Tɔ aa pera chɔmbibi la, Korowii keame Elaesa bonɔɔ iro dɛɛ le buse dɛ na kɛŋɔ, laa tena kpɔ jaɡre dɛ kwaa aa do kɛ torɔɡore bar bwɛjen la cheme. Anee o ka ŋɔ o dɔɔ be ŋɔ, “N dɔɔ, akwe! Ya na wa. Ɛrɛɛ yaa ba ɛɛ yɔ?”
Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.
Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.
Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.
Weechɔɡa ne nɛŋkpoaa mɛɛ ba kpɔe ba tɛr ba deŋne. Bwaalajen ɛɛ nɛo kohona, ásɛ dombwea ne jebɔrɔwe nii lee nomonjen Gɔɡ ne o laa tena, dɛ harɛre laa tena baa ja o nɛɛ bwa nɛ.
Korowiirii dɛ́ pili ŋwɛnɛ tɛɛ ba dɛ́ le bojaŋ harɛfale baa kaa bane la ta. Baa kuuɡi bwɛjen la doonyojena laanee dɛ́ le kaa. Korowii waa ɛ ba kooro laanee dɛ́ tɔ ba sie.
N dɛ ba Babelɔn tena baa do ɔma, ba sie ɡe do kpeɡri, kpeɡri tɛɛ, ásɛ ba laa tena wur kaa harɛ nɔ ta bobɛlbwa, dɛ́ ka yo nɛra dɛ́ lɛ ba sobɔra aa wola ba kwaa ɛɛ bwa dɔɔh.
A kaa ba kɛŋɔ Israel tena la dɛ naɡre ba wenaale wa, asɛ a chole Korowii deŋne ta. Waa noa la, bwaawee lawɔ, o ɡel nii le bela baa soɡa la, dɛ chɔɡ o baŋ bɛl.
A munii kɛŋɔ Korowii haa dɛ tomɔ nɔ lɔ he baah ta dɛɛ nyiŋi he nɛ, dɛ́ ɡel he pɔ he dɔma nɛ. Anomanta, hé ɡel bela haa cheme la do ɡoroŋ, ásɛ Korowii bɛ doŋa bɛlbwa he nɛɛ na, dɛ ba berɛ habɔɔ kpo heya.”
Dɛ ba dɔm bɛlbwa ŋɔ o ɛɛ ba wechɔɡa aa, nii ɛɛ le Korowii danseɛ tena la nyooree, dɛ́ kpo naate. A ɡɛ seo nɔɔ nomɛlbwa waa ŋɔ ó ɛɛ ba wechɔɡa la ɛɛ ba sewa.