Wepila 2:14 - mzwDBL

¹⁴ Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Wepila 2:14 ပူးပေါင်းရင်းမြစ်များ

Aesaya 57:14

Korowii ŋɔ, “Kwaa ŋwɛnɛ, kwaa ŋwɛnɛ tɛ n nɛra bá ba! Laa komɛlbwa waa tɔ bɔr la kpɔ ta.

Jeremia 6:21

Anomanta, mɛɛ ɡeloo ɡɛ nɛra nɔ lɔ naa dɛ́ choɡli. Lolanar ne ba bii ɛɛ serewoo, nɛra ne ba daamanar ɡe serewe.

Ɛsekeɛl 3:20

Dɛ nɛn o wa aa toɡra la le o wetoɡra ta dɛ ɛ wechɔɡa aa, mɛɛ kpɔ kon waa dɛ ba ɡela o lɔ naa bil o sie. Haa wola on kaeh nomanta, wɛɛ sewɛ o wechɔɡa taa. Maa waa waa ɛa a toɡre laanee lii, mɛɛ pɛɛre o seo waa.

Ɛsekeɛl 44:12

Baa tomɛ voɡa dɛ ɡel Israel tena ɛ wechɔɡa nomanta, n ir nɔn dɛ ŋwɛɛ kɛŋɔ a chɛ kɛ ba dɔ deŋnetɛra ba wechɔɡa la wa. Men Nemenɛ Korowiirii bola.

Nɛra Kura 24:14

Taraken n berɔ dɛɛ kaa n nɛra be, kɛ ɡel ń ŋɔ he be waa Israel tena aa dɛ́ ba kpɔe ɛ he nɛra kerekere.”

Nɛra Kura 31:16

Banee no Balam waa ta, a che a ta dɛ ɡel ya laa ya te kpɔ Korowii nɛɛ Peɔ Bwejen ta, asɛ weechɔɡa ba ya Korowii nɛra nɛɛ la.

Nɛra Kura 31:8

Ba kpoo Midian koranar banue ja nɛra baa kpoora la ta. Banee koranar baa dɛ yer ba Evi ne Rekem ne Sor, ne Hur dɛ Reba. Ba kpo Beɔ bibaa Balam ɡe tokobii ne.

Matiu 18:7

Harɛ nɔ ta nɛra, hé bwɛɛlɛ, he dɔŋa neɡra dɛɛ do wechɔɡa ta nomanta. A ɡɛ waa la ɛɛ bao te, kɛ naate waa ba a ne la, ó bwɛɛlɛ.

We-ɛɛla 15:29

Anee kɛ, he bɛ voɡa kwaa dɛɛ di, he bɛ chal dɛɛ di, he bɛ ol baa wola o baŋa teŋe o sewɛ dɛɛ di, hé laa he te kpɔ jwamane waa ta. Dɛ he wono dɛɛ ki anɔ bwa naa, he wobɛlbwa ɛɛ maɡroo tɛ heya. Kórowii cha heya.”

We-ɛɛla 21:25

Asɛ nɛra baa wola Juu tena ɛɛ dɛ yarada Yeesu waa la ɡe la, ya chwerɛ tɔn ka tɛɛ ba ŋɔ ba bɛ voɡ kwaa ne chal ne ol baa wola o baŋa teŋe o sewɛ la dɛɛ di, dɛ ŋɔ bá laa ba te dɛɛ kpɔ jwamane waa ta.”

Tɔn Pɔɔl Aa Chwerɛ Rom Tena 11:9

Ya nabaa Devid bolɔ ŋɔ, “Korowii, ɡɛ saŋ baa dɛɛ di kwaa dɛɛ lɛ ba sie la, ɡel siswɛm piɡ ba. Gel waa ba sie aa dɛ lɛ a ta la ɛ kon baa lɔ naa o ta dɛɛ choɡli, dɛ́ ɛ bel dɛɛ laɡ ba, ásɛ ba wa ɛɛ ɡure ba nɛ.

Tɔn Pɔɔl Aa Chwerɛ Rom Tena 14:13

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

Tɔn Pɔɔl Aa Chwerɛ Rom Tena 14:21

Waa aa toɡra kɛ hɛɛ ɛ laanee kɛŋɔ ol dii ne sen nyɔe, ne wobɛlbwa aa dɛ ba wona ɡel he dɔŋ lɔ naa chole la, a chɛ kɛ he laa he te kpɔ a ta.

Tɔn Pɔɔl Aa Chwerɛ Rom Tena 9:32

Aah dɛ bɔkwaa ɡela a ba ɡɛ nɔ? Baa wola sie kpɔe dawɛ Korowii yaradae ta, dɛ kpɔ sie dawɛ ba we-ɛɛla ta kɛŋɔ anee dɛ́ ɡel Korowii siwi su ba la, a waa. Anomanta, ba lɔ naa Bwe nɛra aa lɔ naa o ta dɛɛ chole la ta.

1 Kɔrent 1:23

Ya te, Yeesu Kristo sewa daɡaɡre ta la waa yaa bol. A ɛ waa Juu tena aa dɛ lɔ naa a ta dɛɛ vɛah, asɛ nɛra baa wola Juu tena ɛɛ ɡe la, a ɛ wesale ba be.

1 Kɔrent 7:2

Kɛ jwamane aa wara la nomanta, a chɛ kɛŋɔ baa bɛlbwa dɔ o haah, ásɛ haah bɛlbwa ɡe dɔ o jaa.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Josua 24:9

Dɛ Sepɔ bibaa Balak di kora Moab harɛ ta ɡɛ saŋ. O kpɔ o te dɛ ka yo Israel tena, dɛ ɡel Beɔ bibaa baa dɛ yerɔ Balam no kɛŋɔ ó ba dɛ́ ba taah heya.

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.

2 Pita 2:15

Ba ɡel ŋwɛnɛtoɡre la, dɛ nyoɡre. Ba kpɔ Beɔ bie Balam o fa aa ɛ Korowii keame la ŋwɛnɛ la. O sie aa beɡre suuɡa kohona nomanta, o kpɔ ŋwɛnɛchɔɡe ta dɛ nyin suuɡa.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Wepila 2:4

Kɛ he webeŋkpoŋ maa dɔa laanee kɛŋɔ, nyina he fa aa dɛ nyin mɛ loɡla la ta ɡɛ doe kpa.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.