Wepila 19:4 - mzwDBL

⁴ Nomonome fifraanɛ dɛ banaarɛ la ne hweera kwaa anaarɛ la ɡuŋo dɛɛ duu Korowii waa soɡe o kookara ta la, dɛɛ si, “Aamen. Hé kpɛɛ N Naa Korowii!”

Wepila 19:4 ပူးပေါင်းရင်းမြစ်များ

1 Webena 16:36

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Nɛra la bwa ŋɔ, “Aamen” ne “Hé kpɛɛ Korowii!”

Nehemia 5:13

N ɡe laa yal waa vɔwɛ n chara la kpɔ dɛ jwiiru, dɛ ŋɔ, “Kenii Korowii ɛɛ ba nomɛlbwa waa wola o nyobaɡa ta teŋɛ jwiira ta le o dem, ne komɛlbwa waa dɔa ta, ásɛ o nya so.” Asɛ nomɛlbwa waa lɔ bela ŋɔ, “Aamen!” dɛ kpɛɛ Korowii. Asɛ nomonome la ɛ ɡɛ baa baɡɛ nyoa la.

Nehemia 8:6

Anee Ɛsra ŋɔ, “Hé kpɛɛ Korowii waa ɛ Korowijen la.” Asɛ nɛra la bwa ir nɔɔra nyundua dɛ ŋɔ “Aamen, Aamen” Ba ɡuŋo, dɛ kpɔ sie pi harɛ dɛ tomɛ Korowii.

Yela 104:35

N Naa Korowii, n dɛ soŋe kɛ he chɔɡ wechɔɡ-ɛɛra le harɛ nɔ ta, nyubinikpeɡ tena bɛ le do kpa. N dɛ kpɛɛ Korowii n bambile bwa ne! Hé kpɛɛ Korowii.

Yela 106:48

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Gel nɛra bwa ŋɔ, “Aamen.” Hé kpɛɛ Korowii!

Yela 41:13

Korowii Israel tena aa dɛ tomɔ laanee dɔ jam, le saŋ waa wola jaɡa dɔe dɛɛ la. Aamen!

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

Yela 89:52

Hé kpɛɛ Korowii saŋ bɛlbwa dɛɛ la! Aamen!

Jeremia 28:6

“Aamen! Kórowii ɛa ɡɛ! N dɛ hwɛɡɛ kɛŋɔ ó ɡel o waa haa bola la ɛ kasinteŋ, dɛ́ ɡel laala a yoɡ aa kpeɡa dɛ do Korowii Dea la ne nɛra baa laɡ ba kaa harɛfale ta la bwa, bá berɛ le a bwa ne Babelɔn ba bonɔ.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

1 Kɔrent 14:16

Dɛ ɡɛ laa aa, he dɛ jam Korowii he lileo ne naa, ɛrɛɛ naate waa wola yarada dɛ ɛ nɛmpɛɛ la ɛɛ ba ɛɛ dɛ́ no a mun dɛ́ sɛh he nyoa ŋɔ “Aamen” dɛ́ teŋɛ waa haa jaamo a waa la ta nɔ? Waa won no waa haa dɛ bol la mun.

Wepila 15:7

Asɛ hweera kwaa anaarɛ la bɛl kpɔ suuɡaswɛm loɡa anuanɛ tɛɛ ba. Korowii waa lole saŋ te bɛlbwa la bandia su a bwa.

Wepila 19:1

A habɔɔ la, n no waane Korowii doa kɛŋɔ nɛnlaa tenten ɡbɔɡa baa si, “Hé kpɛɛ N Naa Korowii! Onee lɛ nɛwɛnyina, on chɛ jirima, on dɔ kpeɡri bwa,

Wepila 19:3

Ba berɔ si ja, “Hé kpɛɛ N Naa Korowii! Babelɔn chuu ɛɛ dɛɛ kaa nyundua saŋ bɛlbwaa.”

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Wepila 5:14

Hweera kwaa anaarɛ la sio ŋɔ, “Aamen,” asɛ nomonome la ɡe ɡuŋi harɛ dɛ duuru.