Wepila 2:10 - mzwDBL

¹⁰ He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Wepila 2:10 ပူးပေါင်းရင်းမြစ်များ

Yela 31:23

Korowii nɛra he wa aa toɡra, hé baɡle he nyina o nɛ. O kpɔ nɔn dɛɛ tɔ o nɛra ba wa aa dɔ kasinteŋ nɛ, kɛ mbarafo tena te, o dɛ tɛr ba deŋne ɡɛ aa chɛa.

Wiile 3:57

He no n wesoŋa la, dɛ ŋɔ n be ŋɔ n bɛ ɔmɛ.

Daneɛl 1:12

“N poori, tɛ yaa dɔkpɔɡa komɛlbwa aa wola toole a ta, ne nee ɡbo tɔpera fi, dɛ́ kpɔ daah yaa na.

Daneɛl 1:14

Anomanta, o sɛoh, dɛ tɛɛ ba kondikwa baa bɔɔ a waa la tɔpera fi, dɛ́ kpɔ daah ba na.

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Matiu 24:13

Kɛ nomɛlbwa waa wola n habɔɔ leɛ, dɛ won teŋɛ n nɛɛ ka tonɛ la, wɛɛ dɔ o nyuu.

Amanesoma Mak Aa Chwera Tɔn 13:13

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Amanesoma Mak Aa Chwera Tɔn 8:35

dɛkalkɛŋɔ nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Ásɛ nomɛlbwa ɡe waa koh n ne Korowii Amanesoma nɔ waa dɛ kpɔ o nyu ta la, wɛɛ dɔ o nyuu.

Amanesoma Luk Aa Chwera Tɔn 21:12

Mɔɔ ɡɛ waa nɔ bwa chiɡ la, baa tɔ sie larawe heya, dɛ́ ɛ heyaa hɔhɔrɔwa, dɛ́ lawɛ heyaa la cheremi deene bini, dɛ́ ka bol he waa dɛ́ do heyaa dea. Baa koh n waa dɛ́ lawɛ heyaa ka che nomonome ne koranar siini.

Amanesoma Jɔn Aa Chwera Tɔn 12:25

Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu dɛ dɔ Korowii mkpa aa wola jaɡa dɔe la.

Amanesoma Jɔn Aa Chwera Tɔn 13:2

O ne o habɔteŋra aa lɔ tiɡ ta jɔmɔra la, Bɔnsam tɔ sie kpɔ liichɔɡa ba do Seemɔn Eskareɔt bie Judas bini kɛŋɔ ó le Yeesu tɛ.

Amanesoma Jɔn Aa Chwera Tɔn 13:27

Waa tɛr nɔn dɛ lɛ paanoo la, Bɔnsam den ba so o nɛ. Asɛ Yeesu ŋɔ o be ŋɔ, “Ir ka ɛ waa haa dɛ ba ɛɛ la warane.”

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

1 Kɔrent 9:25

Nomɛlbwa waa jemɛ chwae, dɛɛ tɛɡre o te dɛ́ chwa lɛ komɛl la, o dɛ dɔ haŋra kwaa bwa ta dɛ́ ka chwa dɛ́ tɔ sie ásɛ ba kpɔ ɡbɛrɛ piu. Kpɔɡa nee ba sɔh ɡɛ ɡbɛrɛ la, waa biɡri dɛ o chɔɡɔ. Kɛ ya te chwae yaa dɛ chwa la, ya dɛ nyin ɡbɛrɛ waa wola chɔɡ bwa.

Ɛfesos 2:2

He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

Ɛfesos 6:12

dɛkalkɛŋɔ nɛn laa ya ne wɛɛ yo. Ya ne konchɔɡa aa bea yaa wola an na a dɔ kpeɡri harɛ nɔ ta nɛra baa wola Korowii tomɛ dɛ do biro ta la nɛ, ne konchɔɡa bwa soo siwi aa wara kohona laanee dɛɛ yo la.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 13:2

Olchɔɡe la maa nao la le noniete, o nakpale ɡe le sisire nakpale, asɛ o nyoa ɡe le nyujente nyoa. Asɛ kontuuɡi damanta la kpɔ o kpeɡri ne o kora ne o nomonome kohona waa dɔa la bwa tɛ olchɔɡe la.

Wepila 13:7

Korowii tɛo ŋwɛnɛ ó yo o nɛra ba wa aa toɡra dɛ́ pɔ ba nɛ, dɛ ɡel o dɔ kpeɡri wobol te bɛlbwa nɛra baa lɔ harɛ nɔ ta bobɛlbwa nɛ.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.