Wepila 2:3 - mzwDBL

³ He lawɛ bambile dɛ koh n waa dɛ na wahala, kɛ dɛ ta lawɛ a bini.

Wepila 2:3 ပူးပေါင်းရင်းမြစ်များ

Yela 37:7

Hé lawɛ bambile, dɛɛ kpa Korowii, dɛ nyubinikpeɡ tena waa wer dɛɛ tɛɛ ba aa, he bɛ ɡel a we he nɛ kɛŋɔ aa chiɡ ba kɛrɛdɛɛ.

Yela 69:7

He waa ba koh dɛɛ chɛɡ mɛ, asɛ sihiih kpo mɛ.

Maeka 7:9

Ya ɛ wechɔɡa dɛ jo Korowii nɛ, anomanta, a chɛ kɛ yá na o bandia tama mɔɔ. Wɛɛ lɛ yaa dɛ́ le chɔɡre baa kpɔa ɛ yaa la ta. Wɛɛ lawɛ yaa ba bɔchaah ta, ásɛ ya na toɡra o wa aa toɡra.

Amanesoma Mak Aa Chwera Tɔn 15:21

Baa dɛ kaa la, ba kaa na Seemɔn waa le Sairini, dɛ o le bobɛl dɛɛ ba. Ba ɛɡro o lɛ Yeesu daɡaɡre la che. Dɛ a ɡɛ Seemɔn la biirii Alɛksanda ne Rufus.

Amanesoma Luk Aa Chwera Tɔn 14:27

Nomɛlbwa waa wola won kpɔ o te tɛ, dɛ sɛh wahala nae ne seo bwa, dɛ teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la waa won ɛ n habɔteŋre.

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Amanesoma Luk Aa Chwera Tɔn 21:19

He lawɛ bambile aa, hɛɛ dɔ he nyuu.”

Amanesoma Luk Aa Chwera Tɔn 5:5

Anee Seemɔn ŋɔ, “E! N Dɔɔ, jwaana ne bwaa ya le ta asauri nɔ, ya ta komɛlbwa dɔe. Kɛ haa dɔa ŋɔ ɡɛ nɔ te naa, mɛɛ ɡeloo ya ka ta.”

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

Tɔn Pɔɔl Aa Chwerɛ Rom Tena 12:12

Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

Tɔn Pɔɔl Aa Chwerɛ Rom Tena 16:12

N dɛ na n nimambii Trefiina ne Trefosa ba bwa aa dɛ ɛ ya Dɔɔ Yeesu toma nɔ la. Hé ŋɔ n nimambie Pɛɛsis nomɛlbwa aa dɛ nyin o waa la be ŋɔ n dɛ nao. O ɡe koh ya Dɔɔ Yeesu toma nɔ ta ɡa.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 8:25

Ya te la, kon waa wola ya nɔn ta joɛ mɔɔ la, o waa yaa hwɛɡɛ. Yaa too.

1 Kɔrent 13:7

Dɛ nɛn dɛ nyin nɛn aa, wɛɛ pwɛr o tenee tɛo wobɛlbwa ta. O dɛ yaradao wobɛlbwa waa dɛ ɛ ta, dɛ dɔ hwɛɡa ne bambile wobɛlbwa ta.

1 Kɔrent 16:16

Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa.

2 Kɔrent 10:15

Yaa nyin kɛ ya ɡarɛ bela Korowii aa maɡa tɛ yaa. Toma yaa ɛa la, anee ya kpɔ dɛɛ maŋkura ya te. Toma nɛra bane aa ɛa la, yaa an kpɔe dɛɛ maŋkura ya te. Ya dɔ hwɛɡa kɛ he yarada ɛɛ kaa siee, ásɛ toma yaa dɛ ɛ he bini la ɛɛ ja dɛ kaa sie.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

2 Kɔrent 4:16

Ken nɔ nomanta, bɔhwaah aa yaa lawɛ. Tɔ aa dɛ per nɔ bwaa ya bwadabii ɡwɛɡre dɛɛ la. Kɛ ya bini te la, kpeɡrii ya yarada do dɛɛ la.

2 Kɔrent 5:9

Anomanta, ya bwadabii nɔ binii ya do oo, ya Dɔɔ bee ya do oo, ya dɛ nyin ya waa bwa won su o siwi,

2 Kɔrent 6:5

Ba dɛ lɔɔ yaa, dɛɛ do yaa deene, dɛ lɛ ɡaeh ya nɛɛ dɛɛ ɛ yaa saɡasaɡa. Ya dɛ ɛ tomkpeɡa dɛɛ koh. Tɔpebɛl yaa dom dɔe dɛɛ chɔ. Tɔpebɛl yaa kondikwaa dɔe dɛɛ di.

Galaasia 6:2

Waa pu he dɔŋ dɛ ɛ bone tɛo waa, hé chao. He dɛ ɛ ɡɛ naa, dɛ Yeesu Kristo mmara la taa hɛɛ teŋɛ la.

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

Felepae 2:16

Hé ɡel Korowii wa aa dɔ mkpa la do he bambile bini kɛrɛdɛ dɛɛ la, ń won hɛɡre he waa Yeesu Kristo bala tɔpere la ta kɛŋɔ n ta koɛh ta pɛɛ.

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

1 Tesalonika 2:9

Yabala, haa ya toma ne ya koeh la waa lii kɛɛ? Ya ɛ toma chɔɔ ne jwaana bwa, ásɛ ya bɛ he bɛlbwa koeh do ɡɛ saŋ yaa lɔ he be dɛ bol Korowii Amanesoma la dɛɛ baɡle heyaa la.

1 Tesalonika 5:12

Yabala, ya dɛ soŋe heyaa kɛŋɔ hɛ́ɛ duu nɛra baa ɛ he nomonome dɛɛ ɛ Korowii toma nɔ dɛɛ ja heyaa la.

2 Tesalonika 3:13

Yabala, hé ɛ wedɛɛɡa dɛɛ la, dɛ bɛ ŋɔ he koɔh.

2 Tesalonika 3:5

Yá Dɔɔ Yeesu Kristo cha heya, ásɛ he won jemɛ nyina Korowii aa nyin heya, ne bambile Yeesu Kristo aa lawa o hɔhɔrɔwa la bini la.

2 Tesalonika 3:8

Ya ta nomɛlbwa kondikwaa dii pɛɛpɛɛ. Ya ɛ toma chɔɔ ne jwaana dɛɛ koh kɛrɛdɛ, dɛ bɛ heyaa ha ya kondikwaa wa.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

1 Timoti 5:17

Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

Hibru 10:36

A hiaoh kɛŋɔ he lawɛ bambile dɛ́ won ɛ ɡɛ Korowii aa dɛ nyin, ásɛ dɛ won dɔ kwaa waa baɡɛ heyaa nyoa la.

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

Hibru 13:13

Anomanta, hé ɡel ya la o be dahara bela, dɛ́ ka puu di o sihiih waa dia la,

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

Hibru 6:15

Abraham ɡe wono lawɛ bambile aaa, dɛ ba dɔ kon Korowii aa baɡɔ nyoa la.

2 Pita 1:6

dɛ́ won dɛɛ lawɛ he te dɛɛ ja he wejema ta. Hɛ́ɛ lawɛ bambile dɛɛ ja he te lawa ta, dɛ kpɔ Korowii ɔma dɛɛ ja he bambile lawa ta.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

Wepila 3:10

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.