Wepila 2:5 - mzwDBL

⁵ Anomanta, hɛ́ɛ lii ɡɛ he fa aa doa wubwa la, dɛ́ charɛ he liire, dɛ́ berɛ ka kpɔ he loɡla we-ɛɛla la ja. Gɛ laa aa, mɛɛ ba he bee dɛ́ ba laa he kandea daa la kpɔ le o buɡ ta.

Wepila 2:5 ပူးပေါင်းရင်းမြစ်များ

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

Wepila 2:16

Anomanta, hé charɛ he liire, dɛ́ le he wechɔɡa ta. Dɛ ɡɛ laa aa, mɛɛ ba he be waranee, dɛ́ ba kpɔ tokobii la waa lɔ n nyoa la, dɛ́ yo he banɔ la haa dɛ teŋɛ Nikolai tena webaɡla la ta la.

Hosia 14:1

Israel tena, hé berɛ ba Korowii haa dɛ tomɔ be. He wechɔɡa ɡelɔ he choɡli!

Wepila 2:19

N jemɛ he we-ɛɛla ne he nɛnnyin wa, ne he Korowii yaradae, ne chae haa dɛ cha dɔŋa, ne he bambile haa dɛ lawɛ wobɛlbwa ta, dɛ jemɛ kɛŋɔ he taraken we-ɛɛla wer ɡwaa he loɡla kwaa la.

Wepila 1:20

Weweela anuanɛ haa naa a do n nɔndiɡ ta la, ne suuɡaswɛm kandea daa anuanɛ la, n dɛ baɡle a mun dɛ tɛɛ. Weweela anuanɛ la ɛ nyundua toroma baa cheɡa tɛ asɔrere bele anuanɛ aa lɔ bwɛɛre anuanɛ la ta la. Kandea daa anuanɛ la ɡe cheɡɔ tɛ asɔrere anuanɛ la.”

Ɛsekeɛl 20:43

Belaa hɛɛ ba we-ɛɛla ne liire aa ɡela he kpɔ he te kah doŋa la nae, ásɛ he hah he ɡbaɡba kɛŋɔ haa ɛ a ɡɛ wedoŋa nɔ la.

Amanesoma Luk Aa Chwera Tɔn 1:17

Wɛɛ dɔ Korowii Domadɛɛɡe ne kpeɡrii kɛŋɔ Korowii keame Elaeja ken, dɛ́ tɔ ya Dɔɔ sie, dɛ́ ɡel eehnanar ne ba bii nyoa pɛ, dɛ́ berɛ deŋnekpeɡ tena liire ba nɛra ba wa aa dɛ su Korowii siwi ŋwɛnɛ ta. Gɛɛ wɛɛ ba ɛɛ dɛ́ nyin nɛra cheɡ ya Dɔɔ, ásɛ o balaa, ba won lɛo dɛ́ tomɔ.”

Malakae 4:6

Wɛɛ berɔ ɡel nyopɛo ba mɛɛnanar ne ba bii baah ta, dɛ ɡɛ laa tenaa, mɛɛ ba taah harɛ laanee ó chɔɡ.”

Aesaya 1:26

Mɛɛ berɔ ɡel he dɔ nɛra baa bol he waa dɛɛ pa bole, ne nɛra baa dɛɛ ja heyaa kɛŋɔ he fa aa dɔɔ ba wubwa la. Ásɛ mɔɔ bá berɛ yerɛ heyaa Kasinteŋ Diile bwɛ, Nɛndɛɛɡa bwɛ.”

Amanesoma Luk Aa Chwera Tɔn 20:16

Wɛɛ ba kpoo a ɡɛ nɛra laanee, dɛ́ kpɔ koo la do nɛnfala nɔn ta.” Nɛra la aa no ɡɛ la, ba ŋɔ, “Korowii ɛɛ la a ne bojaŋ!”

