Wepila 2:16 - mzwDBL

¹⁶ Anomanta, hé charɛ he liire, dɛ́ le he wechɔɡa ta. Dɛ ɡɛ laa aa, mɛɛ ba he be waranee, dɛ́ ba kpɔ tokobii la waa lɔ n nyoa la, dɛ́ yo he banɔ la haa dɛ teŋɛ Nikolai tena webaɡla la ta la.

Wepila 2:16 ပူးပေါင်းရင်းမြစ်များ

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 49:2

O ɡelɔ n nyoa wobol do nyɛɡre kɛŋɔ naŋɡɔse ken, dɛ kpɔ o nɔn tɔ n nɛ, dɛ ɛɛ mɛ kɛŋɔ hɛm waa nyɛɡa, dɛ́ kpɔ mɛ ɛ toma ken.

Ɛfesos 6:17

dɛ́ berɛ kpɔ lɛɛ Korowii aa lɛ heyaa la ɛ buni ɡbɛrɛ dɛ́ kpɔ pi, dɛ́ kpɔ o waa la aa ɛ o Domadɛɛɡe tokobii la kpoŋe.

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 16:9

dɛɛ nyaa nɛra, dɛkalkɛŋɔ o nyɛɡre taeh, asɛ baa bol Korowii waa dɔ kpeɡri hɔhɔrɔwa la nɛɛ nɛnhɛlwa. Ba ta ba liire charɛ dɛ le ba wechɔɡa ta. Ba ta on jirima tɛɛ.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

Wepila 19:21

Naate waa soɡe jaaɡɔ ta la kpɔ tokobinyɛɡ waa le o nyoa ta la kpoo olchɔɡe la nɛra baa kaa la, asɛ jumbii la bwa di ba ola ɡɛ aa wona.

Wepila 2:12

Tɔn nɔ dɛ kaa nyundua torome waa cheɡa tɛ asɔre tena baa lɔ Pɛɛɡamɔm la be. “Kenii men maa dɔ tokobijen o sie aa ɛ anɛ dɛ do nyɛɡre la ŋɔ,

Wepila 2:5

Anomanta, hɛ́ɛ lii ɡɛ he fa aa doa wubwa la, dɛ́ charɛ he liire, dɛ́ berɛ ka kpɔ he loɡla we-ɛɛla la ja. Gɛ laa aa, mɛɛ ba he bee dɛ́ ba laa he kandea daa la kpɔ le o buɡ ta.

Wepila 22:20

Naate waa ɛ waa nɔ bwa danseɛ la ŋɔ, “Kpelaa, n dɛ ba taraken!” Aamen. N Dɔɔ Yeesu, ba warane!

Wepila 22:7

Yeesu ŋɔ, “Hɛ́ɛ no! N dɛ ba taraken. Nomɛlbwa waa lawɛ waa nɔ aa lɔ tɔn nɔ bini, dɛɛ baɡle waa aa dɛ ba bala kerekere la bini kpoŋe la na som.”

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.