɡaswɛm kɛɛ diɡi maɡɔ, haa won kpɔ suuɡaswɛm koŋkwaare charɔ.

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Ɛsekeɛl 1:22

N na komɛl aa bɔle hweera kwa la nyundua dɛ do ɔma kohona, dɛɛ nyɛɡle kɛŋɔ dombwea ken.

Ɛsekeɛl 1:26

Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Ɛsekeɛl 28:16

He sie fa beɡrɔ hɛɛ di bona, a che a ta he ɛ naɡrenyini, dɛ ɛ wechɔɡa. Asɛ n doŋi le n bwejen waa do ɡoroŋ la ta, dɛ ɡel Kerob la waa dɛ daahne la le he ne bwea aa dɛ nyɛɡle la baah ta.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Ɛsekeɛl 48:35

Harɛ la bwa jaŋne dɛ bar la ɛɛ ɛ naɡale kaɡboŋa fifraanɛ dɛ anuanɛɛ. Dɛ le awola dɛ kaa la, baa yerɛ bwɛjen la, ‘korowii lɔ bela.’ ”

Wepila 15:8

Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

Wepila 4:3

Naate waa soɡe o ta la dɛ nyɛɡle al-al kɛŋɔ bwedɛɛɡa answɛɛma aa dɛ nyɛɡle. Dɛ bwaala deŋɡare bɛl bar o kookara la, dɛ do kɛŋɔ bwelwɛɛne ane aa dɛ nyɛɡle.

Wepila 4:6

Kookara la sie la ɛo kɛ mpo aa chɔa dɛ do ɡereŋ kɛ diɡi ken. Hweera kwaa anaarɛ ane aa dɔ kena cheɡɔ bar kookara la, bɛlbwa cheɡɛ o bampera beŋkpoŋ ta. A dɔ sibie a siini bobɛlbwa ne a habɔɔne bobɛlbwa.