Wepila 2:24 - mzwDBL

²⁴ Kɛ he Tiatra tena haa kaa, haa wola wechɔɡa waa baɡla la ta teŋɛ, haa wola Bɔnsam we-ɛɛla baa dɛ yera wesɔɔhla la jemɛ la, maa wekpeɡa ane bɛlbwaa kpɔ dawɛ he nɛ.

Wepila 2:24 ပူးပေါင်းရင်းမြစ်များ

We-ɛɛla 15:28

Waa ya ne Korowii Domadɛɛɡe la aa naa laanee kɛ, aa were kɛ ya ɡel hɛɛ ki komɛlbwa ka ja anɔ aa dɛ ba wona cha heyaa nɔ ta.

We-ɛɛla 16:14

Dɛ nɛra baa lɔ bela dɛ no waa yaa bola la, bɛl sɔne Liidia. Yale aa kɔlaa wɛɛ yoɡ, dɛ do bwɛjen Tiatra dɛɛ tomɛ Korowii. Waa dɛ no waa Pɔɔl aa dɛ bol la, Korowii pili o liire, asɛ o noa kɛrɛdɛ dɛ yarada Yeesu dɛ kpɔ o te tɛo.

1 Kɔrent 2:10

Kɛ Korowii cheɡɛ o Domadɛɛɡe la ta dɛɛ baɡle yaa a waa ásɛ ya won no a mun. O Domadɛɛɡe la dɛ na wobɛlbwa bini kɛrɛdɛ, hale dɛ jemɛ Korowii wesɔɔhla ɡba.

2 Kɔrent 11:3

Kɛ n dɛ ɔmɛ kɛŋɔ Bɔnsam bɛ bɔr ba dɔ che dɛ́ berɛ he liire, ásɛ he bɛ Yeesu Kristo dɛɛ nyin tepoŋ ne kpa, kɛŋɔ waa berɛ harɛkon dɛ kpɔ nyosone neɡre Hawa la.

2 Kɔrent 2:11

ásɛ Bɔnsam bɛ ŋwɛnɛ ba dɔ dɛ́ chɔɡ ya wa, dɛkalkɛŋɔ ya jemɛ o ŋwɛnɛre waa kpɔa dɛɛ neɡre nɛn.

Jems 3:15

Gɛ wejema nɔ ta Korowii doa wejema ɛɛ, a ɛ harɛ ta kwa. Korowii Domadɛɛɡe toole a ta. Bɔnsam liiree.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Wepila 2:18

Tɔn nɔ dɛ kaa nyundua torome waa cheɡa tɛ asɔre tena baa lɔ Tiatra la be. “Kenii men maa ɛ Korowii Bie, dɛ dɔ sibie a do kɛŋɔ ninlao, dɛ dɔ nakpale kɛŋɔ ayaawa la ŋɔ,

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.