Wepila 2:26 - mzwDBL

²⁶ Naate waa won yo le, dɛ́ won ɛ n toma ɡwɛeeh dɛ́ ka tel a tona bini la, mɛɛ tɛo kpeɡrii ó di harɛ nɔ ta nɛra nɛ.

Wepila 2:26 ပူးပေါင်းရင်းမြစ်များ

Yela 2:8

Soŋ mɛ, mɛɛ kpɔ harɛre bwaa tɛɛ.

Yela 2:9

Hɛɛ di kora ba nɛɛ kpeɡri ne, hɛɛ pɔ ba nɛɛ dɛ́ ɛɛ ba kɛŋɔ, ba yon paɡre vii burbur la ken.’ ”

Yela 49:14

Baa na waa, dɛ́ serewe kɛ peera, seo tɔ ba sie dɛ́ kaa ba ne lalbɔɔne bini. Nɛra ba wa aa toɡra ɛɛ tiɡri ba nɛɛ, ba pɔh ba lalbɔɔne bini, ba ne ba deremi baah do jaŋne.

Daneɛl 7:18

A bwa habɔɔ la, Nemenɛ Korowii nɛra ba wa aa toɡra laanee wɛɛ ba kora la kpɔe tɛ, ó ɛ ba kon saŋ bɛlbwa dɛɛ la.’

Daneɛl 7:22

mɔɔ Nɛn Waa Lole Saŋ La Bwa la ba, dɛ́ ba pa Nemenɛ Korowii nɛra ba waa aa toɡra la boldɛɛɡe, asɛ saŋ tel kɛŋɔ ba kpɔ ba kora di name.

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Matiu 24:13

Kɛ nomɛlbwa waa wola n habɔɔ leɛ, dɛ won teŋɛ n nɛɛ ka tonɛ la, wɛɛ dɔ o nyuu.

Amanesoma Jɔn Aa Chwera Tɔn 6:29

Asɛ Yeesu chaŋ ba ŋɔ, “Gɛ Korowii aa dɛ nyin laanee kɛ nómɛlbwa yarada o Bibeŋkpoŋ waa tomɔ la, ásɛ dɛ kpɔ o te tɛo.”

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

1 Tesalonika 3:5

A waa ɡela n haŋre kahonɛ dɛ tomɛ Timoti, ásɛ dɛ jemɛ he yarada bini kɛŋɔ Bɔnsam ken baa neɡre heyaa dɛ ɡel ya toma yaa baa ɛ la ken ɛ pɛɛpɛɛ.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Jems 2:20

Gɛne! He dɛ nyin n baɡle kɛŋɔ yarada wedɛɛɡa ɛɛ aa wola a ta jae la ɛ pɛɛpɛɛ aa?

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

1 Jɔn 5:5

Umee dɛ́ won pɔ harɛ nɔ ta liire ne o komɛlbwa nɛɔ? Nomɛlbwa toole, atane kɛŋɔ naate waa dɛ yarada kɛ Yeesu ɛ Korowii Bie la ɡbosoroo.

Wepila 2:11

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, seo nɛɛte la aa won ɛo wobɛlbwa.”

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

Wepila 21:7

Naate waa wona yo le la ɛɛ dɔ kwaa nɔ bwaa. Mɛɛ ɛ Korowii waa dɛ tom mɛ, ásɛ o ɡe ɛ n bie.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.