Wepila 19:12 - mzwDBL

¹² O sibie do kɛŋɔ ninlao ken. O pi kooɡbɛrɛre a warɛ pirim. O sɔn bɛl dawɛ o nɛ, nomɛlbwa aa wola sɔn la jemɛ nemenɛ o ɡbo.

Wepila 19:12 ပူးပေါင်းရင်းမြစ်များ

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.

Amanesoma Luk Aa Chwera Tɔn 10:22

Yeesu berɔ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ nemenɛ n ne nɛra maa dɛ nyin kɛ ń ɡel ba jemɔ la.”

Wepila 1:14

O nyumpona too kpelkpel kɛŋɔ yabi, o sibie ɡe ɛɛ nyɛɡle kɛŋɔ ninlao ken.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.

Hibru 2:9

Kɛ ya dɛ na Yeesu te kɛŋɔ Korowii aa ba o ne harɛ, asɛ nyundua toroma ɡwaalo tama, asɛ waa na wahala dɛ sewɛ la, o tɛo jirima dɛ ɡel komɛlbwa ɛɛ tɛo duure. Korowii alaworomɛɛ o sewɛ tɛ nɛwɛnyini bwa la.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Yela 8:5

Tamaa kenii he ɡel nyundua toroma ɡwaa nɛwɛnyini, he ɡelɔ nɛn dɔ jirima asɛ komɛlbwa ɛɛ tɛo duure.

Wepila 12:3

Nyokpowaa ane ɡe aa dɛ baɡle waane berɔ ɛ nyundua bela ja. Kontuuɡi damanta bɛl waa le lɛŋɔ leɔ. O swɛɛrɔ dɛ dɔ nyuune anuanɛ dɛ nyeɡlare fi. Asɛ kooɡbɛrɛ pi o nyuune la bɛlbwa ta.

Sekaria 9:16

Tɔpere la telaa, Korowii baa dɛ tomɔ la ɛɛ lɛɛ baa, kɛŋɔ peteɡre aa lɛ peera le wahala ta. Baa dɛɛ nyɛɡle o harɛ taa, kɛŋɔ suuɡaswɛm kwaa aa pɛɡle kooɡbɛrɛ ta la.

Sitɔɔla 13:18

Korowii nyundua torome la ŋɔ, “Ɛrɛɛ hɛɛ bɔɔ mɛ n sɔn nɔɔ? A mun noe ɡwaa he liire ta.”

Kaala 23:21

Hé cheɡ deŋne dɛɛ no wobɛlbwa waa bol he be. He bɛ lwɛmkpeɡ ɛ, he ɛ lwɛmkpeɡ aa, waa he bwaraa kpɔ kɛ heya, dɛkalkɛŋɔ onee chiɡ n naa ta.

Mumpar 32:29

Jekɔb ŋɔ o be ŋɔ, “N poori, chaɡ mɛ he sɔn.” Anee o chaŋe ŋɔ, “Ɛrɛ waa hɛɛ nyin dɛ́ jemɛ n sɔn nɔɔ?” Asɛ o swee andɛɛɡa tɛo bela.

Wepila 6:2

N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.

Aesaya 62:3

Hɛɛ ɛo kɛŋɔ kooɡbɛrɛ waa wera kɛrɛdɛ tɛ Korowii.

Wepila 13:1

A habɔɔ la, n na olchɔɡe bɛl wɛɛ le mpo ta. O dɔ nyuune anuanɛ dɛ nyeɡlare fi. Kooɡbɛrɛ pi o nyeɡlare la bɛlbwa ta, ba chwerɛ sɔnchɔɡe ɡe dawɛ nyuune la bɛlbwa ta, a ɛ chɛɡa tɛ Korowii.

Matiu 21:5

“Ŋɔ Saayɔn tena be ŋɔ bá nyiŋi na! Ba kooro dɛ ba ba be! O pwɛre. O soɡe keeɡo bie ta, keeɡo bale taa o so.”

Yelsom 3:11

Jerusalam haahna, hé le ba, dɛ́ ba na Kooro Solomɔn kooɡbɛrɛ o nya aa kpɔa piu, awola o sie aa lɛa kohona wɛɛ ɛ o hanfalwaa la.

Sɛɡla 30:4

Nomɛl la Korowii doa dɛ berɛ ba kaa? Umee lawɛ peu kpoŋe o nɔmpaa bini kaɔ? Umee ɡbaa nee aa lɔ harɛ ta bwa do yal ta, kɛɛ umee kpɔ jwɛhre bil harɛ nɔ ta nyoa ɔ? Umee jemɛ naate ɔ? O sɔne ɛrɔɔ? O bie sɔne ɛrɔɔ? He jemɔ waa, baɡ mɛ!

Daneɛl 10:6

O bwara do kɛŋɔ bwedɛɛɡa ane aa dɛ nyɛɡle baa yera kresolɛt, o siebɔr do kɛŋɔ bwaala aa dɛ nyɛɡle ken, o sibie do kɛŋɔ kapɛle aa dɛ hɔ, o nɔɔra ne nakpale do kɛŋɔ ayaawa baa looru ken, asɛ o taa do kɛŋɔ nɛnlaa aa bol waa dɛɛ nyɛɡ ken.

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 17:12

N fa aa lɔ ba be la, n kpɔ sɔn haa tɛ mɛ la kpeɡri tɔ ba nɛ, ba bɛlbwa ta n nɔn ta nyoɡrɛ, nemenɛ onɔ la baa chwerɛ o waa he Tɔn bini ŋɔ wɛɛ nyoɡroo la, o ɡbosoroo nyoɡra, ásɛ he Tɔn bini waa la ɛ kpela.

Ɛfesos 1:21

o dɔ kpeɡri kɛrɛdɛ ɡa, dɛ ɡwaa kpeɡri konchɔɡa aa bea yaa wola an na bwa soo siwi aa dɔa, dɛ dɔ sɔn ɡwaa komɛlbwa kɛɛ nomɛlbwa waa lole taraken ne nɛra baa dɛ ba bala tɔpere aa dɛ ba bala la ta.