Amanesoma Mak Aa Chwera Tɔn 12:9

Asɛ Yeesu bɔɔ ba ŋɔ, “Ɛrɛɛ hɛɛ lii kɛŋɔ a ɡɛ koo te nɔ ɛɛ ɛɔ wɔ? Wɛɛ ba kpoo a ɡɛ nɛra laanee, dɛ́ kpɔ koo la do nɛnfala nɔn ta.

Ɛsekeɛl 36:31

Belaa hɛ́ɛ ba he wechɔɡa ŋwɛnɛre ne he nyubinikpeɡ we-ɛɛla bwa liira, ásɛ he baah di he ɡbaɡba nɛɛ wechɔɡa ne kii waa haa ɛa la.

Wepila 2:2

N jemɛ he toma haa ɛa, ne he koeh, ne he bambile haa lawa, dɛ jemɛ kɛŋɔ haa nɛnchɔɡa waa nyin. He fa kari nɛra ba fa aa dɛ yerɛ ba te n toroma la, dɛ na kɛŋɔ ba ta n toroma ɛɛ, dɛ na kɛŋɔ ba ɛ nyosonteŋna.

Galaasia 5:4

He banɔ la haa dɛ nyin he che Mosis Mmara ta teŋa ta ásɛ dɛ ɛ nɛndɛɛɡa he waa su Korowii siwi la, he pere he te le Yeesu Kristo be. He ta nɛra Korowii aa sune ba nɛɛ la nɛɛ jae.

Malakae 3:4

mɔɔ Korowii sie lɛ dɛ́ lɛ Juda ne bwɛjen Jerusalam nɛra saraha kwaa baa kpɔ baa tɛo la, ɡɛ a fa aa doa saŋ la.

Aesaya 14:12

Babelɔn kooro, na ɡɛ haa le nyundua ba le harɛ. Chɔmbibi wewee, chɔmbibi bonɔɔ! Ba taɡɛ ta harɛ, nɛn he fa aa pɔ harɛre nɛ!

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Hibru 10:32

Hé lii ɡɛ he fa aa doa ɡɛ saŋ Korowii waa la aa chaah he sie la. He na wahala ɡa, kɛ he ta habɔɔ leɛ.

Hosia 9:10

Korowii ŋɔ, “Gɛ saŋ maa na he Israel tena la, n sie lɛo kɛŋɔ maa na ɡrepo nɔna pua hɛŋle ɡbo harɛ ta ken. Maa na he naawa la, a do kɛŋɔ maa na fiɡ nɔnloɡle waa swɛɛra ken. Kɛ baa bera ka tomɛ voɡ Baal Bwejen Peɔ la, ba waa doŋo kɛ voɡ la ken.

Wepila 16:9

dɛɛ nyaa nɛra, dɛkalkɛŋɔ o nyɛɡre taeh, asɛ baa bol Korowii waa dɔ kpeɡri hɔhɔrɔwa la nɛɛ nɛnhɛlwa. Ba ta ba liire charɛ dɛ le ba wechɔɡa ta. Ba ta on jirima tɛɛ.

Matiu 5:14

He do kɛŋɔ nii waa dɛ chaah bɔr nɛwɛnyina bwa bini. Bwɛjen waa dawɛ deŋɡare doa la aa won sɔh.

Matiu 5:15

Nomɛlbwa aa kandea choŋi dɛ́ kpɔ kon dɛɛ pi o ta. Kɛ ba dɛ choŋu dɛ́ kpɔ chɔŋɛ kon ta, ásɛ o chaah tɛ nɛra baa lɔ dem bela la bwa.

Felepae 2:15

dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

2 Pita 3:17

Anomanta, n dandɛɛɡa, haa dɔa na ken nɔ, hɛ́ɛ nyiŋi kɛrɛdɛ ásɛ dɛ bɛ ba ɡel nɛra baa wola Korowii ɔmɛ ba neɡre heyaa he lɔ naa he yarada la ta, dɛ́ ba choɡli.